¹ Vape au, Titus, tuopana aninu vetindia pai. ² Buono kavo sanepaya maso mua veve baba to manau pasia, ave amamo senduin ariri sene vava pasi, sesamuai sane veriruina, e setawan sia; apino sesanemitiar Sien Allah tutir kavo vata pe, semberuana sane paya viate, e sepaya e setosa sun susah veter sia pasi pe ³ Toapana kota, buono kavo sanepaya maso vavi veve baba to manau pasia, ave sene tenam pasi sive sren, ariri siniotu vetatuan Sien Allah. Sesisiayara siniotu vevesiei va, e setoso sua va. Setaniau nanapi pi viate, ⁴ Toapana pino, setadidina vavi vavoru pasiae, sesanemipai sesawami pasia tutir sene atuma pasia pe ⁵ Ave selawan sia, ave sene tenam pasi sive sren, e sembe vavi veririau vene tenam viate, vetatuan vesawami pe. Toapa yana veamamo, esi sisiayara Sien Allalı nie kavo pai va pe. ⁶ Toapana kota, buono kavo sanepaya so katiei e karavi e sia, ave amamo setawan sia. ⁷ E mataun au ma nanapi pi vura mamo, au vue ria nanapi buai viate pai. Buo bueniau siniotu mamo, to tindi mo, e na kavo vata mo. ⁸ Vue pake kavo viate nari siniotu sisisiayara va, ave amamo siniotu vio variriwi tutir au pasia, semamaya, aso varo kavo vekariria senggavor tata nanai. ⁹ Veve womi pasia, setatuana sene veve baba pasia, e setosanevesieni maso sia, nanapi pi vura. Senggavo nendiwa va, ¹⁰ Setamanana pi va. Ave semberuana toapa, setenam nana buai viate pai tutir korusara pai tawana; ave amamo kaiwasa sesanandika Sien Allah viono Slamat maso tata pai nie kavo uniau pai pe. ¹¹ Aso Sien Allah vieruana nie sanepaya pal to manau, nanapi diono Slamat pai maso siniotu pasi vura pa ¹² Sien Allah nie sanepaya pai diedidina tata, ave amamo tane tenam pasi sirawain Sien Allah nie sane vesie pai vape moja; e tanggorusara sore sisu dunia pai vape moja. Tasamuai aniau, ave tatenam nana Sien Allah. dunia nei mamo, tatawan tata, talenam to tindia, e tanggorusara ¹³ Nine ma tata ne tatanota raria tasanemi tatawana pai, nana raria yani, dunia nei nari siejo Yesus Kristus nanapi nie wasa vetariai pa, andina Allah vebaba mo, e Raja viono Slamat so tata pai. ¹⁴ Diono nie tarai pai e vie pi som to manau, aso tala ave amamo tataisu nanapi kariria pasi vura e tasamuai vesie pai, e dionae tambe kaiwasa veve sren, e tambe kaiwasa so I vea, kaiwasa vemayarusara venanari vesie pai. ¹⁵ Tuopana pininesi vura, e buono kavo sanepaya e, bueniawa kaiwasa viadiawa au pasia, ariri siniotu baba ni au pa. Ave amamo esi dietor au ariri atuma katu vape moja.