Pasal 8

Jesus dionae siniotu vepota pado pai, pienaam pa. (Nanapi Markus 1:40 45; e Lukas 5:12 16 pai kota)

1 Jesus viar na suovavo pa avav to manau pa, kaiwasa pau sembe ratae senda usara Jesus. 2 Apa siniotu vepota pado pesi ria. Disana aebu pasi nana Jesus aropo pa, avori kievore diojo; "Tuani, ka muajar mamo buona e ipanaam." 3 Apa Jesus dieka a rut siniotu pai, avori kievore diojo: "Imajar, apavo puenaam". Apa nanapi diam jani kota e nie pota pai nial. 4 Avori Jesus kievo soi e diojo: "Sanepaya; Bitopa vavera so esi va. Vape rua soapa Imam pai, e vueruan au so i. Manau mamo, buon pi som ariri Musai tiopa pa, ave veruana so kalwasa toapa, puenaam to manau!"

Jesus diona e Komandan Roma pai nie womi pai pienaam pa. (Nanapi Lukas 7:1-10 pai kota)
5 Jesus ria so aniose Kapernaum pa, Komandan Roma pesi riama so I, e siau so I e diojo; 6 "Tuani, ine womi paini piota e viata anio wa. Piota marera e viata na patar wai e, piota to diadi va. 7 Apa Jesus kievo so i, e diojo: "Nari iramatu jona e pienaam." 8 Amana Komandan pai diojo: "Tuani ka moja, ava diadi so ive trima Tuani Au nana ine anio wai pa va. Tuani vue Prenta vea. Amamo nari ine womi wai pienaam. 9 Aso ya kota ma. itatuan ine veve baba pa sia sene prenta pasi. E ine tentara venana dou pa sia kota, setatuan ine prenta pasi. Masi jemias tentarapesi e jojo: Rua!, amamo ria. Ikavo so esi vesiei e jojo:, Ruama so nine!, amamo riama, e jo ive prenta ine womi pai e jojo: nuenarı pi ninel, amamo nienari.'' 10 Jesus diediawa usara Komandan pai kievo tonine pa, kievousara vesiri. Apa Jesus kievo so kaiwasa verausari pa sia e diojo: "Siniotu nei ma katu masi. Nanapi kaiwasa Isrel nei vura, aja isamuai sanetiar vebaba e vetoapa nine esi varami! "Vatamo, Itopa so mia. 11 "Kaiwasa pau, nana rawa dopo wa to rawa dori wa, nari sendama, ave sesanemi vesasie tutir Abrahami e, Isak e, tutir Yakopi sia nanapi Sien Allah nie Dunia Vavoru pai. 12 Arora e siniotu nari viator ve kaiwasa maso Sien Allah pa sia, nari sengge sia so kumuar venana vorira wai. Nari sesai e setamuaus na wana. 13 Janama Jesus kievo so Komandan pai e diojo: "Vuevu, pi sanetiara pa nari vediadi". Apa nanapi diam jani kota e, nie womi pai pienaam.
Jesus diona e Petrus nioni vavi pai tutir kaiwasa pau sepanaam pa. (Nanapi Markus: 1:29-34; e Lukas 4:38-41 pai kota)
14 Janama Jesus ria so Petrus nie anio pai, apa siejo mana Petrus nioni vavi pai visi e viata na patar pai pa 15 Apa Jesus dieka a rut na Petrus nioni vavi pai vara pa, apa nie visi pa vavuri. Janama siobatai e pir pisia so sla. 16 Vava ravinena pa ma, kaiwasa pai kior siniotu vetera wainunu vekariria pa sia maso Jesus. Apa Jesus kievo kavo pa bu siri vea e, ditatawar wainunu vekariria pasi e ditona e kaiwasa vepota pa sia vura sepanaam kota. 17 Jesus nienari pi ninesi vura pa, ave masi tutira nabi Yesayai kievo pa, toapa: "Sieriowa tane kariria pasi, e diono tane pota pasi e sipanaam".
Siniotu vio vera usara Jesus pa sia. (Nanapi Lukas 9:57-62 pai kota)
18 Kaiwasa pa pau vesiri sesorum Jesus. Jesus sieyo kaiwasa pai pa, kievo so nie murit pa sia e, sembavu tuwa avaru so ruru pai rawesi pa. 19 Avori veve baba nana Torat pesi riama so I e, diojo: "Guru, yo irausara Au so topina vea" 20 Apa Jesus ruar so i, e diojo: "Wona rei pai nie kamberei, e aya pai nie karai, vape Siniotu Atu ne Ya ma, varo uta ivata nana." 21 Avori nie siniotu vera usarl pa esi nina, kievo so I, e diojo; "Guru, isau so Au e, ivavu papo ve ive kubir yai ri". 22 Amana Jesus kievo soi e diojo: "Rua usara pa Yau, mae siniotu vevoru pa sia ma, matau sembe kubir riwana sene vevoru pai."
Jesus diona e diobara pai mieri pa (Markus 4:35-41, Lukas 8:22-25)
23 Janama Jesus tutiur nie murit pa sia, sesa so wa pai. 24 Worabua va mana, diobara pimasa pesi mun na ruru pai. Apa bata pasi sisa so wa pai. Diam jani ma, Jesus andia diena. 25 Apa nie murit pa sia senda soi e sembaun i. Setananar soi e setojo; "Guru, kawa, nari tanggariria!" 26 Apa Jesus kievo so siae dioijo; Aso vitopi mematai veya pa? Mesanermitiar Ya mo va; "Janama Jesus biatai e kievo mas wana pai tutir ruru pai. Apa ruru pai mieri vesiri. 27 Jesus nie murit pa sia senggavousara veito. Senggavore setojo; "Siniotu nei ma siniotu vito nina, apa wana e bata e, sikorusara kievo ne pa?
Jesus dietawar Wainunu vekariria pasi vurusu siniotu pa sandupa. (Nanapi Markus 5:1-20, e Lukas 8:26-39 pai kota)
28 Jesus tutir Nie murit pa sia sesirieu nana ruru pai rawesi pa, nana uta Gadara. Apa siniotu vetera wainunu vekariria pa esandu, sundama so 1. Siniotu nine sanduma sumas vesiri, apavo siniotu pesi mias e ria nana uta janava. 29 Susuvi nanapi rovuki kamberei veve kubir wasi, e surananar e surojo; "Allah Atu panau, avo buo buon ama toane? Aja raria paina varami e, buo vue hukum ama pana e?" 30 Apa pimuna aum pa tau siri, siosa deriasi na jana e siapi. 31 Apa wainunu vekariria pasi sisau so Jesus, e siojo; "Buo buemiase amasuvi mamo, buemiase ama sua na pimuna wasi." 32 Apa Jesus kievo soasi e diojo; "Menda vea". Apa wainunu vekariria pasi sisuvu vurusu siniotu pa sandu e sira sisua na pimuna tau pai. Apa pimuna pasi sivavu sikopa na veve derewisi pa avav so ruru pai pa, simarutu. 33 .Siniotu vesayo vedior pimuna pa sia setapai so Kota e, setopanusara kavo veve diadi ninesi vura. E setitopan siniotu muandu veter wainunu vekariria pa simasoi nanapa sandu kota. 34 Apa kaiwasa venana Kota pa sia vura, senda sesajo Jesus. Senda sesamuai Jesus pa, sesau sol, ave amamo vievu vurusu sene uta pa.