¹ Lekani ulukundo lwawunyina lwatwalilile. ² Mutakwiwilila ukupochelela aweni. Amuno mukupitila mwakwe choo, wamwi wapochelezile aweni ukusita kumanya. ³ Mwakwizuka awanyepwe nge mewanyepwa nawo ponga. Mwakwizuka wano wakuwayinvya nge mukuyimbila ponga mumuwili. ⁴ Muleke itwalwa lyinu lichindikwe kwe wonsi, swinya muleke ichitala chawatwalwe chichindikwe, amuno Leza alipanzya awazelele nawawelewele. ⁵ imiwele yinu yiwe ayisapulwe mukutemwa impiya. Mwakwikuta navino muli navyo, ntalitela imbasye, pamwi ntaliwasya mwemwe.'' ⁶ Achaleka lekani tuvwange ninsimpo tuti, ''Imfumu wekavwa wane, ''Ntandi natina. Nga umuntu nawe angachita chani kwenene? ⁷ Yizukanji intunguluzi zyinu, wano wawanenile mwemwe izwi lyakwe Leza, mulolechesye ninsililo yawo. Twakonchelezya isuwilo lyawo. ⁸ E Yesu Kilisitu awiliwenga iyolo, ilelo, napenye. ⁹ Mutakopekwa nivisambilizyo ivivule ivya chilendo. Amuno achizima umwenzo wawo wuwomensyeke nu wila, asachakulya chino wamwi mucholicho. ¹⁰ Twakwata akavuwa ukufuma mwe wano wakawombela mung'anda yihema wasi nuwanangwa ukulya. ¹¹ Amuno kuwazi wa nyama zyozyakomwa kuluwembu zikaletwa nawa simapepo awakulu kumasyo amatele, pano imiwili yanyama wochanga kunzi kwa masyo. ¹² Avyo nu Yesu wa chuzile kunzi kwa musumba, alyakuti aswefye awantu kulouwembu nuwazi wakwe. ¹³ Aleni fwendi tufumile kunzi yankambi, tukawe ninsoni apoliponga. ¹⁴ Pano tutawa nakaya akamuyaya munsi moo mumalo mwakwe tuchili tukalolelela akaya kano kakwiza. ¹⁵ Ukupitila mwakwe weliwe, apano lekani amanda yonsi twayipa unzuwi nukupa amalumbo kwe Leza, ukumukweza avikomwa vyamilomo yitu yino tukulumbulila izina lyakwe. ¹⁶ Tutize tuwakwiwilila ukuwomba ivizima nukwavwana, amuno inzuwi zyamwatanye woo azino zikasechelezya Leza. ¹⁷ Tontelanji nukuyipa kuwana nkolelo winu, amuno wakalolechesya imizimu yinu nge wano wali luwulula imilimo yawo kwe Leza. ¹⁸ Tupepelanji sweswe, amuno tukusimichila ukuti tuli ni ntwitwi inzima, muno tukalonda ukuchita vino viyine. ¹⁹ Nkuwawomya mwemwe alyakuti nasi njize nombanye kwe mwemwe. ²⁰ Nomba e Leza wa mutende, wino wizile ukufuma kuwa fwe ekachema mukulu uwang'onzi Imfumu yitu Yesu Kilisitu, muwazi wilayano ilya muyaya, ²¹ Ukuwasengania mwemwe ni vintu vyonsi ukuwomba umulimo wakwe, ukuwomba mwakwesweswe pevino vikumusechelesya, mwakwe Yesu Kilsitu, kweweliwe kuwe uwuchindame umuyayaya. Amen. ²² Nomba nkuwawomya mwemwe, wana witu, ukuzumilizya kwizwi ilya kuwa womya lino nawalika muwufupi kwe mwemwe. ²³ Manyani ukuti uwana witu eTimoti wafuma muwuzya, nandi njize naweliwe nombanye. ²⁴ Tulamuchilani wanankolelo winu apaliponga nawantu wakwe Leza awatele. nawano wafuma ku itale wakuwa lamuka. ²⁵ Lekani inkumbu ziwe namwe mwensi