¹ آیا یک رَندے پدا ما وت گلائی شرو کنگ ءَ ایں؟ یا لھتیں مردم ءِ وڑ ءَ مارا شمے دیم ءَ سِپارش نامہ یش کنگئے زلورت اِنت یا مارا چہ شما سِپارش نامہ ئے گرگ پکار اِنت؟ ² شما وت مے نمدیئے کہ مے جبین ءَ نبشتہ ئے تیوگیں مردم زان اَنت ءُ وان اَنت۔ ³ زاھر اِنت شما مسیح ءِ ھما نمدیئے ما چو ھزمتکار ءَ نبشتہ کتگ، گوں سْیاھی ءَ نہ بلکیں گو ں ھدائے روہ ءَ نبشتہ بوتگے سِنگے وانکانی سرا نبشتہ نہ بوتگے بلکیں انسان ءِ دل ءِ وانکانی سرا نبشتہ بوتگے۔ ⁴ مسیھئے برکت ءَ مارا پہ ھدایا ھمے وڑیں بیسہ است۔ ⁵ گپ اے نہ اِنت ما وت لائک ایں کہ چہ وتی گورا چُشیں ھبرے بکنیں مے لائکی چہ ھُدائے گورا اِنت۔ ⁶ ھمائی ءَ مارا نوکیں اھد ءِ ھزمتکار بوھگے لائک کتگ، اے نوکیں اھد گوں لبزاں نبشتہ نہ بوتگ بلکیں پاکیں روہ ءَ نکش کتگ چیاکہ لبز کُش ایت بلے روہ زندگ کنت۔ ⁷ وھدے موت ءَ ھما اھد کہ آئی ءِ آسر مرگ اَت ءُ سنگانی سرا گوں لبزاں نبشتہ اَت، انچیں جلالی بوت کہ بنی اسرائیلی اں موسی ءِ دیم ھما جلال ءِ وجہ ءَ چار نہ کت ھالانکہ آ کم بوھان اَت۔ ⁸ روہ ءِ اھد الّم ءَ جلالی بیت۔ ⁹ چیاکہ جرم دار کنو کیں اھد جلالی اَت گڑا راست بازی اھد الّم ءَ جلالی بیت۔ ¹⁰ بلکیں آ کہ جلال ئے مان اَت نوں ھِچّ جلالے مان نیست اگاں ھمائی دیم پہ دیمے بکنے کہ آئی جلال باز اَت اَنت۔ ¹¹ چیاکہ ھلاس بوھوک جلال والا ئے اَت گُڑا آ کہ مانیت الّم ءَ جلال والائے بیت۔ ¹² ما ھمے امیت ءِ اسرا گوں دلیری ءَ گپ کنیں۔ ¹³ موسی ءِ وڑیں نہ ایں کہ وترا داپُنکھے کت تاکہ بنی اسرائیل ھلاس بوھوکیں چیز ءِ انجام دیست مکن اَنت۔ ¹⁴ بلے آیانی ھیال لیگار بوت اَنت چیاکہ داں مروچی اِسکاں کوانیں اھد نامہ ءِ وانگ ءَ ھما پردگ پِر بیت ءُ مسیح ءَ دور کئیت۔ ¹⁵ داں مروچی موسی ءِ کتاب وانگ بیت دل ءِ سرا ایر بیت۔ ¹⁶ بلے وھدے کسے ءِ دل تر ایت ھداوند ءِ نیمگ ءَ اے پردہ دور بیت۔ ¹⁷ ھداوند روہ اِنت ھر کجا ھدا وند ءِ روہ اِنت ھمودہ آزاتی اِنت۔ ¹⁸ گُڑا ما کہ بے پردگیں دیم ءَ ھداوند ءِ جلال ءَ زاھر کنیں، روچ پہ روچ ما ھمائی ءِ رنگ ءُ دُروشم ءَ بیں ھمائی ءِ وسیلہ ءَ۔