¹ نوں او براتاں! ما شمارا ھدائے ھما پزل ءِ ھالا دیا کہ مکدونیہ ءِ کلیسیانی سرا بوت۔ ² بلائیں مُسیبت ءُ آزمائشاں سک تنگدست بوتگ اَنت بلے آیانی دل انگت چہ گلا بال بوتگ ءُ دست پچ بوتگ اَنت۔ ³ من شاھدی دیا پہ خوشی ءُ رزایا چہ وتی گنجائش ءَ گیشتر داتگ۔ ⁴ او اِے ھیرات ءُ پلگارتگینانی ھزمت ءِ واستا چہ ما باز دزبندی ئے کت۔ ⁵ ما چینکس ءِ کہ امیت داشتگ اَت آیاں گیشتر دات، پیسرا وتارا ھدائے سپرد کت ءُ پدا گوں ھدائے رزایا وتارا مے سپرد کت۔ ⁶ پمیشکا ما تیتوس ءَ گُشت انچو کہ پیسرا بنگیج کتگ اِت، ھمے وڑ اِے ھیرات ءِ کار ءَ شمے کرّا سرجم بکنت۔ ⁷ گڑا انچو کہ شما تیوگیں چیزا دیما اِت ایمان، کلام، زانت، جھدءُ مِھر ءَ ھمے پیم ءَ اِے ھیرات ءِ کار ءَ دیما بہ بے۔ ⁸ من شمارا ھکم نہ دیاں کہ دومی ئے کارانی پہ شمے مِھر بہ آزمائیناں۔ ⁹ چیاکہ شما مے ھداوند یسوع مسیہ ءِ پزل ءَ زان اِت، آ بل تری ثروت مندئے اِت بلے شمے واستا وتارا گریب ءُ نیزگارے کت کہ گوں آئی ءِ نیزگاری ءَ شمارا دولت مند بہ بے۔ ¹⁰ اے کارے بابت ءَ من شمارا سرسوج کناں، پاری شما اولی اَتیت پہ اے کار ءُ ارادہ ءِ۔ ¹¹ نوں اِے کارا سرجم بکنے تانکہ اِے کارے سرجمی شمے ھب ءُ واھگ ءِ زاھر بکنت۔ ¹² اگاں کسے لوٹ ایت کمک بکنت گُڑا گوں وتی ھب ءُ واھگ ءُ گنجائش ءِ مُتابک ءَ کمک بکنت۔ ¹³ اِے وڑ نا کہ شما جنجال بہ بے ءُ دگرے آسودگ بہ بیت ما لوٹیں برابری بہ بیت۔ ¹⁴ برابری ایش اِنت انو تئی دولت ءَ آئی کمی پورہ بہ کنت، وھدے تو نِزور بے آئی دولت تئی کمی ءَ پورہ بکنت۔ ¹⁵ انچو کہ نبشتہ اِنت، ھرکس ءَ باز یکجاہ کتگ پہ آئی ءَ گیشتر نہ بنت، آئی کہ کم زُرتگ پہ آئی کم نہ بنت۔ ¹⁶ ھُدائے شگر اِنت کہ تیتوس ءِ دل ءَ ھما ھب ءُ واھگے ودی کت کہ مارا پہ شمے کمک ءَ ھست اِنت۔ ¹⁷ آئی ایوکا مے گپ ءِ زورگے پدا نا بلکیں پہ وتی ھب ءُ واھگ ءَ شمے گورا پیداک اِنت۔ ¹⁸ ما گوں آئی ھمرائی ھما برات ھم دیم دات کہ وشیں مستاگ ءِ شنگ کنگ ءَ تیوگیں کلیسْیایا آئی تاریپ بیت۔ ¹⁹ چہ اشی ابید آ کلیسایانی نیمگ ءَ اِے ھیرات ءِ کار ءَ مے ھمسپر کنگ بوتگ ما اے کار ءَ پہ ھداوندئے جلال ءَ گوں ھب ءُ واھگ ءَ کنگ ءَ ایں۔ ²⁰ ما نلوٹیں کہ اے ھیرات ءِ جما آوری ءَ کسے مے سرا بُھتام بہ جنت۔ ²¹ مارا ھیال گور اِنت کجام کار شر اِنت ھداوند ءِ کرّا ءُ ھم مردمانی کرّا۔ ²² ما گوں آئی وتی ھما برات دیم دات، اِے برات ءَ مے ھروڑیں چکاس دربُرتگ کہ پہ ما چینچک ھب ءُ واھگے ھست ءُ نوں آئی ءَ شمے سرا بیسہ اِنت پمیشکا نوں آئی ھب ءُ واھگ گیشتر اِنت۔ ²³ اگاں کسے تیتوس ءِ بارہ ءَ جست کنت آ گوں من ھمے کارا شریدار اِنت ایندگا براتانی بارہ ءَ بُگشاں کہ کلیسْیانی کاسد اَنت ءُ مسیہ ءِ جلال اَنت۔ ²⁴ وتی مِھر ءُ مے پھرا کلیسانی دیم ءَ سابت بکنے۔