Pasal 27
Senggor Jesus a so Pilatus pa. (Markus 15:1, Lukas 23:1-2, Yohanes 18:28-32)
1
Kausapa vavoru mo pa, Imam baba pasia tutir Yahudi pa sene veve baba pa sia, senggutu kavo ve amamo semun Jesus.
2
Apa senggaisu wangga pasi na vara pasi e, senggoria setonia so Pilatus, veve Gubernur nanapi pemerinta Roma pai.
Yudas nie voru pai. (Kisa Rasul-rasul 1:18-19
3
Avori Yudas vevova Jesus pai, sieyo mana senggutu hukuman voru pai so Jesus pa, mu sane pa. Apa kior sovera ropia vebera siniotu siri e sura pasi a so imam baba pa sia tutir Yahudi pa sene veve baba pa sia.
4
Yudasi kievore dioyo, "Ive tatar to manau, aso ivova siniotu vevaro sasara pai, veito siemuai hukuman voru pai pa!" Amana senggavo so Yudasi e setoyo, "Ama ma amanduin va. Mataun au ruara!"
5
.Apa Yudasi sio pipi pasi susa Anio Allah pai, e janama suvi e ria dievakiri e mun riwani.
6
Imam baba pa sia senduiri pipi pa sia senggavore setoyo, "Pipi ninesi ma pipi veria. Apavo ariri atoran Agama pai mamo, pipi ninesi ma, sa tapisi nana aiku vepir pi som nanapi Anio Allah pai va."
7
Janama senggavo arin kavo to manau pa, senggor pipi pasi a setimbori kakopa pesa, setap kakopa jana ve. Venanari kabesu pa sene kakopa pana. Kakopa janama setona ve papi maso siniotu vera ve wasa pasi.
8
Apa joma veito rabua nine, setap kakopa jana ve, "Kakopa Veria.
9
Topa jana ve masi tutir nabi Yeremia nie kavo pa, toapa, "Sembe trima ropia tarai vebera pa siniotu siri e sura, kaiwasa Israel pa sia vait senggutu paina, sive vait maso i
10
E pipi jasi setonasi e setimbori kakopa nana siniotu venanari kabesu, ariri Sien dierer to manau maso ya pa."
Pilatus vie urus Jesus pa (Markus 152-5 Lukas 23:3-5 Yohanes 18:33-381)
11
Diam senggor Jesus a so Pilatus pa, veve Gubernur nanapi uta jana paina, avori Pilatus dutan Jesus e dioyo, 'Avo Yahudi pa sene Raja pai andi aue? Apa Jesus ruar e dioyo, "Ariri Tuani kuevo pa."
12
Vape imam baba pa sia tutir Yahudi pa sene veve baba pa sia, sembe karak Jesus na kavo pa pau, vape dinduar esa va,
13
Apa Pilatus kievo so Jesus e dioyo, "Avo au ma buediawa kavo borai setimbe karak au wa si vae?"
14
Vape Jesus ruar kavo pesa va. Apa Gubernur pai kievousara veito.
Senggutu hukuman voru pai so Jesus pa (Mrk. 15:6-15; Luk. 23:13-25; Yoh. 18:39-19:16)
15
Nanapi raria Baba Paskah pasi mamo, Gubernur pai suvir siniotu venana bui pa siri, siniotu teini kaiwasa pai sanevesieni.
16
Nana rabua jana pa, siniotu bui veve sano pesi. Sano pa Yesus Barabas.
17
Apa kaiwasa pai ruir to manau pavo, Pilatus dutan sia e dioyo, "Teini mesanemivesie isuviri na bui nei e joni maso mia? Yesus Barabas pai te, Jesus sesau ve Kristus pai e?
18
Pilatus kievo tojana pa ma, ruin toapa, veve baba na Yahudi pa sia sembova Jesus maso i pa, aso semadidi pana.
19
Pilatus andia miesoi nana anio vekutu kavo pai rami e, vinie pai diemias aso i e dioyo, "Tuetiowara siniotu vevaro sasara vediai nie kavo nei vape moja, aso andi diona mamo, isayo anamiaya viomataiti pasi na radurane pa.''
20
Amana imam baba pa sia, tutir veve baba na Yahudi pa sia, senggavo amias kaiwasa pai vea, ave amamo sesau so Pilatus e siuvir Barabas, mae Jesus siemuai hukuman voru pai!
