1 Magam shehen` jhona ki akher zamana una shum wat iw. 2 Koki moc matlabi, paisan malgiri, tan soro ghona josin, magrur hin, ayas zhe dada napharman, nashukur, napak. 3 Muhabat ne karaw, dang hardi, waregin pistaw mondr diaw, shum mizaj aini, prustias dushman. 4 Phan diaw, tan soro ghona hiaw, Khodayas jaiga una ayashi tan malgiri sawzawaw Karin. 5 Se mazhab maniaw ta hin magam to to kubul o ne Karin. Shehin pe asta desha thi apaw det. 6 Tasi mi mocaw shate moc asta an kura ki dura luhi in dai zhe shate shum istrizha kabu Karin dai kura ki gunah Karin dai zhe bo ruyakan khuwaish karik dai. 7 Hamesha sabak ta grin dai magam hak o ne jhonin dai. 8 Khen ki Yanis zhe Yambarlis Musa e khilap aini shehen` mi shemi moc asta hakas khilap una an. Emi shehen moc kas ki dimag kharab thi shian zhe tasi bhawar asta kubul ne karik bas`. 9 Magam isa pi ziad asta ruaw ne parik bhan koki isi nadani saw moc pashik bhan khen ki tasi thi ashini. 10 Magam abi sabak, ustik nesik, bhawar, sabar, muhabat tang karikwew zhe ghamas wat una mai madad arili. 11 Matlab shehen ghamas wat una kai ki Antakia zhe Uknim zhe Lustara desha una Mai thara thi ashini magam Khoday mai tasi sawin pi khalas araw. 12 Baliki kura ki Isaa Masih e som bhawar umbur zhe majar teraik ghõi citin dai moc te tang Karin. 13 Shum zhe dhoka diaw moc phan diman parin. 14 Magam abi o kia ki mondr abi cici aili zhe kas ki yakeen mimi kai kai aimi abi yadi tha ki te abi kas pi cici aili. 15 Abi cutak aini s`ati shate pak neweshila jhona dai ki ki mimi Isaa Masih e thara bhawar karikas bati dai shian. 16 Har ek warag kia ki Khodayas gehenaw dai ucundi shian te sabak yao kas pistaw kia mond dek zhe ujak phond una kasik emi saw jhonikas bati bo phaida zhalel. 17 Ki moc pura Khoday maniaw hiw aria zhe har ek prust krom karikas bati har wat tayar apaw del.