¹ Achaleka, pano twaliwilizwa ni wingo ikulu ilyawa kasimichila, zanji tusumbe vyonsi iviwipe vino vikasanchila inzila. ² Tuyani tuwasamala nuluwilo munzila yino yili munkolelo pakwe sweswe. Tupange aminso yitu pe Yesu, wino antaliko swinya ekaswefya isuwilo. Muno ichimwemwe chino walindililanga, wazizimichizizye uwuchingane, swinya wikala nakwikasa lyendilo pandulu yakwe Leza. ³ Mwakwelengania ivya kwe weliwe, weni wino wazizimichizizye wawo awalwani awakumususya, alyakuti mutize mutonte nukufumya kweneko umwenzo. ⁴ Muchili mutani muchinge nukulwisya kuluwembu ukufika nukufumya uwazi; ⁵ swinya mwiwilila nukuwomyania kuno kukawawomya nge mwe wana: ''Mwanane, utakachipepule ndi Imfumu yikulu yikukufunda, nanti akutonta pano mukupanzwa kwewe liwe. ⁶ Amuno Imfumu yikakonganika wino yamukunda, swinya weliwe akasunda umwana wino wapochelela.'' ⁷ Zizimichizyannji ukuchula nge akusundwa. ELeza akawasunda mwemwe nge mwe wana wakwe. Amuno nga amwanachi wino aliko wino eyisi asimusunda? ⁸ Ukuwa ndi musi nisundo lino wonsi awantu wakakwankana, lyo asamwe wanakwe awakusimichila. ⁹ Ukufumapapo, twalinji nawatata wakumuwili wano watusundanga sweswe swinya twawachindikanga. Tungalusya wuli muno tungayipa kwe tata uwa mizimu swinya iyawumi! ¹⁰ Watata watusunzile sweswe pakampindi katichi ndimuno welenginie ukuwa ichizimankani. Ukuwa e Leza akasunda sweswe ukuti chituzipile, alyakuti twankane uwutele wakwe. ¹¹ Kusi sundo lino likapa IChimwemwe pakampindi kakonye, ukuwa likapa ukuluma. Pansizi lukapapa ichikomwa cha mutende wawulungamane kwe wawo wano wasundwa nalyo. ¹² Achaleka womyani amakasa yinu yano yakulelemba mwisika swinya namakokola yinu yano yasi namaka. ¹³ Yolosyani inzila zyinu izyavinama, alyakuti vino vyalemala vitize vivunike kweni vipole. ¹⁴ Lemansyanji umutende kuwili wensi, swinya nuwutele, amuno ndipasi choo kusi wumwi wino walilola Imfumu. ¹⁵ Muwe aminso alyakuti atize wumwi asowelwe inkumbu yakwe Leza, swinya kutakawe umusili wakulula wutakalule wupange intazi, alyakuti awavule watize wakandamilwe nacho. ¹⁶ Kusi nanti wumwi umuzelele nanti amuntasuwila, ndivino Esawu, wino wakazizye uwusongo wakwe uwankwatwa kuchakulya cha mpindi yonga. ¹⁷ Amuno mwamanya kuno pansizi pakwe choo, pano walondanga ukupyana uwulote , wamukanile, amuno atazanile ulongo lwakulapa, napano walulondanga umwamansozi. ¹⁸ Amuno mutizile kumwamba wuno wuno mungawupalamansya, umwamba uwakwaka umulilo, imfinzi nuwakung'wamana, ni chipunga. ¹⁹ Mutiza kwizwi lya nkakang'ombe, nakuchongo chino chikulambilizya amazwi ayakuti wano wakwivwa awalambilizya watize wivwe izwi linji swinya kwe woliwo. ²⁰ Amuno chawaposile ukuzizimichizya chino wawapinguzile: nanti achinyamananye chakumya umwamba, chazipila achipolwa namawe.'' ²¹ Imilolechele yalinji ayakutinia achaleka Musa watili,'' indi ni ntete swinya nkuzakaza. ²² Umawkti mwiza kumwanba we Zioni swinya kumusumba wakwe Leza wawumi, MweYelusalemu wakumwamba, swwinya kumyanda ni myanda iyawangeli wano wakusechelela. ²³ Mwiza kwiwumba lyankwatwa yakutalichila, yino yiwalisilwe mwiyulu. Mwiza kwe Leza, e kapingula wawonsi, swinya kumizimu yawalungamane wano nawaswefya. ²⁴ Mwiza kwe Yesu, ekasimichizya uwilayano ilipya, swinya uwazi wakunyafila wuno wukavwanga ichete ukulusya uwazi wakwe Abelo. ²⁵ Mulolechesye ukti mutapanzika weyo wino akuvwanga. Amuno ndi watatontolosile pano wapanzinkine nawano wawasokanga munsi, achitale nkani ukuti tungiza tutontoloke ndi tukufuma kwe wino akutusoka ukufuma mwiyulu. ²⁶ Mumpindi yimwi, izwi lyakwe lyayinginie ins. Kweni nomba walayizya swinya wati, ''Impindi yonga swinya ntaliyingania insi ntupu, namwiyulunye.'' ²⁷ Amazwinye yaa, '' impindi yimwi,'' chikusula ukusembusya ivintu vyonsi vino vingasyembuka, vino ivintu vino vyelewulwa, alyakuti ivintu vyonsi vino vitangavisyembuke viwe paponye. ²⁸ Alyakuti ukupochelela uwufumu wuno wutangawusyembuke, tuyani tusalifye swinya mumusangonye woo tumuppepe Leza nuwulungamane nukusechela. ²⁹ Amuno eLeza witu amulilo wuno wukakocha.