1
Manau pa Wainunu Sren pai diedidin Jesus ra so mapar rubua veseja pal, ave amamo bilis pai siotour-I.
2
Raria siniotu muandu e diru siniotu muandu ma Jesus diapi va. Apa janama vievisi.
3
Avori bilis pai riama kievo so Jesus e dioyo; "Sien Allah Atu ni Au mana? Buemias ve rovuki nesi sive roti".
4
Amana Jesus ruar so bilis pai e dioyo; "Vevui nanapi Surat Repo pai to manau toapa: Siniotu pa sitenam nanapi roti pai vea va, vape sitenam kota nanapi Sien Allah Kavo Kievora pasi kota.'''
5
Manau na jana pa bilis pai kior Jesus a so Jerusalem, Kota veve Sren pai, e piri nana Anio Allah pai babua pai
6
Avori bilis pai kevo so I, e dioyo: "Atuma Sie ni Au mana? Apavo kuopa avav, aso vevui nanapi surat Repo pai to manau toapa nine "Nari Sien Allah diemiasa nie Malaekat pasia, e setaara sembarami pasi e seser vedior Au, ave amamo aemu pasi sitera na rovuki pasi vape moja.'''
7
Amana Jesus kievo so i e dioyo: "Vape vevui nanapi Surat Repo pai toapa; Suotoura Allah nomu Sie pai vape moja".
8
Manau na jana pa, bilis pai kior Jesus riwanea, ra so wi vetariai mo pai, avori dioisara Kerajaan venana dunia nei pasi vura so I, tutir sine marandi veve marawas pasi vura.
9
Avori bilis pai koevo so Jesus, e dioyo; "Bisan ae bu pasi e suom ya mamo, pi ninesi vura, nari jonasi maso Au.''
10
Amana Jesus kievo so i e dioyo, "sietan, rua vurusua. Vevui na Surat Repo pai toapa, Metatuan Allah mene Sie pai e mesom-I mesari vea.'''
11
Apa bilis pai vievu vurusu Jesus, e janama Malaekat pasia sendama setutir Jesus, e setarama vediori, Jesus ria nie nanaripi pai retena nana Galilea pa. (Nanapi Mark. 14:15; e Luk 4: 14-15 pai kota)
12
Jesus diediawa toapa Johanes su nana bui pai pa, Jesus vievu ra niana Galiliea.
13
Vievur aníose Nasaret, e ria miesoi na aniose Kapernaum, nana ruru Galilea dere pa, nanapi Sebulon tutir Naptali sune kakopa pa.
14
Jesus nienari toapa yana pa, ave masi tutira Nabi Yesayai nie kavo pa. Kievo toapa nine;
15
"Sebulon tutir Naptali sune kakopa pa, nana ria vera torau pai, na maria Yordan rawesi pa, siniotu Yehudi va pa sia sene kakopa pa, Galilea.
16
Kaiwasa vetenam nanapi kumuar pai raro pa, sesayor sasaar visanggapara pai to manau. Sasaar visanggapara pai, disambiara to manau, maso vermasoi nana uta kumuar voru pai raro pa sia.
17
Nanapi rabua jana mamo, Jesus kievore dioyo; "Memanau nanapi mene tatar pasi, e mesovera, aso woroi va so Sien Allah vie prenta ariri Raja pa!''