¹ Ukuwa nomba, leka tusye inthaliko iyilandwe nzima ilye Kilisitu swinya ukuya inkolelo muwukulu. Tutakanze swinya ulufula lwakutontolokwa ukufuma ku milimo iyifwe ni suwilo mwa kwe Leza, ² Nche ulufula lwa chisambilizyo pavya wubatizyo, ukuwika amakasa penepo, ukuzyulupuka kwa wafwe, nga nukulongwa kwa muyaya. ³ Naswswe tuli womba woo ndi e Leza wazumilizya. ⁴ Amuno chitanga chiwombwe kwewo watatela wakozelwe wowanzile ivyawila ivya mwiyulu, wowalinji awa kwankana ivya muzimu umutele, ⁵ nawano wawonzile izwi zima ilye Leza swinya ni mpindi yamaka yino yikwiza, ⁶ kweni kwewano wapona chitanga chiwombwe ukuwanyochezya swinya kukutontolokwa. Wo awuli mulandu wakumupachika umwana we Leza weliwonye swinya, nukumusozya insoni palwenze. ⁷ Amuno umusili wuno wukang'wa aminzi ya mvula yano yakakwiza penepo akavulane, nachino chipa imbewu ukukoma pakuwombela kwakwe wawo kwe wino umusuli wawonvilwe--amusili wuno wuka pochelela uwupepwe ukufuma kwe Leza. ⁸ Ukuwa ndi wamezya imyunga ninswaswa, awutela wawa awavye swinya lyo ali papipi ukuwutipa. Nuwumalilo wakwe akuwu pemba. . ⁹ Kweni sweswe twivwana navyo ivizima ivyakulingana nawewe, mwe wakundwe, ivintu vino vilingine itulwa, chingatenga tukala ndi vyo woo. ¹⁰ Amuno eLeza asalyakuti awawwufi. Ataliyiwilila imilimo yako nulukundo luno walanjizizye kwi zina lyakwe, wapyunjilizile awantu wakwe awatele, swinya uchili ukuwa pyunjilila. ¹¹ Ukulondesya kwitu akwa kuluchila ukuti wila muntu mwakwe mwemwe ukulolela ukwiza fika ku nsilo, alya kuti isuwilo lyinu lifike apenecho. ¹² Vyoo vili wonye ukuti mutakawe awakata, kweni tuwe swe wakusendela kwe wawo wano pi suwilo nukuzizimichizya impyani yiyalano ¹³ amuno Leza walayizizye kwe Abrahamu, wayilapizile umwenecho wenga, pakuti patalinji nanti wumwi e songo we angalapako. ¹⁴ Watili, '' achakusimichila ndi kupepa wewe nukukuzya wewe mumpendwa.'' ¹⁵ Munzila yoo, e Abrahamu wapochelezile chino chalayizizwe walile pano wajimbilizya mukulindilila. ¹⁶ Pasipo awantu wakalapa pakwe wumwi umukulu ukulusya woliwonywe. pawumalilo wachilichonsi pakupelelechezya kwawo ukulapa kukawa vino akusimichila. ¹⁷ Walile pano Leza welengania ukulanjizya ichetechete kuwa mpyani wilayano ilya miwele iyintachinja ya mulandu wakwe wasimichizizye ni chilapo. ¹⁸ Wawonvile choo ukuti pa vintu viwili ivintachinja-- achitale kwe Leza ukuwipa uwufi ---sweswe, wano twasamala ukuti tuvwameko, twandi tuwe nukulimbichiswa chino chiliwa achakutuwomya kwisuwilo pakasi pitu. ¹⁹ Tuli na vyoo nge achakuchinjililwa ichisuwalikwe chawumi witu, nisuwilo ilya kwinjila mumasyo yamukasi ya mwenda. ²⁰ Kuno Yesu,wino wayile lyotutani winjizile mumasyo yitu. ati awa wesimapepo mukulu uwa muyaya pamutantiko wakwe melekizedeki.