1 Tara wat una c`otai mulkas gaderak Hairodes Yasu a te mondr sangais. 2 To tan mocan kai amaaw ki ea Yuhana baptisma diaw e. Se nashowan mocaw zinda thi itaw to tasa pi shemi hairan hikas bas` krom hin dai. 3 Koki Hairodes tan bayas Philpas e jas Hairodias e wajen dai Yuhana gri to bonio jelai jai aini. 4 Koki Yuhana tasa kai mai ais ki to thek tasa hatya prust ne hiw. 5 Phato se to nashek khojiman ais magam moc pashi behiman ais koki te tasa kai paygumber gho~i maiman aini. 6 Magam Hairodes e salgira (ubujikas adua) ashes e Hairodes e cul`as tara mehel una nati to khoshan araw. 7 Tara o se shat c`awi wada araw ki kia tu khojis to tai dem. 8 Se tan ayas c`ec`aikas thara amaaw ki mai hatya Yuhana baptisma diawas s`is sahaya onawas. 9 S`a perishan hawaw magam tan shatas zhe mehnu an wajen dai se hokum praw ki isa det. 10 To moc huti Yuhana e s`is c`inawais. 11 Tasa to s`is aonan zhe istrizhas pron zha seo to tan ayas tada ahiraw. 12 To tasa shagetan ita tasa to jhan uprayo to d`ahagan zhe Yasu a tada pai tasa kai amaan. 13 Yasu shehen` sangayo talela kishti una nesi ek gezi jaiga una hatya paraw zhe moc shehen` sangaiyo Shahar Shaharaw tasa pistaw paron. 14 Se ucundi bo mocbi apashaw zha te pashi tasa wal` praw to se phato talela te lahaz prust araw. 15 Phato c`ak praw e to shaget tasa tada ita tasa kai amaan ki jaiga bo weran zha wat o pai shiaw. Moc huti ki gromai pai au onin. 16 Yasu tasi kai amaaw ki tasi parik zaruri ne. abi mi asi zuikas bati au det. 17 Te tasa kai amaan ki aya homa som ponj ta au zhe du o masi shian wareo kia ne. 18 Se amaaw te aya mai tada ona. 19 To se mocan kai bronz una nesaw gho~i amaaw. Phato se te ponj au zhe du masi agreaw zha D`ias gehen jagayo barkat praw zha au c`eni shagetan praw zhe shagetan mocan pron. 20 Te saw zui tac`erini to te thaw hula palum dash zhe dua sawew upran. 21 Zuaw istrizha zha sudayak ne kai ponj hazar moc aini. 22 Se phato shagetan kai amaaw ki tasa parikani pe sumber abi kishti una nesi alelaw para a emi moc hutum shohon zha. 23 To te mocbi huti o gezi the dua karikas bati ek dhen~ta una ustaw c`ak praw e se tara gezi ais. 24 Magam kishti o ukas mocuna ashes zha alai anadai pariman ashes koki s~enra jiman ashes. 25 Se rat o uk una kasiman tasi tada aw. 26 Shagetan to uk una kasikwew pashi o behon zha maikas pron ki bhala aw te behe o abayo pron. 27 Yasu tasi kai amaaw Aa am. Mo behaw. 28 Patras jawab una tasa kai amaw Ay khoday tu pe as pe haw mai kai hokum de ki a uk una kasi tai tada im. 29 Se amaaw andai. Patras kishti aini uc`undi Yasu e tada parikas bati uk una kasikas praw. 30 Magam sen~ra pashi o behi shuruikas theo abayao diman amaaw Ay Khoday mai bac kari! 31 Yasu ek dam baza ruaw kai to agreaw zha tasa kai amaaw Ay nafaduk tu o shak ari? 32 To te kishti una on e to sen~ra kam hawaw. 33 Kura ki kishti una aini te tasa ruaw sual kaio amaan ki tu mi Khodayas putr. 34 Te phato Ganisrat wa~nuna azhal`an. 35 Zhe talela moc to joni o saw mocan kai amaan saw lahaz tasa tada alon. 36 Phato te tasa ishkal`i karikas pron ki tasa peranas awatik mi c`utin zha kura ki to ac`utan taza hawan.