Pasal 25
Kavo sora tarawa nanapi Karavi sura pa sia
1
. Nanapi raria Siniotu Atune Irama ariri Sie pa mamo, ne vava pa masi ariri kavo sora tarawa nini: Karavi sura verausara siniotu vio veririau vavoru pa sia, senggor pelita e senda vedior mua vio veririau pai.
2
Apa sembe rim senganggau, e rim esi pa sia senduina.
3
Karavi rim venganggau pa sia senggor pelita, vape senggor mani verawai va.
4
Mae karawi rim veruina pa sia senggor pelita tutir mani verawai.
5
Vape mua veririau pai sisieu, apa karavi pa sembe remo pavo setena.
6
Veito diru rabua pa, janama setadiawa raopui viumi pai, dumie dioyo, "Mua vio veririau pai ria ma tol Menda vediori ma!'
7
Apa karavi sura pa sia, sesobata sia e senggair sene Pelita pasi.
8
Apavo karavi rim venganggau pa sia, sesau so karavi rim veruina pa sia e setoyo, 'Meto mene mani pa katuesa so ama, ava amane pelita nesi sio sivoru.
9
Amana karavi rim veruina pa sia setoyo, 'Sa diadi val Aso toa mamo, mani nesi sa simasi tata vura ea va! Apavo menda membori na kios.
10
Apa karavi rim venganggau pa sia senda sembori mani. Asiaja senda rami e, mua vio veririau pai ria ma. Amana karavi rim viarama to manau pa sia, setisua usara mua vio veririau pai apui so andiraro pesta pai, e rature pai disioria!
11
Janama karavi esi pa sia sendama. Sesau e setoyo, 'Tuani, Tuani, sueva rature pai so ama
12
Amana mua veririau pai dioyo, 'Ya ma iruin mia va'.
13
Janama Jesus kievo riawanea e dioyo, "Apavo metaran, aso menduin nie raria pai pivai nie diam pai va.
Kavo soratarawa nanapi Tuan vio vera so uta viaroi pai. (Lukas 19:11-27)
14
Nanapi raria Siniotu Atune Ira na ma ariri Sie pa mamo, ne vava pa kota, masi tutir kavo soratarawa nini. Siniotu pesi, dio ria so uta viaroi. Apa siau nie womi pa sia e dion dol borai vesiri so sia.
15
Diona e pau so sia pa ariri siri-siri nie vava pa. Dion so esi pa, pipi mas pa siaran rim. Maso esi vesiei ea pa, dion pipi mas pa siaran muandu. E maso esi ea pa, dion pipi mas pa siaran siri. Manau pa ria.
16
Womi vesamuai pipi mas siaran rim pai, sawawara e ria viori pi e dievayana, apa siemuai untun pipi mas pa siaran rim riwanea.
17
Toapana kota womi vesamuai pipi mas siaran muandu pai, siemuai untun siaran muandu riwanea.
18
Mae womi vesamuai pipi mas siaran siri pai ma, ria sieriai kamberei na kakopa wa, e dieniwara nie Tuan pai nie pipi pasi.
19
Woroi vesiri, avori janama womi pa sene Tuan pai vievu ma, apa siauruir sia, ave amamo senduar ariri doi baba dion so sia pai.
20
Apa womi vesamuai pipi mas siaran rim pai riama, e diono siaran sura. Kievore dioyo, Tuani, buono pipi mas pa siaran rim maso yau. Ite sueyo, jevajanasipa isamuai untun siaran rim riwanea".
21
Apa nie Tuan pai kievo so i, e dioyo, "Vesie vesiri, au ma womi viate ne vesanemi tindia ni au. Aso nanapi pi katu nine sie, isanemitiar au pavo, nari yono vepau rawai pesasi so au. Sua e sane vesasie tutir Yau.'
22
Janana wormi vesamuai pipi mas siaran muandu pai ria ma, kievore diayo, 'Tuani, buono pipi mas pa siaran muandu so ya to manau, Ite sueyo, jevajanasipa ive untun siaran muandu riwanea.'
23
Apa nie Tuan pai kievo so i e diayo, vesie vesiri, au ma womi viate ni au. Aso nanapi pi katu nine si e, isanemitiar au pavo, nari yono pi vepau rawal pesasi so au. Sua, e sane vesasie tutir yau.'
24
Janama womi vesamuai pipi mas siaran siri pai, ria ma, kievore dioyo, 'Tuani, iruin au ma siniotu vene kavo so wawotu ni au pana. Ruosu ai buo nanapi uta tuana pi nana va. E buena pi nanapi uta tuetap pimor nana va.
