¹ Walinji we Melekizedeki, wee Imfumu ya salemu,umupefi wakwe Leza uwapapela, wino wansunkinie Abrahamu pakunyochela kwisumo kuno wakomile izyamfumu nga amupepa. ² Chalinji kweweliwe ukuti Abrahamu amupe ichikumi chonga pakwe vyonsi. Pakutalika ukusula kwi zina lyakwe, ''Imfumu yawulungamane'' ; nga swinya'' wino walinji amfumu ya salemu,'' lino likusula imfumu ya mutende.''' ³ Wino atalinji ne tata, ne mayo awasita awatatakulu, nanti amanda yantaliko yakwe nuwumalilo wawumi. mumasyo mwakwe, akoline nu mwana we Leza, umulandu we simapepo wamuyaya. ⁴ Lolani uwukulu wa muntu we vino walinji kwe wino etatakulu Abrahamu ichikumi pe chonsi muvita. ⁵ Ikwata lyakwe levi wano wapochelezile uwusimapepo nukukomelezya isundo pakupochelela ichikumi kufuma ku wantu, akulikuti, ukufuma ku wanyina, chingatenga weni, nawonye wafuma kwe Abrahamu. ⁶ ukuwa Mekizedeki wino atalinji awa mwi kwatwa lyakwe wapochelezile ichikumi ukuma kwe Abrahamu. Pamwi amupepela weni wino walinji namalayilizyo. ⁷ Kusi ukukana kuno umutichi atanga apepwe nu mukulu . ⁸ pamulandu na choo, wakafwa wano wakapochela ichikumi kweni mwakwe choo chikusimichilwa kuno ali kuwulanzi. ⁹ Nga namumiwele yakalandile, eLevi, wuno wapochelezile ivwikumi, swinya wawisile ichikumi ukupitila mwe Abrahamu, ¹⁰ amuno levi walinji mumuwili we tatakulu wakwe pano Mekizedeki wasunkine ne Abrahamu. ¹¹ Nomba ndi uwufiko walinji awakuwombwa ukupitila muwusimapepo wachilevi [ amuno pansi pakwe choo awantu wapochelezile isundo], Chingawa chani swinya ichakulondwa chino chingize chiwe cha kwe simapepo winji kukatuka pansizi pamiwele ye Mekizedeki, nga atayenganizwa ukuwa pansizi yamiwele ye Aaron? ¹² Amuno ndi uwusimapepo wapilulwa, namasundonye yafwile yapilulwe. ¹³ Amuno kwe wino ivintu vyoo vikulandwa avya kuwa luko lunji, ukufuma mwakwe wino asitela awombele paka vuwa. ¹⁴ Nomba achakusimichila ukufuma kwe Yuda kuno Imfumu yitu yakwasilwe, uluko luno Musa watambuzile ukulingana nawa simapepo. ¹⁵ Chino tukuvwanga achakumanyikwa ndi wumwi e simapepo angakatuka uwakukolana ne Mekizedeki. ¹⁶ Chitalinji achapamiwele wisundo lya muwili ukuti awe we simapepo, kweni mumasyo mwakwe chalinji pamaka ya wulanzi wamuyeye. ¹⁷ Amuno amawaliko yakusimichizya ivye weliwe: '' We simapepo wamuyaya ukulingana nuwutantiko we Mekizedeki.''' ¹⁸ Amuno inkomelezyo zya kali zyapawuzilwe azitomboloke ni zyavye, ¹⁹ [Amuno isundo litapanzile nanti chimwi ichakufikapo], nuwuzima wisuwilo lyitu lyati litalika, ukupitila pano tukupalamila kwe Leza. ²⁰ Nga kutalinji ukulapa! wanji wizile wawa awa simapepo awa sita ichilapo ichilichonsi, ²¹ Kweni wizile wawa we simapepo lyo e Leza wavwanga kwe weliwe, '' Imfumu yalafile nga swinya atalichinja amelenganio yakwe: ' we simapepo wamuyaya.''' ²² Pakwe choo swinya Yesu ati apa ukupanichisya kwi layano zima. ²³ Wasimapepo wakali wavuzile mu mpendwa, pakuti imfwa yawa chinjilizizye ukufuma mukutwalilila mung'ada yakuwombelamo. ²⁴ Ukuwa pamulandu Yesu alitwalilila ukuwa ukuwa nuwumi wa muyaya, ali nuwusimapepo uwakwikalisya. ²⁵ Achaleka alinamaka aya kupususya nkaninye wawo wano wakwiza kwe Leza ukupitila mwe weliwe, pamulandu akakwikala lyonsi ukuwa pepela. ²⁶ Amuno chalinji mwelimo cha muyine ukuti tuwe nusimapepo mukulu, wino amutele, wino asinumulandu nanti wumwi amuswepe, wapawulwa ukufuma kuwawembu, nga awakukwela papela piyulu. ²⁷ Weni asilonda, asingati wasimapepo wakulu, ukupa inzuwi ukutalichila imbembu zyakwe, nga apano imbembu zya wantu. wawonvile choo lyonga kwe wonsi pano wayipile umwenecho. ²⁸ Amuno isundo likasola wasimapepo wakulu nge awantu wano wali nivya kufoka. Kweni izwi ilyakulapa. lino lyizile pansizi pisundo, lyasozile umwana, wino ati apangwa awakufikapo uwachiyeye.