¹ من ارادہ کتگ اَت نوں پہ نہ وشّی شمے کرّا نیایاں۔ ² چیاکہ اگاں من شمارا رنج بدیاں گڑا منا کے وشّی دنت، بَگیر ھمائی کہ منی وجہ ءَ زھر بوتگ۔ ³ من پمیشکا نمدی نبشتہ کتگ منی آھگ ءَ ھما مردم منا گمیگ مکن اَنت کہ آیانی کار منی وشّان کنگ اِنت من شمے بارہ ءَ دلجم اں کہ منی شادمانی شمے سجھینانی وشّی اِنت۔ ⁴ چیاکہ من بلائیں مُسیبت ءُ دل رنجی ءِ ھالت ءَ ارس گوارتگ ءُ ای نبشتہ کتگ بلے پمیشکا کہ شما دل رنج مہ بے ءُ بزان اِت منا گوں باز مھر اِنت۔ ⁵ اگاں کسے دل رنجی ءِ وجہ ءَ جوڑ بوت ایوکّ ءَ منی دل رنجی ءِ نہ بلکیں شمے تیوگینانی دل رنجی ءِ وجہ جوڑ بیت۔ ⁶ ھمے سزا کہ آئرا ھرکسی گورا رستگ ای وڑیں مردمے واستا باز اِنت۔ ⁷ نوں شر ایش اے نت کہ شما آئی ءَ ماپ بکن اِت ءُ دلبڈّی بدئیت چو مہ بیت کہ زیادھیں گم آئی ءِ چیر بہ ترّین اَنت۔ ⁸ گوں شما دزبندی اِنت کہ پہ آئی ءَ وتی مِھر ءَ درشان بکن اِت۔ ⁹ پہ شما نبشتہ کنگ ءِ دگا وجہ ایش اِنت کہ شمارا بچّکاساں ءُ بہ ماراں کہ ھر ھسابا پرمانبردار اِت یا اِنّا۔ ¹⁰ شما کہ کسی ءَ ماپ کن اِت من ھم آئی ءَ ماپ کناں ھرکس کہ من ماپ کتگ، اگاں انچیں ھبرے بوتگ کہ ماپ کنگی بوتگ من مسھیئے بارگاہ ءَ شمے ھاترا ماپ کتگ۔ ¹¹ تاکہ شیتان مے سرا سلّاڈ مہ بیت چیاکہ ما آئی مکر ءُ ھیلایاں نہ زانیں۔ ¹² وھدے من مسیح ءِ مستاگ ءِ دئیگ ءَ تروآس ءَ شت اں گڑا ھداوند ءَ پہ من در پچ کت۔ ¹³ وھدے منی روہ بے تاھیر بوت چیاکہ من وتی برات تِتُس نہ دیست۔ ¹⁴ بلے ھدائے شگر اِنت کہ پہ مسیح ءَ مارا چو بندیگانی وڑ ءَ ترّینت ءُ وتی زانت ءِ وشیں بوے ھر جاہ تالان کت۔ ¹⁵ چیاکہ ما ھُدائے کرّا رستگار بوتگیں ءُ مرتگین دوئینانی واستا وشبویں۔ ¹⁶ پہ باز ءَ ما مرکے بویں ءُ پہ باز ءَ زندے وشیں بویں بلے کے لائک اِنت کہ ای کار ءَ بکنت؟ ¹⁷ چیاکہ ما چہ بازینا نہ ایں کہ ھدائے ھبرانی سودایا بہ جنیں چہ ھدائے نیمگ ءَ ھُدایا ھازر ءُ نازر زانیں ءُ ما مسیح ءِ برکت ءَ پہ نیک نیتی ھبر کنیں۔