Pasal 6
Yesus diono kavo sanepaya nanapi viono pi maso siniotu vevaro pi pa sia pa
1
Mesanemipaya, menanari ariri atoran agama pai nanapi kaiwasa re vepau ve amamo siniotu sisajo pana. Menanari toa mamo, sa mesamuai vait nana Tamamu venana rora pai va.
2
Apavo meto piesa so siniotu vevaro pi mamo, metumine metopanusara si ariri siniotu viombe vesanemitiar wa sia vape moja. Sesanemi vesie senanari toa nanapi anio Ari pa sie, nanapi ria rabua e, ave amamo kaiwasa sienandik sia pana. I ma sesamuai sene vait pai to manau pana to.
3
Mae mia ma meto piesa so siniotu vevaro pi mamo, meto aniwara, ve amamo esi ruin vape moja.
4
Esı dinduin pi nuenari wana vape moja e, Tamamu venana rora wai miesari. Andi siejo nomu pi buono aniwara jani, e andi nari diono vait so au.''
Yesus diono kavo sanepaya nanapi nadi pai pa (Luk. 11:2-4)
5
Meto membe nadi mamo, metarir viombe siniotu vetindia wa sia vape moja. Sene pa sembe nadi e setosa nana anio ari pa si e, ria asasa pasi, ave amamo kaiwasa siejo sia. Mesanemipaya, sene vait pai sesamuai to manau pa.
6
Mae miama meto membe nadı mano, mesua so andiraro wa, e mesuori rature pai, avori membe nadi so Tamamu veveruana va pai. Amarno Tamamu vesajo nomu nanaripi vianiwara jani, andi nari diono vait so au.
7
Meto membe nadi mamo, mesovavera kavo e woririosi ariri siniotu veruin Sie va wa sia vape moja. Semamo ma setojo, sene sau pasi nari Sien diediawa si, aso sene nadi viaririosi jasi.
8
Memasi sia vape moja. Aso pi vitopi aja mesau varami pa, Tamarnu venaria rora pai ma, ruin to manau.
9
Apavo membe nadi toapa nine: Amatamami venana rora panau Buonave amambe sren sanomu pai.
10
Buonave nomu Kerajaan pai riama. Buonave amananari ariri nomu sanevesie pai na dunia nei, ariri vieva nana rora wa pa.
11
Buono pisia vemasi maso ama, nana raria nini.
12
Vue map amane sasara pasi, ariri amambe map siniotu vesasara so ama pa sia pa. Kuor ama so sotoura pai vape moja. Vape tuerir ama vurusu kariria pai.
13
Aso au nomu wasa vetariai pai, e paya pai, e som sanandika pai, to woroi-woroi.'
14
Masi membe ampon siniotu vesasara so mia mamo, Tamamu venana rora pai kota, nari vie ampon mene sasara pasi.
15
Vape membe ampon siniotu vevesiei sine sasara pasi va mamo, Tamamu venana rora pai kota vie ampon mene sasara pasi va.''
Yesus diono kavo sanepaya nanapi puasa pai pa
16
Meto membe puasa mamo, mendemi pasi sikariria ariri siniotu vekavo tawar pa sia vape moja. Setona e sendemi pa sikariria mo, ave amamo kaiwasa vura ruin toapa, sembe puasa. Mesanemipaya, i ma sesamuai sene vait pai to manau pana.
17
Vape mia ma membe puasa mamo, mendois menderni pasi e mendaris mendumi pasi.
18
Ave amamo esi ruin membe puasa pa va, e Tamamu veveruana va pai miesari, andi ruina. Andi sieyo nomu nanaripi vianiwara jani, e nari diono vait pai so au."
Rar vevata to woroi nana rora Pai (Nanapi Lukas: 12:33-34 pai kota)
19
Mesoruir rar so mia nana dunia nei vape moja, nana uta pusie tutir nanim sian e siniotu siemanana ne vape moja.
20
Vesie pa, mesoruir rar na rora wa, nana uta pusie tutir nanim sian vae, siniotu siemanana va wa.
21
aso nomu rar pai andia na topina pa, sane raro pa aja na jana kota. Tandemi pasi ma padamara so tane tarai pasi na.''
Tandemi pasi ma, padamara so tane tarai ne pasi na
22
Apavo remu pa sisasaar mamo, nomu tarai pai vura e siesaar.
23
Vape remu pa siebuabu na kariria pai mamo, nomu tarai pai vurae niana vekumuar pai. Apavo sasaar venana nomu tarai pai, kumuar so i mamo, ima kumuar ve tabina mo paina.
Sie pai e rar dunia pai. (Nanapi Lukas; 16:13, e 12:22-31 pai kota)
24
Sa siniotu pa siri nienaripi so tuan pa sumbe muandu va. Aso nari sane pai esi pai rawai nanapi esi pai. Pivai kiorusara tuan esi pai rawai nanapi esi pai. Toapana kota tutir mia. Sa menanaripi so Sien Allah tutir rar dunia pai va.
25
Apavo mesanemipaya, mesanemi sasera mia so mene tenam pai vape moja, nana pi metan to metunu, pivai pi nari metavavara. Jokama tenam pai ni riewai nana pisia pai e, tarai pai riewai nana avavar pai mana ?
26
Mesayo na aya pasi. Sitana pi va, siema pi va, e siruir pisia nana gudan va, Toapa jana saridioi e, Tamamu venana rora pai dieum si. Joka mia membe harga rawai vesiri nanapi aya pasi mana ?
27
Nanapi mia pa teini sane sasera pa onae diono nie umur pai e dieroi katu ne?
28
Aso vitopi mesanemi sasera mia so avavar pa? Ite mesayo ariau aikes vetipu na mapar pai. Ariau jasi ma sinanari pi va. E siawar pi va.
29
Vape Raja Salomo veve kaya veja jani kota, dievavara avavar viate ariri ariau jasi va.
30
Samue venana mapar pai, tipu nana raria nini, e kausapa mamo sikair to sikai. Vape Sien Allah mierandinasi to vesie mo. Avori toane tutir mia. Vape mesanemitiar marui va pana.
31
Mesanemisasera mia e menggavore metojo, "Nari tatan vito ?' ,Pivai nari tatunu vito? Pivai nari tatavavara vito ?'
32
Pi vetoapa jasi ma, kaiwasa veruin Sie va pasia setosoasi pa. Arora e Tamamu venana rora pai ma, ruin membe perlu piyasi vura pa.
33
Apavo, menda ariri Sien Allah nie Prenta pasi nanapi mene tenam pasi e menanari ariri nie sanevesie pai papo ri. Amamo pi esi pasi vura nari Sien Allah dionasi kota maso mia.
34
Apavo, mesanemisasera mia so raria kausapa wai vape moja. Aso raria kausapa pai dione susa atapua. Susa venana raria siri pai miesi so raria siri.''