1
Nana rabua jana (Sien Jesus andia niana Aniose Nasaret rami). Amamo Johanes vesoiv kaiwasa nana kambu Sren pai, dieniau nanapi mapar veve rubua veseja venana Judea pai pa, e dieniau kaiwasa verama pai e diojo.
2
"Membavur mene tatar menanari pasi, e mesovera so Sien Allah. Aso woroi va so Sien Allah nari vie prenta ariri Raja pa".
3
Johanes nini, andi nabi Jesajai tiopani ve arer to manau toapa: "Nari raopui pesi, dumi nana mapar veve rubua pai e diojo, Menanari ariri ria vetindiya so Sien ria nana pa.'''
4
Johanes dievavar na sasu onta ruvavuru. E nie kavavirai pai ma nanapi binatan rawa, e nie pisia pasi ma nginggisi, e ditunu unu rukaru pai.
5
Apa kaiwasa pau, senda nana Jerusalem, e nana uta Judea, e uta vena wawarira maria Jordan pa esia, sendarna so Johanes.
6
Senduara sene tatar senanari pasi, e janama Johanes sioiv sia na Kambu Sren pal, nanapi maria Jordan.
7
Kaiwasa Parisi tutir Saduki pa sepau sendama so Johanes, siejo sendama pa, kievo so sia e dioyo, "Siniotu venganggau wawarira ne mia! Teini dioyo nari metaisu vurusu Sien Allah nie hukuman nari verama wai ?
8
Memberuana nanapi mene tenam pasi, toapa, mesovera vurusu mene tatar pasi to manau.
9
Matau metoyo Abraham tapu ni mia pavo. Nari metaisu vurusu hukuman paie. Itopa, Sien Allah ma piaya so nienari rovuki nesi, e sive Abrahami tapu pa!
10
Tama pai andia tomanau so vindova ai ravo pai ravav so war pasi. Ai ravo vesuvir buo viate va pai ma, nari riova e kie susa adia pai.
11
Ya isoiv mia nana kambu, ave veruana toapa, mesovera vurusu mene tatar pasi to manau, vape siniotu vera ea ma pai, nari sioiv mia nanapi Wainunu Sren pai tutir adia. I ma bieba rawai na yau. E ya ma sa irut nie sapatu pasi va.
12
Susir pai andia na vara pasi, ave dindayan nie pas pasi veito sivaro kaena. Pas tarai pai sio ruiri na gudan pai, mae rawa pai ma nari kiairi nariapi adia vevoru moja va pai.