21
Apa Gubernur pai dutan sia riwanea e dioyo, "Nanapi siniotu muandu vedia sandu, teini mesanemivesie isuviri maso mia?" Amana senduar e setoyo, "Amasanemivesie Barabas".
22
Apa Pilatus dutan sia e dioyo, "Tojana pavo, Jesus sesauwa ve Kristus nei ma joni toane? Amana sia vura setoyo, "Pia na aitabat pai!"
23
Apa Pilatus dutan sia e dioyo, "Vape nienari sasara vito ? Amana setananar to rawai ea e setoyo, "Pia na aitabat pail!''
24
Apavo Pilatus sanepaya mana, diadi so dion plesa es va e kawasa pai dio dingguja. Apa kior, kambu pal, ayori rois ruran vara pasi nara kaivata pal aro po pa e dinggavora e dioyo, "Ya ma ivaro sasara, maso siniotu nei nie veria pail Mia menduaral!''
25
Apa kaiwasa pai yura, ruar e dioyo, "Aviri vei vea, ama tutir armane aturma pa sia, amasariowa hukuman pai so nie veria pail
26
Apa janama Pilatus riera Barabas e dioni aso sia, e diemias e sendora Jesus, e dioni a so sia, ave amamo sepai nana aitabat pal.
Tentara pa sesiayara Jesus pa. (Mark 15:16 20 Yohanes 1973)
27
Janama Pilatus nie tentara pasia, senggor Jesus apui so anio Gubemur pai, e tentara pa sia vura sesorum wawarir Jesus.
28
Avori setita Jesus nie sasu pasi, e sesasuni nana juba veve slanggono pai,
29
Senanari wai veve sina pasi ve topi Raja, avori setoni e Jesus tiaruvi. Janama setono ai tato pe si so I, na vara vata pa, avori setisan sene aebu pasi so le sesiajari e setoyo, "Tabe so Raja Yahudi panaul!''
30
Sengganisu so I, e senggor aitato pai e setindorai na ru pa.
31
Sesisiajari to manau pa, setita juba veve sianggono pai, avaori sesasuni riwanea nanapi matauni nie sasu pasi, Janama senggori a ve amamo sepa i nana aitabat pai Sepa Jesus nana altabat pai pa. (Makin 1521-32, Lukas 2326-43 Yohanes 1917-27)
32
Senda so ria rabua wa pa, senda samuai siniotu pesi, riana anlose Kirene, sano pa Simon. Setosawawari e sieriowa Jesus nie aitabat pai
33
Janama sendama so uta vesanomi na Golgota, tandiwa mamo, "Uta siniotu ru sina.
34
Na jana pa setona e Jesus dunu anggur vetitiovara tutir pi wopi pai. Vape Jesus riep tatoi to manau pa, kienbarai dunumi.
35
Avori sepa I nana aitabat pai, e sembov nie sasu pasi ariri sia nanapi onde.
36
Manaupa janama semasol e setarama vedior I na wana.
37
Sembui kavo setimbe karaki pat, nanapi ru pa rawa vavo pa, toapa: "Jesus nina, Raja Yahudi paina."
38
Sepa siniotu venganggau pa sumbe muandu na aitabat pai kota, tutir Jesus, esi pai na rawa vata, e esi pai na rawa sara pa.
39
Kaiwasa vera na jasia, senini sendumi pasi e sesisiajara Jesus.
40
Senggavore setoyo, "Au buo buari Anio Allah pai e, vuaun riawani nana raria toru pae? Allah Atu pai ni Au ve vatamo mamo, vuar vurusu aitabat pai mesu, ave tueisu vurusual!''
41
Toapana kota, imam baba pa sia, tutir veve baba nanapi Torat pa sla, tutir veve baba nanapi Yehudi pa sia, sesisiajara Jesus kota. Senggavore setoyo,
42
'Siniotu vevesiei pa sia vori, diona e setaisu vurusu kariria pasi, mae matauni ma diona ve tieisu vurusu kariria pai va, Raja Israel pai na mamo, vesie pa viar vurusu aitabat pai, apino amasanemitiar i pe.
43
Sanetiar Sien Allah, e kievore dioyo, I ma Allah Atu paina. Apa ite tasayo so Sien Allah tierir I vurusu kariria nei pe.'''
