¹ دریگَتین شما منی نادانی کمُکے اوپار کتیں، شما اوپار کنگ ءَ ئے۔ ² من پہ شما چو ھُدائےوڑ ھسدّیگ آں، من شمارا یک مردیئے نام گِپت کتگ، بِزاں مسیھے، تانکہ شما چو پاکدامنیں جنے چکیئے ءَ مسھیے دیما پیش بکناں۔ ³ بلے من تُرساں کہ ای وڑ مبیت چو ماریئگ ءَ گوں وتی مکّاری ءَ ھوا ءَ رد دات، شمے دل ھما پیم رد مہ وارت پہ مسیہ ءَ شمے پاکدامنی زوال مہ بیت۔ ⁴ چیاکہ اگاں کسے شمے کرّا بئیت دگا دومی یسوع ءِ جار ءَ بجنت کہ ما نہ جتگ یا ھما روہ کہ شمارا رستگ آئی ءَ ابید دگا روھے شمارا بدنت یا ھما وشیں مستاگ کہ شما منتگ آئی ءَ ابید دگا وشیں مستاگے بدنت ایشاں منیت۔ ⁵ من وتارا چہ ٹوھیں رسولاں کمتر نہ لیکاں۔ ⁶ بیان کنگ ءَ من نزور اں بلے بے زانتے نہ آں ما اے چیز ھر گپّا شمے دیما سابت کتگ۔ ⁷ زانا چہ من گناہ سرزد بوتگ کہ من ھدائے وشّیں مستاگ مپتا شمارا سر کت ءُ وتارا کمتر لیکت ءُ شمارا برزتر کت۔ ⁸ من آ دگا کلیسیا پُلیت اَنت بزاں چہ آیاں اُجرت گپت تانکہ شمے ھمراہ منا بکناں۔ ⁹ وھدے شمے کرّا اِتاں ءُ چیزیا گٹ بوتاں کسی سرا بوجھ نہ بوتاں چیاکہ براتاں چہ مکدونیہ ءَ آتک ءُ منی زلورت پوراہ کت اَنت من ھر چیز ءَ شمے سرا بوجھ بوھگ نہ لوٹ اِت ءُ انگت نہ لوٹاں۔ ¹⁰ مسیہ ءِ راستی ءِ سرا کسم اِنت کہ اَکیہ ءِ مردم منا گُشت نہ کن اَنت کہ اِے پھرا مہ بند۔ ¹¹ چیا؟ پرچہ کہ من شمارا دوست نہ داریں؟ ایشی ھدا زانت۔ ¹² بلے چے کنگ ءَ آں دیمترا ھم کناں تانکہ موہ شوھازاں اِے موہ مہ رسیت کہ بگوش اَنت کہ ما گوں پولس ءُ آئی ءِ ھمرایاں برابریں۔ ¹³ چیاکہ اے وڑیں مردم دروگیں کاسد ءُ پریبکاریں مزور اَنت کہ وتارا مسیہ ءِ کاسدانی ھم دُروشم جوڑ کن اَنت۔ ¹⁴ اے ھیرانی گپے نہ اِنت کہ شیتان وتارا نورنی پریشتگے ھم شکل جوڑ کنت۔ ¹⁵ گڑا اے ھیرانی گپے نہ اِنت آئی ءِ ھزمتکار ھم وتارا راستبازانی ھم شکل جوڑ بکنت ایشاں ءَ وتی کار ءُ کردانی ھسابا سزا رسیت۔ ¹⁶ من پدا گُشاں منا کس نادان مہ لیکیت، اگاں نادانے بہ لیک اِت من گڑا اوپار ھم بکن اِت ھم تانکہ کمیں پھر بہ بنداں۔ ¹⁷ ھرچی کہ من گُشاں اے ھداوند ءِ ھبر نہ اَنت بلکیں نادانی ھبر اَنت۔ ¹⁸ بازینے دُگنیائی پیما پھر بندگایں من ھما بنداں گوں۔ ¹⁹ شما اگل مند اِت پمیشکا نادانانی اوپارا کنے۔ ²⁰ وھدے کسے شمارا گلام کنت یا شمے مالاں وارت یا شمارا ریپینیت یا وتارا مزن لیکیت یا شمارا شھمات جنت شما اوپار کن اِت۔ ²¹ منا لج کنت اِے گپے جنگ ءَ کہ ما پہ اے کاراں نزوریں چشیں چیزے ھست کہ کسے آئی سرا پھر بہ بند ایت من ھما آ چیزے سرا پھر بنداں۔ ²² اِے ابرانی اَنت؟ من ھم ابرانیے آں، اے اسرائیلی اَنت؟ من ھم اسرائیلیے آں، اے چہ ابراھیم ءِ پدریچ ءَ اَنت من چمایا آں۔ ²³ اے مسیھے ھزمتکاراں؟ (نوں گنوکی گپ جنگا آں) من مستریں ھزمتکارے آں، گیشتر کار کتگ، گیشتر کیز بوتگاں، گیشتر لٹ وارتگ، سک باز بر گوں مرگ ءَ دوچار کپتگاں۔ ²⁴ منا یھودیاں پنچ بر چہ چِلّ یکیں کم شلّاک جتگ۔ ²⁵ سے بر لٹ وارتگ یک برے سنگسار کنگ بوتگاں سے بر منی بوجیگ پرشتگ یک شپیں ءُ روچے من دریا ءَ گوازینتگ۔ ²⁶ من باز بر سپراں، دریائی موجاں، دُزّانی ھتراں، وتی کومے ءُ درکومانی ھتراں، شھر ءُ گیابانانی ھتراں، دروگ بندیں براتانی ھتراں۔ ²⁷ ھزمت ءُ کار، بے وابی، گُژن ءُ دُن، سردی، پادشپادی من سگِّتگ۔ ²⁸ اِے گپاں چہ ابید کلیسایانی گم منا پِر اِنت۔ ²⁹ کئی نزوری ءَ من نزور نہ باں؟ کئی پروش ورگاں منی دل نہ سُچیت؟ ³⁰ اگاں پھر بندگی اِنت من وتی نزوری ءِ سرا پھر بنداں۔ ³¹ ھداوند یسوع ءِ ھدا ءُ پت داں ابد ستا کرزیت آ زانت کہ من دروگ نہ بُرّاں۔ ³² چہ ھاکم ارتاس ءِ نیمگ ءَ دمشک ءِ والی ءَ پہ منی گِرگ ءَ شھرا سپاھیگ نادینتگ اَت کہ منا بہ گِپت۔ ³³ بلے من لچیئے ءَ کنگ بوت ءُ جھلا ایر دئیگ بوتاں ءُ چہ آئی ءِ دستا رکِّتاں۔