Pasal 28
2
Jesus siobatai nanapi voru pai pa (Markis 16:1-10, Lukas 24:1-12, Yohanes 20:1-10)
1
Raria Sabat pai kiara to manau e, nana raria ari pai kausapa vavoru mo pa, Maria Makdalena tutir Maria esi pai, sunda susayo papi pai, 2. Worabua va mana mundiya pimasa pesi piot. Sien nie Malaikat pesi viar na rora wa mesu avori kiediduir rovuki visioria pai, e miesoí sasani na rovuki pai vavo pa.
3
Malaikat pai re pasi sivava ariri ververa, e nie sasu pasi simamara veito sipokara.
4
Tentara viarama na ja sia, sematal veito sendiririoyar, e sembava ariri.
5
Siniotu vevoru. Malaikat pai kievo so vavi pa sandu e dioyo, "Mumatai vape moja! Iruina mana musasera Jesus sepa nana aitavat pai.
6
Niana nine va. Siobatai to manau, ariri tiopa to manau papo pa. Munda ma musayo uta viata nana ne.
7
Janama saira e munda, mutopa so nie muirt pa sia, 'Siobatai to manau, e nine ma piepon mia so uta Galilea. Nari mesayori nanapa wana!' Musanemi pai tawana kavo vitopi itopana maso mandu to manau pa."
8
Sawawarae vavi pa sumbavu vurusu papi pai. Susanemi raro pasi sive matai tetiovara sanevesie, surapai a sutopa kavo pa so Jesus nie murit pa sia.
9
Amana Jesus ria tandoro vavi pa sandu e kievo so sandue dioyo, "Tabe so mandu!" Janama sunda suderiasi, avori sutapu nana ae pasi, e susomi.''
10
Avori Jesus kievo so sandu e dioyo, "Mumatai vape moja, e munda ve mutopa so ine maneta pa sia, ave amamo senda so Galilea, nari sesayo Ya na wana.''
Veve baba nana Yehudi pa sia, sesanemi siri e setawia pa.
11
Vavi pa sunda to manau pa, tentara viaran vedior papi pa esia, sesovera so Kota, e setopa sasaar kavo veve diadi ninesi vura so imam baba pa sia.
12
Apa imam baba pa sia tutir veve baba na Yehudi pa sia, sesanemi siri e setono pipi borai pasi so tentara viarama vedior papi pa sia.
13
E senggavo so sia e setoyo, "Nari menggavo toapa, metena pavo, Jesus nie murit pa sia senda na diru pa ma senggor nie tarai vevoru pai.'
14
E Gubernur pai diediawa kavo nine mamo, nari amanggavo arariai, ave amamo mesamuai hukum vape moja".
15
Apa tentara viarama vedior papi pa sia, senggor pipi pasi, e senanari ariri kavo setarera so sia pasi. Apa joma topanusara ninei, miesiepar usara kaiwasa Yehudi pa sia veito raria nini.
Jesus vieruani maso nie murit pa sia pa (Mrk. 16:14-18; Luk. 24:36-49; Yoh. 20:19-23; Kis. 1:6-8)
16
Jesus nie murit surae-siria pa sia, senda so suovavo Galilea, ariri Jesus dierer so sia pa.
17
Sesayo Jesus na wana pa, setisan sene ae bu pasi e sesomi. Vape esia ma sematitiati.
18
Jesus ria dieriasi sia vori kievore dioyo, "Paya saserai venana rora wa, to na dunia nei, sisiwa maso Ya to manau.
19
Apavo menda so kaiwasa vura na dunia nei vetutira, metona e sembe murit so Yau. Mesoiv sia nanapi Tama pai sano pa, e Atu pai e Wainunu Sren pai.
20
Metaniau sia ve amamo senanari ariri kavo vitosi itopanasi maso mia to manau pa. E mesanemipaya, nari itutir mia tawana, veito raria vemanau wai.