44
Siniotu venganggau sepa nana aitabat tutir I pa sandu kota, sunggavo sisiajari toa pana kota. Jesus nie voru pai. (Markus 15:33-41, Lukas 23:44-49, Yohanes 19:28-30)
45
Raria rabua pa uta pai vura kumuar jam toru.
46
Jam toru ravinena pa, Jesus dienanar to baba vesiri e dioyo, "Eli, Eli, lama sabakhtani?" tandiwa mamo; "Ine Allah panau, Ine Allah panau, aso vitopi vuevu vurusu Ya pa?"
47
Siniotu venana ja sia, setadiawa dienanar pa, apa senggavore setoyo, "Siau Elia!"
48
Apa sia esi sawawara e kior bunga karan pai e, suani nana anggur vesiasa pai. Janama suruv kepani nana sasa pai sope pa, avori siosari ajai so Jesus sorepa pa.
49
Amana esi pa senggavore setoyo, "Nanariari, ave tasayo so Elia riama diona e, tieisu vurusu kariria veteri nei pe!.''
50
Avori Jesus dienanar riwanea to baba vesiri e siosorewayou vimanaua pai.
51
Sis gorden vievakir na Anio Allah pai raro pai, miesabu ve muandu, nana vavo wa ravav so douwa. Kakopa pai niniya e wi rovuki pasi simasavu.
52
Kubir pa sitasieva e kaiwasa vesanemitiar e vevoru to manau pa sia, sesobata sia riwanea.
53
Jesus siobatai nana voru pai to manau pa, vevoru pa sia sesuvi nana kubir pasi, e sesuapui so Kota Yerusalem e kaiwasa pau sesayo sia na wana.
54
Komandan pai tutir tentara viarama vedior Jesus pa sia, sematai vesiri, aso sesayo mundiya pai tutir pi veveruana pasi vura pa. Apa senggavore setoyo, "Vatae, I ma Allah Atu paina!"
55
Vavi pa sepau senana jana kota, e sesayo veina viaroi. Asia sendausara Jesus na Galilea e setonanusari pa.
56
Nanapi vavi nine sia pa, Maria Makdalenai tutir Maria Yakobus-Yusupi susiniami pai, e Sebedeus atu pa sia sesiniami pai.
Sepir Jesus na papi pai pa. (Markus 15:42-47, Lukas 23.50-56, Yohanes 19.38-42)
57
.Diru jani pa siniotu kaya pesi, riana uta Arimatea, sanopa Yusup, Jesus nie murit pa esi nina kota.
58
Ria so Pilatus e siau Jesus nie tarai vevoru pai. Apa Pilatus diemias e setono Jesus nie tarai vevoru pai so Yusuf.
59
Avori Yusup kior Jesus nie tarai vevoru pai e tievani nanapi sis vemamara vesararepa e vevavoru pesi.
60
Janama Yusup pir Jesus nie tarai vevoru pai, nanapi matauni nie papi vavosa senanari nana suovavo vietarai vevpal. Manau pa kiediduir rovuki pimasa pesi a disiori papi pai sore pa, e janama ria.
61
Vape Maria Makdalena tutir Maria vevesiei pai, sumasoi na jana e sundaromi bur papi pai. Siniotu viarama vedior papi pa sia.
62
Kasusapa nana raria Sabat pai pa, imam baba pasia tutir Parisi pa sia, senduir e.
63
Senda so Pilatus, e setoyo, "Tuani, amasanemi pai so siniotu viawi tituwa wai aja tienam pae kievore dioyo, 'Raria toru to manau mamo, nari isobata Yau'.
64
Apavo buemias siniotu pesia ve setarama vedior papi pai veito raria veve torua pai, ave amamo nie murit pa sia setamanana nie tarai vevoru pai vape moja, avori setopa so kaiwasa e setoyo siobatai nanapi voru pai to manau. E awia vepui nini ma nari dinggariria rawai retena pa.''
65
Apa Pilatus kievo so sia e dioyo, "Nari jono tentara viarama vediora pesia, janama diemias sia e dioyo; "Menda, ave metarama vedior papi pai to karakuai mo."
66
Janama senda so papi pai e sembe cap ravuki vesioria pai, e sepir siniotu viarama pa sia, ave amamo esia senda setovavera papi pai vape moja.