25
Imatai pavo, ira itup tuani nomu pipi pai nana kakopa wa raro wa Tuani nomui andi nine.'
26
Apa Tuan pai kievo so i, e dioyo, 'Au ma womi vetatar e vekawawaru ni au!! ruin to manau toapa, ya ma irosu aibuo nanapi uta itana pi nana va. E jena pi nanapi uta itetap pi mor nana va.
27
Tojana mamo, kuor ine pipi pasi pisi nanapi Bank pai vae, ave raria ivavu na ma pai mamo, isamuai sovera ine pipi pasi tutir sine bunga pai vae.
28
Apavo menggor pipi pai vurusui, e metoni so siniotu vesamuai pipi mas siaran sura pai
29
Aso teini siemual to manau pa, nari setono soi to pau rawai ea, e nari dindawaina. Mae teini viero pa, katu venana i rami pa, nari senggor vurusui kota.
30
E wami veve guna va jani, kie ari so vorira vekumuar wa. Ave siai e diemuaus na wana.'''
Hukuman venanapi raria Dunia nei kieriria pai
31
Samuai Siniotu Atune Irama ariri Raja pa e Ine malaikat pa sia vura sendausara Ya amamo nari Imasoi sasan Yau nanapi Ine karapesa Raja pai.
32
Kaiwasa venana dunia nei vura, nari sioruiri na aropo ne. Avori ipowasa sia ve muandu, ariri gembala pai piowasa domba pasi nanapi kambin pasi pa.
33
Kaiwasa venanari ariri Sien Allah nie sanevesie pai pa sia, nari iruir sia na rawa varavatane, e esi pa sia na rawa vara sarane.
34
Janama Raja ne nari ikavo so kaivasa venana vara vata ne sia e jojo, 'Kaiwasa Yai vie berkat pa mia vura, mendama. Mesua na kerajaan vevata somia to manau, nanapi dunia nei vieva retena pa.
35
Aso nanapi rabua ivavisi pa, metona e japi, e rabua rao ne parai pa, metona e junu. Ira ve wasa pa, metono uta so Yau, nana mene anio pasi.
36
Nana rabua ivaro avavar pa, metono avavar so Yau. Ipota pa, mendemiwari Yau, Inana bui pai pa, menda e metira Yau.'
37
Amamo nari siniotu jasia senggavore setojo, 'Sie pa nau, avo raria toni ama sayo Sie pa nau vuevisi e amatona e Sie pa nau buapi pa. Pivai e raomu pa parai e ama tona e Sie pa nau bunu pa?
38
Raria toni amasayo Au ariri siniotu vera ve wasa e amatono uta so Au nana amane anio pasi pa? Raria toni vuero avavar e amatono avavar so Sie panau pa?
39
Rana toni amasayo Sie panau puota e pivai nuana bui pai e amandemiwari Sien Au pa?
40
Amamo nari Raja ne Yau, ikavore yoyo, Itopa so mia, nana raria toni menanari pi vetoapa jana, maso ine maneta vekariria nine sia esi pa, amamo ima masi ariri menanari maso Ya pana.'
41
Janama nari jara Yau e ikavo so venana rawa sara pa sia e yoyo; "Menda vurusu nine, siniotu vio kambarai ne mia. Mesua na adia naraka vevoru moja va wai. Vevata e vimbe aramana Bilis pai tutir nie malaikat pa sia pai.
42
Aso rabua ivavisi pa, metona e yapi va; nanapi rabua raone parai pa, metonae junu va
43
Ira ve wasa pa, metono uta so Ya nana mene anio pasi va. Nana rabua ivaro avavar pa, metono avavar so Ya va. Ipota e inana bui pa, mesayo Yau e mendemiwari Ya va.'
44
Amamo nari senggavore setoyo; "Sie panau, avo raria toni ama sayo vuevisi pa, raomu pa parai pa, pivai rua ve siniotu wasa pa, pival vuero avavar pa, pivai puota pa, pivai nuana bui pai pa, e amandemiwari au va pa?'
45
Amamo nari Ikavore yoyo: Rabua menggambarai mesayore mendemiwari ine maneta vekariria nine sia esi pa amamo masi ariri menggambarai mesayo Yau e mendemiwari Ya pa.'
46
Amamo siniotu jasia ma nari sesamuai hukum, nanapi hukuman vevata to woroi-woroi pai, mae siniotu venanari ariri Sien Allah nie sane vesie pai pa sia ma, nari setenam na vesie pai tutir Sien Allah.''