¹ Amuno isundo achisawuvye icha vintu ivizima vino vikwiza, asamiwele ya vintu vyovyo ivya chine pakwe vyonga. Wano wakufichila Leza watanga wawombe muwuyane mukufima inzuwi ngapano awapefi awatwalilizya ukutwala umwaka nu mwaka. ² Mpindizimwi, lyolitalesile ukupwa? Amuno wakapepa nga waswepa pampindi yonga swinya lyo watawa ni ntwitwi izyaluwembu. ³ Ukuwa inzuwi zyoo achizusyo chambembu umwaka nu mwaka. ⁴ Amuno achitale uwazi wang'ombe swinya ni mbuzi ukufumya imbembu. ⁵ Kilisitu wizile munsi yapansi, watili, '' inzuwi ni vyawupe mutakumbuchizile, ukuwa amuwili mwansenganizizya nene; ⁶ Ivyawupe ivyakochwa ni vyawupe ivya mbembu mutasechelezile. ⁷ Apano natili, 'lola newawo_ndivino chawalikwa pakwe nene mwekalata_pakuwomba ukulonda kwinu.''' ⁸ Pakutalika natili, '' usilonda nanti kusechela ninzuwi, nanti avifimwa, pamwi ivifimwa vyonsi ivyakochwa pamwi ivifimwa chinpo mwakumbuchizile. Mutasechelezile mwakwe woliwo.''zyoo anzuwi zino zikapwa ukulingana nakwisundo. ⁹ Apano watili,''lola, newawo ukuwomba umulimo winu. ''Akafumya ukusambilila kwantaliko ukuti tuteke uwusambilizi uwe hitiwili. ¹⁰ Pakulonda pakwe choo, twati tuswefwa ukupitila mumuwili mwakwe Kilisiltu lyonga kwewonsinye. ¹¹ Uwandanuwanda e simapepo mukulu akakwimilila nukupyunga, nukupa inzuwi iyiliyonga swinya naswinya _ukufimaa chino chitanga chifumye imbembu. ¹² Ukuwa pano Kilisitu wapile kumpindi zyonsi ukufima lyonga ukwambembu, wisile kwikasa lyendilo ilye Leza. ¹³ Akulindilila ukufichila awalwani wakwe wapangwe ukuwa awakwikalila cha pamatamba yakwe. ¹⁴ Kumulandu wa muntu wenga ukuyipa waswepa umuyaya kuluwembu lwawo. ¹⁵ Umuzimu wutele wukasimichizya mwakwe sweswe. pakutalika akuti, '' ¹⁶ Lyoo alilayano pya lino ndilayana ndiyiza yasila amanda yawo nayalana nawo, Imfumu yavwanga. Ndiwika amasundo mumyenzo yawo, swinya ndiwalika mumyenzo yawo.'' ¹⁷ APano ayonjelezya, amawembuko yawo swinya ni milimo yawo nimilimo intaliyizuka swi.'' ¹⁸ Kanonzi pali itetelo pakwe vyoo, pataliwa inzuwi yaluwembu. ¹⁹ Achaleka wana witu, tuli nisuwilo ilyakwinjila mumasyo matele nuwazi wakwe Yesu. ²⁰ Wino watwiyulila inzila iyawumi iyakupitila mucha kuchinga kuno akulikuti mumuwili wakwe. ²¹ Pamulandu nu simapepo mukulu mung'anda yakwe Leza, ²² Tuyani tupalamile kwe Leza nimyenzyo yitu yonsi yino yaswefwa kuluwembu nanti ntwitwi swinya, nimiwili yino yapwizwa naminzi masengane. ²³ Tuyani tulemansye ukulolela kwitu nisuwilo. Amuno wino wawalayizizye amusuwalikwe. ²⁴ Tuyani tupechelane nu kupechelana wenga numuwuye kulukundo nimilimo iyizima. ²⁵ Tutize tuwalechelezya ukukolonganika apaliponga, ndivino wamwi wachitanga. Mumasyo yakuwomyana wenganawenga mwalola kuno uwanda wukupalamila. ²⁶ Ukuwa ndi sweswe tungawembuka umwamufulo chingatenga nditwapochelela ichimanyisyo icha chisinka patalitela pawe inzuwi yimwi yamfwa. ²⁷ Umwakuti, pali ichilambu ichiwipe nkaninye ichawupinguzi swinya nu mulilo wakutinia wuno wuliyonona awalwani wakwe Leza. ²⁸ Aliwensi wino akukana amasundo yakwe Mose akafwa akwambula uluse, uwukasimichila uwa wantu wawili nanti watatu. ²⁹ Ngafwandi kwe wino wakana wasula uawzi wilayano lyakwe Leza, wino welezya ukuntapusania uwazi wilayano_ uwazi wuno welezizwe _swinya nukuntatontela umuzimu wutele? ³⁰ Chingatenga twamanya weni wino watili,'' ukunyosezya kuli mwakwe nene,'' nga naswinya, Imfumu yilipanzya awantu wakwe,'' ³¹ Achintu chakutinia ukupona mumakasa aye Leza wawumi! ³² Yizukani chino chaponezile kali mumanda yakunsizi, lyo ukuwalilwa kwasila, amuzizimichizya ukuchulika ukukulu. ³³ Wakukwelenguzile kwiwumba nukusenteka ukutukana swinya nukuchuzya, swinya mwankananga nawo wano wapisile mumelezyo yayo. ³⁴ Pakuti mwawafwilanga inkumbu pakwe woliwo wano walinji muvingololo swinya mwapochelezile umwansansa pakupochelela insawu. Mwamanyile mwakwe mwemwe mwalinji ni nsawu iyizima iyachiyeye. ³⁵ Mutize muwa sumba uwuchisinka, chino chalinji achawupe ichikulu. ³⁶ Mwazizimichizya alyakuti mwachita ukulonda kwa kwe Leza, mulipochelela chino walayizizye. ³⁷ ''mukampindi katichi, weni wino akwiza nakawuzyenye aliyiza nanti kuzimba ³⁸ Awalungamane wane waliyikala mwisuwilo. Ndi akunyochela munsizi, ntalisechela nawe.'' ³⁹ Kweni tusi uwawoliwo uwa kunyochela munsizi kuwononi, Kweni tuli mwe wano wali ni suwilo nukusunga imipasi yawo.