¹ Maso ine atuma panau, Titus, nanapi yau, Paulus, ivui surat nini ariri Sien Allah nie womi, e ariri Yesus Kristus nie Rasul. Sien diri yaue diemias yau, ave amamo yona adadura kaiwasa Sien Allah diria pasia, ave amamo sepaya nana pi sanetiar pai. Yedidin sia kota, ave amamo senduin ariri tane agama nei, nie aniau vetindia dieniau nana pai ² Aniau yani vie umaya nanapi sanetiar pai toapa nari tasamuai tenam vatamo viaroi pai. Sien Allah dierera tenam yani to manau, nanapi aya dunia nei nienari varami pa e Sien Allah ma sa diawi va. ³ Nana raria Sien Allah dietapua to manau pai, Sien Allah vieruani nanapi nie arer pai. Arer yani siwi maso ya to manau, e itopanusari, nanapi Sien Allah viono Slamat maso tata pai, nie prenta. ⁴ Titus, au ma vatamoe, ine atuma panauna, aso au tutir yaue, tandu vura tusanemitiar Kristus to manau pana. Isave isanemitiar toapa, Sien Allah Tama pai, e Yesus Kristus Raja viono Slamat so tata pai, surono vesie pai, vemari pai maso au Titus nie nanaripi venana nu Kreta pai. ⁵ Papo pa ivavur au to manau nanapi nu Kreta, ave amamo nuenari nanaripi aya vemasi varami pası. Kota, ave amamo rusasana veve baba nana jemaat pa esia, nanapi Kota pa siri-siri. E sanepai tawana ine kavo nesi: ⁶ Veve baba nana jemaat pesi ma, i ma siniotu vene tenam viate; i ma siniotu veviniemi siri to vea; atu pasia mamo, sesanemitiar Kristus to manau, mae vene atuma verumi wanae pivai atuma vekambarai viadiawa kavo, i ma moja. ⁷ Aso veve haba na jemaat pai ma, siniotu venanari ariri Sien Allah nie nanaripi pai na. I ma sa tiera kariria pesa va. I ma sienandiki va, pivai kiesiou bariuva, pivai dunu sua va, dio mamu va, re pasi sibaba doi va. ⁸ I ma sanevesie vie trima siniotu nana nie anio paie, sane vesie nanapi pi viate, sun sane raro, sane pa tindia, vie sren, tienam ariri atoran viate. I ma rutawana pi aniau tasanemitiara pasi, ariri vianiauwasi soi to manau pa. ⁹ Toapana pino, díadi so diono kavo sanepaya so siniotu nanapi aniau vetindia pai pe, e dimberuana siniotu vekavo nendiwa soi pasi sine sasara pasi pe. ¹⁰ Aso kaiwasa pau sio variriwi, verawai mo pasia kaiwasa veve agarna Yehudi to manau pasia; asia setawi vavera siniotu vevesiei pasi, tutir sene sore kambu pasi pa. ¹¹ Siniotu vetoapa yasia ma, sesoremi pasi sirut tupa pino, aso sia setawi vavera anio raro pa pau, nanapi sene aniau saserai pasi pa. Senanari towana pa ma, ave amamo sesamuai vait nanapi ria vekariria pana. ¹² Mataun sene nabi pesi, vieva nanapi nu Kreta kota, kievore dioyo: "Kaiwasa Kreta pasia ma, siniotu viawitituwa pasiana, binatan vemas vianggutue, vekawawaru pasiana." ¹³ Nabi pai nie kavo pa ma, i ma vata. Apa yoma ave amamo pueduar sin to karakuai pa; ave senggarakuai nana aniau vetindiya pai, ¹⁴ E sendutawana Yehudi pa sene topanusara tawawari pasi ea vape moja, pivai siniotu vetawa irara aniau vetindia pa, sene atoran senanari pasi vape moja. ¹⁵ Pi vura sive sren maso siniotu veve sren pasi. Vape maso siniotu vene sanepaya veve rariai e vevaro sanetiar pasi ma, piesa imbe sren va, aso sene sanepaya wasi tutir sesanemiraro wasi, sive rariai to manau pana. ¹⁶ Senggavore setoyo sia ma senduin Sien Allah, arorae sene vava senanari pasi siporasa Sie pai. Seto madidi e senggamlxırai senggorusara, sia ma siniotu venanari pi vitatena pesa va.