Pasal 2
Suniotu pande vera nana rawa mura pa sia.
1
Jesus vie diadi nana Kota Betlehem na uta Yudea; veve Raja nana rabua jana paini Herodes. Nanapi rabua jana pa, siniotu Majus pa esia, senda nanapi rawa mura maso Yerusalem.
2
Setuta e setojo; "Atuma veve diadi, ave veve Raja so kaiwasa Yehudi pai andi topina? Amasayo nie siverere pai sia na rawa mura, e amandama ve ama somi pana".
3
Raja Herodes diediawa kavo nine pa, tiendor vesiri e kaiwasa venana Yerusalem pai vura, setandor kota.
4
Apa diemias Yehudi pa sene Imam Baba pa sia, tutir veve baba nana Torat pa sia vura e senduir maso i. Avori dutan sia e diojo, Avo Raja vekor vesie Sien Allah dierera pai, nari vie diadi nana topina ?
5
Apa senduar e setojo, "Nana Kota Betlehem, na uta Yudea. Ariri Nabi pai vui to manau e diojo,
6
Au, Betlehem, nana uta Yudea, au ma sa muedia rawain aniose baba veve sano nana Yehuda nesi va. Aso siniotu baba pesi nari biatai nanapi au, ave amamo diedidina ine kaiwasa Israel nei.'''
7
Raja Herodes diediawa kavo nine tomanau pa, siau manana siniotu Majus vera na rawa mura pa sia ma. Avori janama dutan sia so raria toni siverere pai vieruana pa.
8
Manau pa janama diemias sia e senda so Betlehem e ditarera so sia e dioyo; "Menda ve mesaserai ariri atuma pai vieva pa. E mesamuai to manau mamo, mesovera ea ma metopa so yau. Ave amamo jonda isomi kota pe". Siniotu Majus ne sia setadiawa Herodes dierer ne to manau pa,
9
Janama senda. Senda semasi ria wa rabua wa mana, sesayo siverere pai.
10
Riwanea, siwerere ara sesayora nana rawa mura paina. Apa sesanemi pa sietate to baba vesiri. Siverere nei pieponi sia raa ma mienau nanapi uta atuma nei niana pa.
11
Apa sesuapui so anio pai e sesayo atuma pai tutir siniani Mariai. Apa setatuan e sesom Atuma nei to manau pa, sesuvir pi som senggor pasi, ave setonasi ve pi som soi. Pi som senggor pasi: mas e kemenyan tutir mur.
12
Sesomi to manau pa, sembavu so sene aniose pa, nana ria vevesiei pesi. Aso Sien Allah vieruana anamiya pesi so sia, ave amamo sesovera so Herodes vape moja.
Jusupi tutir Mariai sumbavu tutir Jesus, so uta Masir pa.
13
Siniotu majus pa sia sembavu to manau pa, Sien nie Malaikat pesi vieruani so Jusupi, nanapi anamija pesi. Malaekat pai kievore diojo, "Herodes dio siesera Atuma pai e muni. Apavo suobata au, e kuor Atuma pai tutir siniani e mesever mia so uta Masir. Memasoi na wana to ikavo riwanea so mia".
14
Apa Jusupi siobatai nana diru jani kota, e kior Atuma pai tutir siniani e sesever sia so uta Masir.
15
Semasoi na wana to Herodes vioru. Toapa jana pa, masi tutir Sien kievora nanapi nie nabi pai pa, toapa; "Isau ine Atuma pai nanapi Masir". Raja Herodes mun Atuma katu pa sia pa.
16
Avori janama Herodes ruin toapa, siniotu Majus vera nana rawa mura pa sia setawi pa, kiesiou vesiri. Apa siuvir prenta pesi, ave semun atuma mua katu pa sia vura, veve umur taun muandu tou, nanapi Kota Betlehem tutir aniose vena siwara pasi. Ninema i masi ariri kavo siemuai nanapi Majus pa sia so raria siverere pai vieruani pa.
17
Toapana ve amamo masi tutira kavo nabi Yeremia kievora pa, toapa,
18
.'Raopui pesi riotu nana aniose Roma, Raopui viananar e vesai nina. Rahel siai atu pasia; kiembarai esi vie hibur i aso sena va to manau". Jusupi tutir Mariai susovera tutir Jesus nana uta Masir pa.
19
Raja Herodes vioru to manau pa, nana rabua Jusup andia na Masir pa, Sien nie Malaekat pesi, vieruani so Jusupi na anamija pesi.
20
Malaekat pai kievor e dioyo; "Siniotu vio vemun atuma vediai pa sia, semboru to manau. Apavo buatau e kuor atuma vediai tutir siniani e kuor sovera sandu so uta Israel".
21
Apa Jusupi biatai e kior sovera atuma pai tutir siniani Maria, so uta Israel.
22
Amana vepui, Jusupi diediawa mana Arkelaus, Raja Herodes atu pai, riwan tamani to manau e vie raja na uta Judea. Apavo Jusupi mietai ria so wana. Vape siemuai kavo riwanea na Sie pai nanapi anamija pa, janama ria so uta Galilea.
23
Na wana pa, miesoi na Kota vesanomi na Nasaret. Kavo nine vava pa, imasi ariri nabi pa senggavo pa, toapa: "Nari setap i ve siniotu Nasaret' .''