¹ Nomba isuwilo akusuwila ivintu vino tukulindilila swinya nukupanichizya kuvintu vino visiloleka. ² Amuno kwa kwe choo akuno watatakulu wamanyichizilwe kwisuwilo lyawo. ³ Kwisuwilo akuno tukamanyila kuno insi yelewuzilwe nizwi lyakwe Leza, alyakuti vino vikaloleka vitelewuzilwe nivntu vino vikaloleka. ⁴ Akwisuwilo kuno Abele wafimile inzuwi nzima ukulusya kaini, kwakwe chino wamanyichizilwe kuno amulungamane, swinya Leza wavwanzile ichete ivyakwe weliwe pachifukwa nivifimwa vyakwe, swinya kwisuwilo lya kwe Abele achili akavwanga chingatenga, wafwa. ⁵ Akwisuwilo akuno kwelenzile Enoki asendwa mwiyulu alyakuti ataweni imfwa yakwe.'' Atazanilwe, pachifukwa Leza wamusenzile. '' Muno lyo atani asende, chasimichizilwe kuno wasechelezizye Leza. ⁶ nomba apasowe isuwilo achitale ukusechelezya weliwe. Amuno achakulondwa ukuti wensi pakwiza kwe Leza alingine asuwile kuno amumi swinya nukuti akalambula wano wakumuvwamba weliwe. ⁷ Akwisuwilo akuno Nowa, wapilwe izwi ku vintu vino vyachilinji ukuloleka, watontezile Leza azenga uwato uwa ku pususya awang'anda yakwe. Pakuwomba choo, wasusizye insi swinya awa awampyani wawasuwilwa ukulingana nisuwilo. ⁸ Akwisuwilo kuno Abrahamu, lino witwa, asuwila swinya aya kunzi kumasyo kuno walinji nukupochelela ngati ampyani. Wafumile, nanti kumanya kuno wayanga. ⁹ Amwisuwilo akuno wayile wikala munsi ngati yino wamulayizizye ngati amweni. Wisile mumisasa nu Izeki swinya Jakobo, uwampani uwuliwonga mwilayilizyo. ¹⁰ Amuno walolanga kunkolelo ku musumba nulujfula, luno ekalingania ne kazenga we Leza. ¹¹ Kwisuwilo_swinya sara nalwakwe walinji we chumba_ kuno Abrahamu wapochelezile amaka aya kulela umwana. choo chawonvilwe chingatenga walinji umukote, pakuti welenganizwe vino amusuwalikwa wino wapile ilayano. ¹² Achaleka, ukufuma mumuntu we wenga_swinya watezile wafwa _ wapafilwe awizikulu nge antanda ukuvula mwilewelewe swinya awantapendwa vino we senga mumbali mwe sumbi. ¹³ Amwisuwilo akuno wafwizile nanti kupochelela ilayano. Umwakuti lyo walola swinya wawalamuka ukufuma lwapatali, achimanyikwa kuno walinji aweni swinya munsi. ¹⁴ Amuno wano wakavwanga ivintu vyamusango woo chikamanyikwa palwenze kuno wakuvwamba kumwawo. ¹⁵ Ndi welenganianga insi yino wafumile kweneko, nge walinji nulongo lwakunyochela. ¹⁶ Ukuwa ndi muno chawela, wakalonda insi inzima, ansi iya mwiyulu. Achaleka Leza asisozwa ninsoni kutwa we Leza wawo, amuno wapekania akaya kawo. ¹⁷ Akwisuwilo kuno Abrahamu, lyo welezwa, afima Izeki. Walinji amwanakwe wenganye wino wafimile, uwamalayano. ¹⁸ Walinji we abrahamu kwe wino chavwanzilwe, '' mwakwe Izeki amuno wali yililwa awanakwe,'' ¹⁹ Abrahamu wamanyile kuno Leza walinji namaka