¹ Buono kavo sanepaya so nomu jemaat pa sia, ave amamo setatuan veve baba pasia, e veve ru so negara pasia, e senggorusara e senda ariri nanaripi viate pasi. ² Tuopa so sia, ave amamo sesisiayaru siniotu, pivai seto variriwi tutir esi vape moja, vape setename vesie vavera. Senggavore naniniaria so kaiwasa vura. ³ Aso papo pa, matau tata kota tanganggaue tatatar e tanggorusara kavo va. Tambe womi so sore sisu saserai vura e sane kariria pai, tatenam tutir sanepaya vekariria, e viarandu, tutir madidi vavera pai. ⁴ Vape Sien Allah, viono Slamat so tata pai, dioisara nie sanepaya pai e onate pai, maso tata. ⁵ Diono Slamat maso tata pa, aso tananari pi viate pesa to manau pana va, vape aso matauni, andi sanepai tata pana. Diono Slamat pai maso tata, nanapi Wainunu Sren pai, andi diono aviriwaneae vavoru pai, e tenam vevavoru pai, maso tata, nanapi riois rurana tata pa. ⁶ Sien Allah siovuvu nie Wainunu pai maso tata nanpi Yesus Kristus, Raja viono Slamat maso tata pai. ⁷ Ave amamo nanapi Yesus nie sanepaya paie, tatate riwanea tutir Sien Allah e tasamuai tenam vata mo, e viaworoi tatananota pai. ⁸ Kavo nine ma vata mo e tindija. Isanemi vesie, tuopana sasubata pi ninesi, ave siniotu vesanemitiar Sien Allah pasia, ave senanaripi to pota mo, e senanari nanaripi viate veve guna, maso kaiwasa vura. ⁹ Vue kasau vurusu kavo vavera veve guna va, e topanusara nanapi wamus pasi. Tuerira variriwie, vavera so atoran agama pasi. Yasi vura ma sive guna va, e sikor untun va. vemamu ¹⁰ Siniotu vevediayarae jemaat pai piowawasa pai, i ma buono sanepaya soi vesiri va vemuandu; manau mamo kuepani ea vape moja. ¹¹ Ruin toapa siniotu vetoapa yani ma, kieriria e nie tatar pasi siveruana toapa, vie sasara. Pianiau vipuia pasi, ¹² Nari jemias Artemas, pivai Tikikus maso au mamo, buona ve sairae ruama so yau, nana Kota siniotu veve pande nana Torat pai, tutir Apolos, ave amamo Nikopolis, aso yo inana wana die diru vetutira pa siri. ¹³ Apavo buonanari Senas to vesie mo, piesa mandiu so sandu nanapi sune rara pai va ¹⁴ Tane siniotu pasia ma, ave setaniau senanaripi pi viate, ave sesamuai pi vitopi aya mandiu pa; aso setoto setenam sararidioi vea pe. ¹⁵ Maneta venana nine tutir ya ne sia, amatanatu tabe maso au. Tuopana amane tabe ne maso tane maneta sanetiar siri vura pasia. Isaue Sien diono vesie pai maso mia vura.