¹ Achaleka, wanyina watele,mukwankana ulwito lwiyulu.Yelengania izye Yesu, umupositole ne simapepo mukulu kukuzumilizya kwitu. ² Walinji amusuwalikwa kwa Leza, wino wasozile weliwe, ndivino Musa nawenye walinji amusuwalikwa mung'anda yonsi iya kwe Leza. ³ Amuno yesu ati asendwa ukuwa awakufichiliswa nuwukankala wukulu ukulusya Musa, umulandu wino akuzenga ing'anda awakuchindikwa ukulusya ing'andanye. ⁴ Amuno ing'anda iyiliyonsi yazengwa nawumwi, ukuwa wino wazenga vyonsi we Leza. ⁵ Amuno Musa walinji amusuwalikwa mung'anda yonsi iye Leza, ukuwa nuwukamboni ku vintu vyalandwanga kweneko ivya munkolelo. ⁶ Kweni Kilisitu amusuwalikwa ndivino amwana wino ali ni nsambu mung'anda yakwe Leza. swe ng'anda yakwe ndi tukusimpa nukuyipanvya nuwupechezi wuno tukuyitutuwalika. ⁷ Achaleka, chilivino umuzimu umutele wukuti:'' ilelo, ndi wivwa izwi lyakwe ⁸ mutati muwomye imyenzo yinu ndivino umwa kupiluchila,mumpindi yakuyezyeka mulumpalang'ang'a. ⁹ Chalinji pano watatakulu winu wakatuchizile pakunjelezya nene,nga lelo napampindi yamyaka amakumi yani, waweni imilimo yane. ¹⁰ Achaleka itasechelezile ni kwatwa lyolyo. Natili,impindi zyonsi wakasowa mumyenzo yawo. Watamanya inzila zyane.' ¹¹ Chili ndivino nalapizile mukufuluchilwa: Watalitela winjile mukupuza kwane.''' ¹² Chenjelani, wanitu, ukuti pakasi pakwe mwemwe pataliwa nanti wumwi wino aliwa numwenzo uwuwipe uwuntasuwila, umwenzo ukufuma kwe Leza uwawumi. ¹³ mumasyo mwakwe,muwomyane we numuwuye penye,ndi chikwitwa ''ilelo,'' alyakuti patawa wumwi mwakwe mwemwe wino chili muwomela nuluchenjelo lwa luwembu lwinu. ¹⁴ Pakuti twawa apaliponga nu Kilisitu ndi tukusimichizya mwakwe weliwe ukufuma kuntaliko nukwizafika kunsilo. ¹⁵ Mwakwe choo chavwangwa,''ilelo izwi lyakwe, mutati muwomye imyenzo yinu ndivino mwewa kupiluchila ¹⁶ weweni wino wivwile Leza nukumukatuchila? wuzye asawonsi wano wafumile mu Egypt ukupitila mwe Musa? ¹⁷ wamufulizilwe weni pamyaka amakumi yani. wuzye chitalinji ponga nawano wawembusile, wano ivitumbi vyamiwili yawo vyazanilwe mumayondo? ¹⁸ Akwe weni wino wamulapizile ukuti atalitela ayinjile mukupuza kwakwe, ndi chitalinji kwewano watatontezile kweweliwe? ¹⁹ Twalola kuno chawaposile ukwinjila mukupuza pamulandu uwakuntasuwila