ayakukatusya Izeki kuwafwe, swinya umwakulolechela wavwanzile, ukufima kwe weliwe anyoka amupochelela. ²⁰ Chalinji swinya akwisuwilo kuvintu pakwiza ukuti Izeki apepa jakobo nu Esawu. ²¹ Mwisuwilo akuno jakobo, pano wafwanga, apepa awana wonsi awa kwe jekapu, Jakobo wapefile, asintilila pansonzo papela. ²² Kwisuwilo akuno Jekapu lyo insilo yakwe yapalamila, wavwanzile ivyawana wa Israeli ukufuma mu Egypt swinya wanena ivyamafupa yakwe. ²³ Akwisuwilo kuno Musa, lyo wakwatwa, wamufisile kumyezi yitatu nawakwasi wakwe pamulandu walinji amwana umuzima watatinile isundo lyamfumu. ²⁴ Akwisuwilo kuno Musa, lyo wakula, akana ukwitwa amwnakwe mwali umwanakwe felo. ²⁵ Asola ukyimba apaliponga nawantu wakwe Leza ukulusya ukuyitopwa kuvintu vyaluwembu kumpindi ntichi. ²⁶ Kukusozwa insoni pakukonka Kilisitu chalinji achikulu ukulusya insawu zya ku Egpt. Amuno walolelanga ku chilambu chakwe. ²⁷ Akwisuwilo akuno Musa wafumile mu Egypt, atatinile uwukali wa mfumu, wuno walandalizile ngati akulola wino asilolwa. ²⁸ Akwisuwilo akuno kwalesile asunga ichakulya chakupitililwa swinya nukusansa uwazi, alyakuti ekakoma wawakatote atize aleme wakatote wawana wawa Israeli. ²⁹ Akwisuwilo akuno wapisile pesumbi ngati apamusili uwukale. Pano awa ku Egypt watinji welezye choo, wamiluzilwe. ³⁰ Akwisuwilo akuno amalinga yakwe yeliko yaponile pansi, lyo amanda munenulambali. ³¹ Chalinji akwisuwilo ukuti Rahabu echilende nawawo wano watatontelanga, pamulandu wapochelezile amanengwe mumutende. ³² Nganavwanga vyani vinji? Amuno insi nimpindi iyakuvwanjila ivyakwe Gidioni, Balaki, Samusoni, Jefuta, Davidi, Samueli, nga ni vya watumwa. ³³ Chalinji ukupitila mwisuwilo kuno wachinvizizye amawufumu yonsi, wachisile ichilungamane swinya wapochelezile ilayilizyo. Awafumpika imilomo yavimbwi, ³⁴ Awazimya amaka yamulilo, awasamala kulupanga, awaswefwa kumawulwale, awawa namaka nkaninye kwisumo, swinya awachivya ivita vyamakandi. ³⁵ Awanachi wapochelezile ukuzyupuka ukufuma ku mfwa. Wanji wayinvizwe, nanti kuzumilizya ukufuma, alyakuti wachizaninkanie ichete kukuzyulupuka kuzima. ³⁶ Wanji wapochelezile ukusentekwa swinya nukumwa ivikoti, nawo wanji wanyefilwe muvingololo swinya awawawika muvingololo. ³⁷ Awawapola namawe. wamwi wawachesile nuso awawapandula pawili. Wakomilwe nulupanga. Walinji mikwela yang'ozi ni yambuzi. awawayivya, awawatitichizya awawayinvya. ³⁸ Awamunsi watawapechezile woliwo. wawungulanga nulumpalang'ang'a namumyamb, namichembo navizinji pansi. ³⁹ Chingatenga awantu wa wonsi wamanyisilwe nu Leza pamulandu wisuwilo lyawo, watapochelezile ilayilizyo. ⁴⁰ Leza wasenginie ichizima chimwi ichitu, alyakuti akusowa sweswe, wawo nge watapanzilwe awalungamane.