¹ من پولس شمے دیما نرم ءُ باپُشتا تُرند آں مسیہ ءِ بے کبری ءُ نرمی ءِ برکت ءَ چہ شما دزبندی کناں۔ ² بلکیں منت کناں ءُ شمے گورا کایاں منا مجبور مہ کنے کہ گوں شما نرمی کناں بلے دگا لھتیں ءِ گوں ما ترندی کناں اِے ھما مردم اں کہ مارا دُگنیائی زندلیک اَنت۔ ³ چیاکہ بِلّے تُری اِے دُگنیایا ایں بلے اِے دُگنیائے پیما جنگ نہ کنیں۔ ⁴ پمیشکا کہ مے جنگی سِلاہ جسمانی نہ اَنت بلکیں مے سلاھایان ءَ ھائی زور مان کہ دُژمِن ءِ کلاتاں کروج اَنت۔ ⁵ ھر ھیالے کہ ھدازانتیئے دیما اوشتیت ما آئی ءَ کروجیں ءُ دور دئین، ھر ھیال ءَ کید کنیں ءُ مسیہ پَرمانبَردار کنیں۔ ⁶ ما آمادہ ایں وھدے شمے پَرمانبَرداری سرجم بیت گڑا ھروڑیں ناپرمانیا سزا دیں۔ ⁷ شما زاھری چیزاں چار اِت، اگاں کسے ءَ وتی سرا بیسہ اِنت کہ آ مسیھیئگ اِنت گڑا وتی دلا ھیال بکنت ما ھم ھما پیما مسیھیئگ ایں۔ ⁸ چیاکہ من اِے واک ءُ اھتیار ءِ سرا پھر بہ بنداں کہ ھداوند ءَ مارا داتگ پہ شمے رُست ءُ رُدوم ءَ ناکہ پہ شمے گار ءُ بیگواہ کنگ ءَ، من انگت شرمندگ نہ باں۔ ⁹ پمیشکا ما اِے وڑ گُشاں تانکہ پہ نمدی ءَ شمارا مہ تُرسیناں۔ ¹⁰ چیاکہ گُش اَنت آئی ءِ نمدی زور مند اَنت، بلے جندے نزور اِنت ءُ گپی بے ارزشت اَنت۔ ¹¹ اِے وڑیں گشوک بہ زانت اَنت کہ ما یکیں پیما ایں ءُ اِے چیز چہ مے نمدیاں پدر اَنت ءُ دیم پہ دیما چہ مے کرداں۔ ¹² چیاکہ مارا چیش جُریئت نیست کہ ما وتارا چہ ھما مردماں شمار بکنیں کہ وتستا اَنت، اِے مردم کہ وتارا گوں یکدومیا ھم کد کن اَنت نادان اَنت۔ ¹³ ما چہ ھدّا گیشتر پھر نہ بندیں کہ ھدایا پہ ما مُکرّر کتگ شما ھم مے پھرا گونت گوں۔ ¹⁴ چیاکہ ما چہ ھدّا نہ گوزیں اگاں شمے کرّا میاتکینیں گڑا ما چہ ھدّا گوستگتیں، بلکیں ما مسیہ ءِ وشیں مستاگ سرکناں شمے کرّا سر بوتیں۔ ¹⁵ دگرانی کارانی سرا پھر نہ بندیں، بلے امیت کنیں ھمیچُک کہ شمے ایمان رُست ءُ رُدوم کنت شمے وجہ ءَ ما وتی ھنداں مستر بیں۔ ¹⁶ تانکہ ما چہ شمے ھدّ ءُ سیمسراں ھما دیم وشیں مستاگے جارا بہ جنیں ناکہ دگرانی ھدّ ءُ سیمسرانی کارانی سرا پھر بہ بندیں۔ ¹⁷ ھرکس کہ پھر بند ایت ھداوند ءِ سرا پھر بہ بند ایت۔ ¹⁸ چیاکہ ما کس کہ وت گلائے بیت آ کبول کنگ نہ بیت، ھما کبول کنگ بیت کہ ھداوند آئی ءِ ستایا بکنت۔