Pasal 7
Nanapi tambe hukum siniotu pa. (Nanapi Lukas: 6:37-38, 41-42 pai kota)
1
Membe hukum siniotu vevesiei pesi vape moja, ave amamo mia kota, Sien Allah vie hukum mia vape moja.
2
Aso, ariri membe hukum siniotu vevesiei pa, nari Sien Allah vie hukum mia toapana kota. E, aitato vitopi metitato nana maso siniotu vevesiei mamo, nari Sien Allah tieto nana kota maso mia.
3
Aso vitopi mesajo kaena katu venana nemetapi re raro pai mae balak venana matau re raro pai ma mesajori va pa.
4
Avori nari menggavo so nemetapi e metojo ruama ve isuvira kaena venana remu pai ri, mae balak rahua venana matau re raro vediai ma?
5
Ne, siniotu viombe siniotu vetindia vedia mia suvira balak rabua venana matau remu pai ri, ave suejo to vesie ri avori janama suvira kaena venana nemetapi re pai.
6
Buono pi veve Sren maso wona pai vape moja, ave amamo wona pai diarai e kierip au vape moja. E buon mutiara so pimua pai vape moja, ave amamo pimuna pai tiar patitiata mutiara pai vape moja Tasau, tasasera, tatov.
(Nanapi Lukas; 11:9-13 pai kota)
7
Mesau, amamo nari viona so mia. Mesasera, amamo nari mesamuai. Metov, amamo nari rature pai tieseva maso mia.
8
Aso, siniotu vesau pai ma, nari setono so e siniotu vesasera pai ma, nari siemuai e siniotu vetov pai ma, nari sesieva rature pai so
9
Nanapi tama pa mia pa, teini atu pai siau roti pa nari diano ravuki so i.
10
Pivai e siau dia pa nari diono korou so i?
11
Metatar saridioi, vape menduin meto pi viate kota maso mene atuma pa sia. Avori toane tutir Tamamu venana rora wat I ma riewai ea, e nan dion viate maso siniotu vesau nana I pa sia.
12
Menanari so siniotu vevesiei pa, ariri mesanemi vesie senanari toa, maso mia pa. I ma atoran agama Musai diona pasi, tutir nabi pa sene aniau pasi, sine umaja pasina.''
Rature vetakakotar pai (Luk. 13:24)
13
Mesua nana rature vetakakotar pai, aso rature pai tutir ria vera so naraka paima bieba e siebaberi, e kaiwasa piau ria nanai.
14
Vape rature pai tutir ria vera so tenam pai ma, tiekakotar. E sepau va vesiri, asia sesamuai.
Jesus kievo nanapi ai pai, tutir nie buo pai (Nanapi Lukas; 6: 43-44 pai kota)
15
"Mesajo to vesie, aso nabi viawi tituwa pa sia. Sendama so mia mamo, sembava ve domba, arora e sembava ariri wona rei vemas pai.
16
Nari mesajo riruin sia nanapi sene nanaripi pai. Wai sina pai sa suvir anggur buo pesi va, e samue veve sina pai, sa suvir ara buo pesi va?
17
Nanapi ai viate pai, tasamuai buo viate pai, e nanapi ai vekariria pal tasamuai buo vekariria pai.
18
Al viate pal ma sa suvir buo vekariria va, e al vekariria pal ma sa suvir buo viate va.
19
Ai vesuvir bua vekariria pai ma riova e kiair.
20
Toapana kota, maso nabi viawitituwa pa sia. Nari mesajo riruin sia nanapa pi senanari pasi.
Sien diri ariri siniotu venanari ariri nie kavo pai pa sia. (Nanapi Lukas: 13:25 27 pai kota)
21
Sa siniotu vesau Yau e viojo: Sien, Sien, asia nari sembe kaiwasa maso Sien Allah pa vura va, vape siniotu venanari ariri Yai venana rora pai nie sanevesie pai pa sia.
22
Raria dunia nei kieriria e niai wa mamo, nari sepau sesau so Yau e setojo, Sien, Sien, jokama nana sanomu pa e amatitopana Sien Allah nie arer pai pa mana? E, jokama nana sanomu pa kota e ama titatavara pi sararidioi e, amatinanari pitandor pa pau mana?'
23
Vape nari ikavore yoyo, Ya ma isajo riruin mia va; Menda vurusu nine. siniotu venanari kariria pa mia vura!"'
Kavo sora tarawa nanapi siniotu veruina e vevaun anio pai, tutir siniotu venganggau vevaun anio pai. (Nanapi Lukas; 6:47-49 pai kota)
24
"Apavo siniotu viadiawa ine kavo pai e venanari ariria pai, vieva airi siniotu veruina e vevaun vene anio nana rovuki vavo.
25
Nana raria rama pai mun e maria pai vie posar e ve diobara pa, siobuasa anio jani mamo, anio jani sa tiebari va, aso viauna nana rovukivavo pavo.
26
Mae, siniotu viadiawa ine kavo nei, vape venanari ariri va pal, vieva ariri siniotu venganggau e vevaun vene anio nana rubuavavo.
27
Nana raria rama pai mun, e maria pai vie posar e ve diobara pa, siobuasa anio janie tiebari. E mierura to kieriria vesiri." Kaiwasa pa sia senggavo usara Jesus nie Aniau pasi.''
28
Jesus dieniau to manau pa, kaivasa venana jasia, setadiawa Jesus nie kavo aniau pasi pa, senggavo usara veito.
29
Aso dieniau pa tutir pays varveiti, ombesiel nanapi sene veve baba nara Torat pa sia.