1 To ay mai malgirian! Kia bhawar ki abi Isaa thara Kara dai tara dang thi apaw det. 2 Kia ki mond abi bo guahan raw mai pi sangai aa te shatasi imandar mocan hawala kara kura ki waregin asta cicek bhan. 3 Isaa Masih e sahi sipahian raw mai som gham upraa. 4 Kura sipahi shatika parikwew tan soro dunia aini mamilan pe desha kariw dai ki tasa griaw gaderak khoshan karik bhaw. 5 Maidan una mukabila karaw moc asta pe sahi mukabila ne araw pe haw se har hiw. 6 Cetai krom karaw moc mehnat araw pe haw to phasulaw awelo celak tasa mi milaw hehaili. 7 Kia ki a mam dai te prust kai kõ kara koki Khoday mimi mond jhonikas dimag del. 8 Isaa Masih yadi tha kura ki naston mocaw us`ti aw se o Dawood e nasalaw. Mai shesa mondas hisab una. 9 Kas bati ki a gham zhum dai shaya zhe ki a jelai band am magam Khodayas Kitab o band ne. 10 Shatalako a my mai khosh mocan kheater una saw kia bardasht karim dai ki te asta Isaa Masih e wajen dai gunah aini khalas hin dai to jhonin. 11 Shia mondr sahi ki Abi tasa som anashimi pe haw Tasa mi som zinda asta hik 12 Abi gham pe bardasht arimi pe haw To tasa som bacai asta karik Abi tasa inkar pe arimi pe haw To se asta homa inkar kariw. 13 Abi bewapha hawimi pe haw To se o wadi asta homa som wapha kariw Koki se homa pi inkar karik ne bhaw. 14 Shemi mond tasi yadi deha zhe Khodayas ruaw maa ki mondras thara egoegin khilap una ne hik tasa pi kia milaw ne hiw baliki kõ karaw desha hin. 15 Tan soro Khodayas ruaw ghona zhe shehen` krom karikas Koshish kara ki pistaw o sharmada mo hali zhe hakas thara krom kara. 16 Magam behuda bakwasan pi parhez kara koki shehen` moc mazhabas pi desha thi taraki Karin. 17 Phato tasa te mondr zuhawan raw zhuiman Khul hin. Humnuis zhe Philitus tasi mi mocaw an. 18 Te shehen` maiman ki kiamat thi shiaw hakas pi abatha thi an zhe adhein bhawar asta abatha Karin dai. 19 Wadi asta Khodayas dang buniad thaw hiw dai tara o shehen` muhar s`ati shiaw ki Khoday tan moc jhoniw dai zhe kura ki Khodayas nom griw dai se narast ne hiw. 20 Ghona durai Khali sohoruman giarum ne hin baliki phawas zhe shulas giarum asta hin dai. 21 To kura ki isi pi desha thi pak hiw se o izatas giarum zhe onjas`ta hiw zhe malikas kromas laik zhe har prust krom karikas lahik hin. 22 Juwani aini khuwaishan pe pala zhe kura ki pak hardias thara Khodayas pe sual karin dai tasi som ujak, bhawar zhe muhabatas thara apaw det. 23 Magam bewakuphi zhe nadanias pe desha thi apaw det koki abi jhona dai ki tasa wajen dai phasad paida hin dai. 24 Prust ne ki Khodayas banda s`atin baliki sawin som prusti kara zhe sawin sabak diaw hali 25 Kura ki homa khilap una moc an aram una tasi ikhlak cica. Albat Khoday tasi thoba karikas akal del ki te hak jhonik bhan. 26 Khodayas bandas mucaw Khodayas marzias thara shaithanas mucaw khalas hali.