Pasal 5
Jesus dieniau kaiwasa pai nana veve suovavo pai pa
1
Jesus sieyo kaiwasa pai pa, siajai so veve suovavo pa. Miesoi to manau pa, janama nie murit pa sia sendarna so I.
2
Janama dieniau sia e diojo. Vesie veve vata mo pai.
(Nanapi Luk. 6:20-23 pai kota)
3
"Vesie maso siniotu vemarui vae viasiwar nana Sie pai vea pa sia; aso siama nari setenam nana Sien Allah nie uta vie prenta nana pai.
4
Vesie maso siniotu vesai saneraro pa sia, aso Sien Allah nari diono sane vesie maso sia.
5
Vesie maso siniotu vesanandik va pa sia, aso Sien Allah nari nienari ariri nie arer pai maso sia.
6
Vesie maso siniotu vesorerni sisu venanari ariri Sien Allah nie sane vesie pal pa sia; aso Sien Allah nari diona e sene amuaus pasi simanau,
7
Vesie maso siniotu vesanemipal siniotu vevesiei pač aso Sien Allah nari sanepai sia kota;
8
Vesie maso siniotu vesanemi raro veve sren pa sia, aso siama nari sesayo riruin Sien Allah.
9
Vesie maso siniotu vekor vemari maso siniotu pasi, aso Sien Allah nari ruara sia ve nie atuma.
10
Vesie maso siniotu semutatira so senanari ariri Sien Allah nie sane vesie pai pa sia: aso siama nari setenam nana Sien Allah nie uta vie prenta nana pai.
11
Vesie maso sia, aso sesamuai sisiajara e, airora e, niniaja e, aso Ya pa.
12
Nabi vepapo na mia pa sia kota, semutatir sia toapana. Mesanemi pa sietate e mesanemi vesasie, aso mene vait Sien pir maso mia pai ma bieba."
Jesus kievo nanapi sasi tarai pai tutir sasaar pai pa (Nanapi Mark 9:50: e Luk 14:34-35 pai kota)
13
''Mia membe sasi tarai so dunia nei pa. Sasi tarai pai vie kambu pa nari vie sasi riwanea e, sa vie guna ea va, nari kiea e kaiwasa tia patitiatai.''
14
''Mia membe sasaar so dunia nei pa. Kota vetur sasana nana wi vavo pesi ma sa sieniwa va.
15
Sa esi kiair padamara vori kukutawani na kabesu va. Ima nari pir padamara pai e tur sasana. Ave amamo vieviara kaiwasa venana anio raro pa sia vura.
16
Toapa jana kota, mene sasaar pai disanggapara maso kaiwasa, ave amamo sesajo mene tenam viate pai mamo, sesom tamamu venana rora pai pe.''
Jesus kievo nanapi atoran Agama Yehudi pai
17
Irama ne ave amamo irura atoran Musai diona pasi tutir Nabi pa sene aniau pasi va. Iramave irurasi va, vape ave iveruana tarai vata mo pai.
18
Aso vevata mo, rora e kakopa e sandune rami mamo, kavo pa bu katu siri nanapi torat pai, sa niai va, simasi ariri vura pino.
19
Apavo teini riewain atoran nine esi vibaba va vesiri; e dieniau siniotu vevesiei e senanari toa kota mamo, nari siemuai uta masasoiya venanapi dou vesiri, nanapi Sien Allah nie uta vie prenta ariri Raja nanawa. Sovera ea mamo, teini nienari ariri atoran venanapi Torat pasi e dieniau suniotu vevesiei e sinanari toa kota, amamo nari siemuai uta masasoya venanapi vavo vesiri, nanapi Sien Allah nie uta vie prenta ariri Raja nana wa.
20
Apavo mesanemipaya; menanari ariri Sien Allah nie sanevesie pai e mendawai nanapi guru agama pasia tutir Parisi pasia va mamo, sa membe kaiwasa maso Sien Allah va.
Sien diono kavo sanepaya nanapi vekasiou siniotu pa. (Nanapi Luk 12:57-59 pai kota)
21
Mendunina nanapi tatapumi pasia pa, vesamuai kavo aniau toapa, Memun siniotu vape moja; teini mun siniotu mamo, nari siemuai hukuman.
22
Vape nine ma itopa so mia, teini kiesiou siniotu pesi mamo, siemuai hukuman, e teini niaja siniotu pesi mamo, siemuai urusan nana agama pai nie ruir baba vekutu kavo pai. E teini kievo so esi e dioyo, "Nganggauwi". amamo nari kie susa adia naraka.
23
Apavo samuai mia esi dio nunu nie pisom pasi maso Sien Allah, avori sanepai so esi nia klesiouwi,
24
Amamo biatal vurusu nie pi som pasi nana wavu som pai dere pa ri, ave amamo ria vie dame tutir siniotu jani Manau mamo sioveral e nunu nie pi som pasi maso Sien Allah.
