1 Phato Pharisi zhe Sadiki moc s`oi ita tasa kai aman ki shesi zamana aini mocan bati kia D`ias nis`ani pashai. 2 Se jawab una tasi kai amaaw c`akdikwew o tu mas dai ki kholaw hiw aria koki D`i lac`ia. 3 Zha ragesti o shehen` ki se~nra jel koki D`i lac`ia zha menj mocai shiaw. Abi D`ias tamez ta karik bha dai magam zamanas nis`anias tamez o ne karik bha dai. 4 Onja zamana aini shum moc nis`ani khojin dai magam Yunahas nis`an as sargairo warek kia nisani ne hiw zha se phato te histi paraw. 5 Phato shaget alelaw parikwew au tan som grik prasmi aini. 6 Yasu tasi kai amaw khabardar Pharisi zhe Sadiki mocan au an pe bac the apaw det. 7 Te egoegin kai maikas pron ki abi au ne oni aik. 8 Yasu jhoni o amaaw ki Ay nafadukan abi egoegin kai ko ma dai ki homa som au ne shian. 9 Kia shonja zha ne jona dai e ki shatasi ponj hazar mocan ponj au mimi yad ne e zha kimon o thaw hawan? 10 Zha ne o tasi c`aw hazar mocan sat au zha ne o shehen` ki kimon thaw hawan? 11 Kia waja shiaw ki abi ne jona dai ki a mimi kai au as bara una ne mai asi? Pharisi zhe Sadiki mocan mayakas pe khabardar hali. 12 Phato te ajonan ki se au as mayak ne Pharisi zhe Sadiki mocan sabakas barauna maiman ais. 13 Yasu Kasaria philpi wa~una au e to se tan shagetan pe she`he`n aphucaw ki moc Adamas putr e kai kia man dai? 14 Te amaan ade ta Yuhana baptisma diau man dai ade o Alia ade o Yarmiah yao paygumberan mocaw. 15 Se tasi kai amaaw magam abi mai kai kia ma dai? 16 Shamoon Patras jawab una maaw tu zinda Khodayas putr Masih. 17 Yasu jawab una tasa kai amaw Mubarak tu Shamoon Yuhana koki shama mondr mos zha lui ne mai dada kura ki D`i una aw tai kai maw. 18 Asta tai kai mam dai ki tu Patras zha a shaya bat una tan moc sawzem zha saw Jahan aini arwah asta isa thara ne hik bhan. 19 A d`i aini ac`uyak tai dem zhe kia ki tu comuna bonis te D`iuna asta bonin parin zha kia ki tu com una kholaw karis te D`iuna asta kholaw hin. 20 Shatara se shagetan kai hokum praw ki kas kai mo ma ki a Masih. 21 Shatara wat aini s`ati Yasu shagetan kai maikas praw ki tasa Yaroshelum parik bo zaruri zha akhabiran zha gaderakan zha Phikian gehenaw dai to nashen zha troyo aduo gheri ustuw. 22 Patras to gezi awata neo amaw ki khoday shehen` mo kariw araia. Shehen` tai thara kai asta ne hiw. 23 Se Patras e gehe~n gheri tasa kai amaw Ay shaithan mai pi desha pari. Tu mai shurues koki tu khodaya mondr ne mocan mondran kheyal karis dai. 24 Shtara Yasu tan shagetan kai amaw ki kura pe mai pistaw ik khoja dai o tan salip uprayo mai pistaw aw. 25 Koki kura pe tan zhan bac araw pe haw se to dumbel zha kura pe mai bati tan zhan dumbaw pe haw se o to griw. 26 Moc saw dunia pe agriaw pe haw zha tan zhanas nuksan asta pe agriaw pe haw tasa hatya kia phaida? Yao moc tan zhanas badila una kia del? 27 Koki Adamas putr tan dadas bati tan pharishtagan som iw. Shatara wat uno se har egis tasi kroman thara tasi badila del. 28 A mimi kai sahi maam dai ki kura aya c`isti an talela mocaw ade shehen` an ki te Adamas putr pe tasi badshahias som pe ikwew ne apashan po te nashikas maza ne sapren.