1 Khoday zhe Isaa Masih kura ki zindan zhe naston adalat karin guah kai zhe tasa gaderaki zhe bacai yadi dehai a mimi kai mam dai ki. 2 Ki tu Khodayas Kitab aini mond mocan kai de. Wat una zhe bewat hamesha tayar apaw de. Har ruyakan sabak zhe sabaras thara cecai zhe nasihat Kari. 3 Koki shehen` wat iw ki moc sahi sabak bardasht ne karin baliki kõ khucaikas wajen dai tan tan khuwaish hisab una bo bandawaw sawzen. 4 Phato tan kõ hak aini warek gehen kai o acoik kõ Karin. 5 Magam tu o saw mondrai hushiar thi apaw de. Gham uprai. Khoshanias mondr de. Tan khesmat pura kari. 6 Koki a ajo phawazun parim dai zhe mai parikas wat ita shiaw. 7 A prust ashatis. A adhaik adhaik khules. A bhawar prust kai athes. 8 Ruaw ujak phond una kasikas bati mai hatya khu~ (taaj) thai shiaw insaphas matlab Khoday mai tara aduo del khali mai mi o ne baliki shatasi sawin kura ki to pashikas intizar karin dai. 9 Mai tada ghas ikas kosheh Kara. 10 Koki Dimas shama umbur khoshai mai o ahistaw phato Thasalankio hatya paraw talelo Kurlisknis Gitia phato Titus Dalmatia. 11 Kahli Luka mai tada aw. Markas asta gri ie koki khesmat karikas bati se mai kromani moc. 12 Tukhas o a Iphsas hatya huti am. 13 Kia cuga ki a Taruas desh una Kurpus e tada histi itam tu aa pe haw to zhe Kitab khas kai Rak e Tumar asta gri ie. 14 Sikandar mai som bo shum mondr praw. Khoday tasa kroman badela tasa del. 15 Tasa pi tu asta khabardar thi apaw de koki se homa bo mondran khilap una aw. 16 Mai awel jawab dikas temuna kura mai som ne hawan baliki saw mai ahistan. Kash ki tasi isa hisab mo deheli hiw aria. 17 Magam Khoday mai madad karaw ais zhe se mai takat dai aw ki mai wajen dai Khodayas mondr pura hiw zhe saw warek mulkaw moc asta kõ karin a sheras ashaw khalas thi am. 18 Khoday mai har ek shum kromaw nehail zhe d`ias bacai una prust kai zhalel. Tasa gaderaki hamesha hiw aria. Ameen. 19 Parsika zhe Akula zhe Unispharas e khanadanan kai Ishpata Kari. 20 Irastus Kurnathas apaw praw Turphamas a Milatus lahaz histi itais. 21 Basun hikas pi sumber mai tada ikas kosheh Kari. Yubolus zhe Pudinas zhe Linus zhe Kulodia zhe saw bayay tai kai Ishpata karin dai. 22 Khoday tai arwahas som hiw aria Tai thara barakat hiw aria.