25
Maso est vie karak mia nana ruir baba vekutu kavo pai mama. Sembe dame tutir nanapi aja ria so ruir baba vekutu kavo pai varami pa. Aso piva mamo, siniotu jani nari viovo mia so hakim e, nari vevovo mia so Polisi pal Amamo nari Polisi pai kiovara mia so bui pai.
26
E mesanemipaya, sa mesuvi nanapi bui pai va, veitoro membait mene niaki pasi to simasi vura pino."
Jesus kievo nanapi nanari kavo vavi pa
27
Menduin kavo aniau vetoapa nines "Nuenari kavo vavi vape moja,
28
Vape nine ma itopa so mia: Temi sejo vavi pesi to sane kaririai, amamo siniotu yani, nienari kavo tutir vavi jani nanapi sane raro pa to manau.
29
Remu rawa vata pai vediajara e vue tatar mamo, kuewar remu pai e kuei, Nomu tarai pai katu esa nai pa, vesie rawai nana nomu tarai pai vura, kie susa adia naraka pal.
30
Masi varavata pa viediajarae vue tatar, amamo puera tuwa e kuea, varamu rawesi pa nai pa vesie rawal nanapi nomu tarai pai vura sua susa naraka pa.
Jesus kievo nanapi veke vævinierni pa (Mat. 19:9; Mrk. 10:11-12; Luk. 16:18)
31
Aniau pesi tioapa nine kota, teini dio kie vinie pai mamo, diono surat vingge veviniemi so vinie pal.
32
Vape ninema itopa so mia; teini kie vinie pai, arorae vinie pal siesara va, avori vinie pai ririau riwanea, amamo siniotu jani, andi viediayarae vinie pai nienari kavo pa.E teini riaut vavi sawani kiea pai mamo, i kota nienari kavo
Jesus kievo nanapi sawora Pai
33
Menduin toapa nana tatapumi pa sia pa, tasamuai aniau toapa nine; Ruewain arer vape moja. Vitopi buerera to manau tutir sawora nana aropo Sien Allah, i ma nuenari ariri mo.
34
Vape nine ma itopa so mia; mesawora nana rora pai vape moja, aso rora pai ma Sien Allah nie uta masasoja paina.
35
Toapana kota nana kakopa nei va, aso kakopa nei ma visasiara ae pasi na; pivai mesawora nanapi Jerusalem va, aso i ma kota Raja baba paina.
36
Mesawora nanapi mendumi pasi vape moja, aso mataun au ma sa puaja so buona e rurandau pa esi miemara pivai kumuar pa va.
37
Aso vitopi vevata pa, tuoapa vea; 'vata", mae vitopi piva pa tuopa vea; "Piva" rawal nana jana mamo, ima onda ma nana pa bilis pai.
Vesovera kasiou maso siniotu venanari kariria pai vape moja
38
Menduin pi aniau pesi toapa nine kota; re pai riwa re, e dere pai riwa dere.
39
Vape nine ma itopa so mia; "Mesovera kasiou maso siniotu venanari kariria so mia pai vape moja. Sovera e teini biasar tararei rawa vata pa mamo, buonae biasar tararei rawa sara pa kota.
40
Masi esia sembe karak mia nana hakim, veito setawara nomu sasu pai, amamo buona nomu sasu baba juba pai kota.
41
Masi siniotu veve baba pesi, tuva au e sueriowa nie pi pasi e ruausari e munda kilometer siri, amamo sueriowasi e ruausari e munda kilometer muandu.
42
Masi esi siau piesa nanapi au mamo, buono so i. E, esi siaue vie pinjam piesa nanapi au mamo, tuawa irara kota vape moja.''
Sanepai siniotu vio amuna tutir au pai (Luk. 6:27-28, 32-36)
43
Menduin pi aniau pesi toapa nine kota; sanepai nomu maneta pa sia, e muedidi siniotu vio amuna tutir au pa sia.
44
Vape nine ma itopa so mia; sanepai siniotu vio amuna tutir au pa sia, e membe nadi so siniotu viowawotu mia pa sia.
45
Ave amamo membe atuma so Tamamu venana rora wai pe Aso Sien Allah diona e wor pai disambiara so siniotu viate to vekariria kota.
46
Aso, mesanemipai siniotu vesanemipai mia pai mesari vea. Avori, Sien Allah diono sovera ea maso mia ve? Jokama siniotu veruir pipi pajak pa sia senanari toapana kota mana?
47
E mesau tabe so mene maneta pa sia mesari vea pa vesie ne? Siniotu veruin Sie va pasia kota, senanari toa panal
48
Tamamu venana rora pai ma, sane pai siniotu vura, apavo mia kota menanari toapana.