¹ Achaleka fwandi, pano ilayano lyakwiza kwa kupuza apoliponga nawo wuchili wulipo, tuyani tuchenjele ukuti wumwi uwakwe mwemwe atize ayize apone apotwe ukwinjila. ² Amuno twayivwila ilandwe zima, ndivino wivwile.Kweni ilandwe lyolyo litalitela wafungulile chimwi wano watayiwisile ponga nisuwilo paliponga nawawo wano wasuwizile ³ Amuno swewano tukakwinjila mukupuza, nge muno wa vwanjizile,''nge nalafile mukuvitwa kwane, watalitela winjile mumasyo yane aya kupuza.''Chingatenga, imilimo yakwe yasizile ukufuma palufula lwansi. ⁴ Amuno wavwanzile pamwi izyawanda wa sabata:'' ⁵ swinya eLeza wapuzile pawanda wasabata kumilimo yakwe yonsi." ⁶ Achaleka chasyalila wamwi ukwinjila mukupuza momo, nawawo wano watalichizile awivwa ilandwe izima watatela winjile mukupuza kwane nawanda amuno amuno ukuntasuwila kwawo. ⁷ Ngapano eLeza swinya asola uwanda wunji, ayita ati'' ilelonye lyoo,'' pano wavwanjizile mwakwe Davidi ivivule vyawalikwa kali:'' Ilelonye lyoo ndimwivwa izwi lyakwe mutawomya imyenzo yinu.'' ⁸ Ndi achakuti Joswa wawapile ukupuza, eLeza nge atavwanzile ivyawanda ⁹ wunji. Achaleka kweni kulukupuza kwa wanda wakwe sabata uwa wantu wakwe Leza. ¹⁰ Amuno wensi wino winjila mukupuza kwakwe Leza ekalata wakupuza nakumilimo yakwenye , ndivino Leza wapuzile. ¹¹ Aleni fawandi tulungame mukupuza koko, ukuti kutize kuwe wumwi nanti wenga uwakuti akane ukutontela ndivino wachisile. ¹² Amuno izwi lyakwe Leza alyawumi swinya likawomba nkaninye swinya lwatwa ukulusya ukulusya ulupanga luno lwatwa konsinakonsi. Likalasa alilepulania mpaka nakuno kwapawunkania uwumi numuzimu, ukusunkania nimifyompa, ukulonda kwa melengania mumyenzo. ¹³ Pasi chimwi ichelewulwa chino chafisama paminso yakwe Leza. Mumasyo yakwe ichntu chonsi chili palwenze chatumbulwa paminso yakwe wumwi wuno tulingine tuluwulule. ¹⁴ Achaleka, tuli nusimapepo mukulu umukulu nkani wino waya winjila, mwiyulu, eYesu umwanakwe Leza, zani tulemansye vino twazumilizya. ¹⁵ Amuno tusi nusimapepo mukulu wino angakana atufwile inkumbu muwutonte witu. Mumasyo mwakwe, tulinawumwi wino welezizwe mwakwe vyonsi ndivino sweswenye, ukuwa atatela awembuke. ¹⁶ Fwandi aleni tusinge tukapalamile pandulu ya nkumbu alyakuti akatufwile uluse luno lungatwavwa mumpindi yakulondwa.