Pasal 24
Jesus kievo nanapi Anio Allah pai nari mierura pa Markus 12:1-2, Lukas 21:5-6)
1
Jesus suvi nanapi Anio Allah pai pa, nie murit pa sendama so I, e setisatuir Anio Allah pai so nie pi marandi pasi.
2
Apa Jesus kievo so sia e dioyo, "Apavo mesayosi vura to e? Itopa so mia, Anio nei rovuki veturae vetursasan ninesi, sa esi tur sasan nanapi uta viat nana pa va. Nari sendiar si vura.''
Kariria nari verama pai. (Markus 13.3-13 Lukas 21:7-19)
3
Janama Jesus ria so suo vavo Saitun, e miesoi na jana, apa nie murit pa sendama so I atapua e setoyo, "Tuopa so ama, raria toni pi ninesi vura nari sive diadi pa. E, tanda vitosi siveruana ruama pa e dunia nei kieriria pa".
4
Apa Jesus kievo so sia e dioyo, "Mesanemipaya to vesie mo, aso esia setawivavera mia pe.
5
Aso esia sepau sendama tutir sanone, e senggavore setoyo, Raja vekor Slamat pa Ya nine! Nari setawi kaiwasa borai.
6
Nari metadiawa marova pai kuja pa, e amuna pasi sive sanopa, vape mematai vapemoja, aso pijasi ma nari sive diadi, vape dunia nei raria kieriria paina va rarni.
7
Kaiwasa pa esia, nari setomamu tutir kaiwasa vevesiei pa esia, e negara pesi nari mututira negara vevesiei pesi. Vavisi pai nari mun, e mundiya pai piot na uta pasi vura.
8
Vape jasi vura ma, suo retena paina rami, ariri vavimbiavi pasi sipota so sio siavipa.
9
Nanapi raria jani, amamo nari setapur mía e semboov mia, ave amamo sendora tati mia e semu mia. Dunia nei vura nari miedidi mia, aso menda usara Ya pa na.
10
Nanapi raria jani, amamo kaiwasa pau, nari setau so kariria pai, e sembaov sia e semadidi sia vavera.
11
Nabi vata va pa sepau, nari sesuvi e setawi tituwa kaiwasa pai.
12
E aso nganggau pai riewai pavo, kaiwasa sanepai siniotu ea va.
13
Vape, teini kierakuai ra so vimanaua pa, amamo nari siemuai slamat pai.
14
E Sien nie kavo vesie pai tutir nie Kerajaan pai, nari tiopanusara ra so dunia nei vetutira, ave amamo kaiwasa vura diediawi, janama manau pino, dunia nei kieriria pa".
Kariria vinggariria mo pai (Markus 13:14-23, Lukas 21:20-24)
15
''Nari mesajo kariria vinggariria rawai ariri nabi Daniel tiopana pai, vieva nanapi uta veve sren pai pa, (viap pa si sisanemipai usara kavo ne tarai pa),
16
Nanapi raria jani mamo, kaiwasa venana Yudea pa mia, membavu ajai so wi vavo wa.
17
E Kaiwasa venana anio pa sos vavo pa mia, membiar avav menggor piesa nana anio raro pa vape moja.
18
E Kaiwasa venana romi pai siovera so anio wa e kior nie sasu juba pai vape moja.
19
Raria jasi ma sio mataiti vesiri maso vavi vesanemi vava pasi, e vavimbiavi vesusu atuma katu pasi.
20
Membe nadi ave amano membavu nanapi raria veve rama, pivai nanapi raria Sabat vape moja!
21
Nanapi raria viomataiti vetoapa jasi, nari kariria vebaba rawai mo, aya veve diadi varami nanapi dunia nei vieva retena pa, veito rabua nine pasi nari sive diadi. Ima kariria windawai mo pasi na.
22
Masi Sien Allah sisui raria pai e tituwa va mamo, sa esi disamuai slamat va. Vape aso Sien Allah nie kaiwasa diria pai pavo, tituwa raria pai e tienam.
23
Nana raria jani, esi kievo so mia e dioyo, ite sueyo, Raja vekor Slamat pai andi nia nine, pivai andi nia jana! Amamo mesanemitiar siniotu jani va.
24
Aso siniotu vekor Slamat veve vata va pasia, e nabi veve vata va pa sia, nari senda. Nari senanari pi verawal pesasi, e pitandor pesasi, ave diadi mamo, setitawi Sien Allah nie kaiwasa pai kota.
25
Apavo mesanemipai tawana! Itopa papo so mia to manau, nanapi kavo ne aja vediadi varami ne.
26
Masi esi kievo so mia e dioyo, ite sueyo, andi nia mapar rubua wai, amamo menda soa vape moja, pivai setojo: 'Suejo andi dieniwa na andiraro ninei amamo mesanemitiar vape moja.
27
Aso siniotu Atu ne Irama mamo, ariri ververa pai piot nana rawa wor pai sia na pa, e disambiar ra so wor pai tiawa nana pa.
28
Uta topi pi vevoru pesi niana pa, aya vian pi vevoru pai, andia niana jana kota".
Nanapi raria Siniotu Atu ne Ira nana ma pa. (Markus 13:14-17, Lukas 21:25-26)
29
Kariria venana rabua jasi simanau mamo, woroi va e wor pai nari kumar e sembai pai sa disambiar ea va. Siverere pasi nari sitawa na rora wa, e paya venana rora wa si nari simanawar.'
30
Tomanau mamo, Siniotu Atune Ine tanda pai nari vieruana nana rora wa; nana raria jani, kaiwasa venana dunia nei vura, nari sesai. Nari sesayo Siniotu Atune I ra na arepa pai vavo pa ma, tutir marandi vemarawas e paya verawai pai,
31
Terompet pimasa pai nari riotu e Siniotu Atu ne nari jemias ine malaikat pa sia e senduir ine kaiwasa pai nanapi dunia nei samabu ata pasi, nana rora wa soperersi wa veito soperesi wa".
33
Vekor kayo aniau nanapi ara ravo pal. (Makis 13.28 31, Lukas 21:29:33)
32
Menggor pi aniau nanapi ara ravo pai. Arawa pa sikake e simararia e sive kikitiri mamo, menduin toapa, deriasi ve wor. 33. Toapana kota, mesajo pi ninesi sive diadi mano, menduin toapa, raria pai dieriasi vesiri.
34
Itopa so mia; Pi ninesi nari sive diadi nana kalwasa vetenam nana rabua nine sia aja semboru vura varami pa.
35
Rora pai tutir dunia nei, nari sunai, vape Ine kavo pai ma viata to woroi- worol vea". Sa esi ruin raria pai va e diam pai va.
(Markus 13:32 37, Lukas 17.26-30 34-36)
36
Sa esi ruin nie raria pai va, pival nie diam pai va, malaikat venana rora wa sia kota piva, Allah Atu pai kota piva, mae Jai matauni andi ruina.
37
Nana rabua Siniotu Atune nari I rama pa, amamo nie vava pa masi ariri rabua Noak na papo pa.
38
Nanapi raria diekariya baba pai varami pa, kaiwasa pai diapi e dunu e, ririau e, toapa jana veito raria Noak su susa kapal pai pa.
39
Nanapi rabua die karija baba pai rutub kaiwasa pai vura pa, janama setandor pi vitopi ve diadi pa. Toapa jana kota Siniotu Atune Irama mamo, Ine vava pa toapana kota.
40
Nanapi raria jani, siniotu pa sumbe muandu sunanaripi na romi mamo, esi pai nari senggori, e esi pai nari sembavuri.
41
Vavi pa esandu suso pas mamo, esi pai nari senggori, e esi pal nari sembavuri.
42
Apavo mesanemipaya, aso sa menduin raria toni mene Sie pai nari ria ma pa va.
43
Mesanemipai nine! Masi siniotu vene anio pesi ruin viemanana pi pai nari ria na diru wa ma, na diam toi, amamo sa diena va. Ave amamo siniotu viemanana pi pai su so nie anio pai vape moja pe.
44
Apavo mia kota, metarama. Aso Siniotu Atune nari I rama nana raria metinduin va pesi.
Womi vesanemi ruina pai tutir womi vesanemi nganggau pai, (Lukas 12:41-48)
45
Jesus kievo rea e dioyo, "Apavo, womi pa toni sane pa tindia e ruina pa? Andi nie tuan pai rusasani e vie mananir so womi esi pa sia pa; ave amamo dion ariri pisia maso sia nanapi diam pai pe.
46
Vesie vesiri maso womi vetoapa jani, aso nie tuan pai sioverai ma mamo, nari ria samuai i so andia nienari pi pa.
47
Itopa so mia, nie Tuan pai nari rusasani e vie baba, ave amamo sieyo vedior pi vepau pa vura.
48
Vape womi jani ngienggau mamo, nari kievo nana sane raro pa e dioyo,
49
Ine Tuan pai sa sioverai sair va; janama diarai e riora tatir womi esi pa sia, e dunu, e diapi tutir kaiwasa viunu sua pa sia.
50
Janama nie Tuan pai sioverai nana raria vinduin va pesi.
51
Amamo nari nie Tuan pai subi soi veito kaririona vesiri, e dietori tapur siniotu vetatar pa sia. Nari sesai e setamuaus nana wana.