Pasal 23
Jesus kievo nanapi veve baba nana Torat pa sia tutir siniotu Parisi pa sia sene vava pasi. (Martus 12:38-39 Lukas 22:43-46 2045-40)
1
Avori Jesus kievo so kaiwasa pai, tutir nie murit pa sia e diojo,
2
"Veve baba na Torat pa sia tutir siniotu Parisi pa siama, sepa so sesanemipai sasavu Torat pai pa.
3
Apavo menggorusara e menda ariri prenta setona pasi vura. Vape, menanari ariri pi vitosi senanarisi pa vape moja, aso senda ariri pi vitosi setaniauwa si pa va.
4
Setonggarakuai so mia nanapi atoran vemarabat, vape matau sia ma, senanari ariria si maso siniotu va.
5
Pi menanari pasi vura ma, ave amamo siniotu sisayo vea. Veito sembe pake waikavavirai nadi vesavaveri, e rawe vesom nana sasu juba pa dere pasi ma, setonasi e sieririosi avav sievakakir.
6
Sesanemi vesie uta masasoya viatate nanapi anio pesta pasi, e karapesa viate mo nana anio ari pasi.
7
Sesanemi vesien kaiwasa tietuan sia nanapi pasar wa si, e sisau sia ve 'Guru Baba.
8
Vape mia ma, metona e sesau mie ve 'Guru Baba" vape moja, aso mene Guru pa ma, siri to, e mia vura ma membe mambe neta.
9
E mesau esi ve, 'Tama' nana dunia nei vape moja. Aso Metamami pa ma siri to, andina 'Tama' venana rora pai.
10
E metona e sesau mia ve 'Veve Baba' vape moja, aso mene veve baba pa ma, siri to, andina Raja viono Slamat, Sien Allah dierera pai.
11
Teini vie baba na mia pa mamo, andi vie womi so mia,
12
Teini dioni ve siniotu vetariai, amamo nari setoni ve siniotu vena dou. E teini dioni ve siniotu venana dou mamo, nari setoni ve siniotu vetariai".
Jesus kievo sisiajara veve baba nana Torat pa sia, tutir Parisi pa sia pa. (Markus 12.40, Lukas 11:39-42, 44,52, 20:47)
13
Kawai so veve baba na Torat pa mia, tutir Parisi pa mia. Siniotu veve Sren vivu vedia mia. Memun vedior siniotu so sembe kaiwasa maso Sien Allah nie Kerajaan pai pa. Matau mia menggambarai membe kaiwasa maso Sien Allah nie Kerajaan pai, e siniotu vevesiei vemajar pa sia, memu vedior sia.
14
Kawai so veve baba na Torat pa mia, tutir Parisi pa mia: Siniotu veve sren vivu vedia mia. Metawitituwa inar pa sia e metawara sene anio pasie, metau tawana sasara jasi nanapi mene nadi viaririosi pa si. Apa joma mene hukuman pai, nari mierabat pa.
15
Kawai so veve baba na Torat pa mia, tutir Parisi pa mia; siniotu veve sren vivu vedia mia; menda to woririosi e mendatuwa rawana e menda pata sisandei e, ave amamo metona e siniotu pa siri vea su so mene agama pai. E siniotu jani su mene agama pai to manau mamo, metona e vie atuma naraka vinggariria rawai ve kali muandu nanapi matau mia.
16
Kawai so veve baba veremi kaber ne mia; metaniaue metoyo, esi siawora nanapi Anio Allah pai mamo, siniotu jani tieisu nanapi sawora pai. mae masi siawora nanapi Mas venanapi Anio Allah pai, mamo tieisu vurusu nie sawora pai va.
17
Siniotu venganggau veremi kaber ne mia, topi ve umaja, nie mas pai te, Anio Allah viona e mas pai vie sren pai e?
18
Metaniau kota e metoyo, 'Esi siawora nanapi wavu som pai mamo, siniotu jani tieisu nanapi nie sawora pai, mae siawora nanapi pi som venana wavu som pai vavo pa mamo, tieisu vurusu nie sawora pai va.
19
Mendemi pa sikaber veito; topi ve umaja, nie pi som pai te, wavu som viona e pi som pai vie sren pai e?
20
Apavo esi siawora nanapi wavu som pai mamo, ima siawora nanapi wavu som pai, tutir pi som venana pasi vura.
21
E esi siawora nanapi Anio Allah pai mamo, ima siawora nanapi Anio Allah pai tutir Sien Allah venana pai pa na,
22
E, masi esi siawora nanapi rora pai, amamo toapa, siawora nanapi Sien Allah nie karapesa pai, e tutir Sien Allah vemasoi nanapi Karapesa pai pa na.
23
Kawai so veve baba na Torat ne mia, tutir Parisi ne mia; siniotu veve sren vivu ne mia. Rampa-rampa vinunupi e sairara pası, vetoapa, 'Isirirumi e, ada manis e, jintan e, diadi so menduwasa savaru veve suraa pai, e metonasi so Sie pai. Arora e verawai mo nanapi atoran Agama pasi, vetoapa, vetindia pai e, sanepaya pai e, korusara pai. Arora e pi nari menanari ariria mo pa sina, avori metinanari usara pi esi pasi kota.
24
Veve baba veremi kaber ne mia. Amumar vetau susa kambu metunu pasi ma membuvu irara amumar pasi, arora e meton onta pasi.
25
Kawai so veve baba nana Torat ne mia, tutir Parisi ne mia, siniotu veve sren vivu ne mia; Mene mok e paruasi e, menduas rurana rawa worira pasi veito sivaro rariai, arora e rawa raro pasi ma, sive rariai vesiri nanapi pi mesamuai nana, vian siniotu veveslei sine samajar pa, e sanekariria pi to rawai pai.
26
Parisi re kaber ne mial Mendois rurana mene mok pasi tutir paruasi pasi to sivaro rariai, nana rawa raro pasi papo ri, ave amamo rawa vorira pasi kota sivaro rariai pel.
27
Kawal so veve baba na Torat ne mia, tutir Parisi ne mia! Siniotu veve sren vivu ne mial Mambava ariri kubir sesimar to vemamara; vesayo na vorira wa mamo vesie, vape rawa raro wai ma, dionu tutir sina pai e vesaibau pai.
28
Metoapana kota. Kaiwasa sieyo mia na rawa vorira mamo, metate vesiri. Vape na rawa raro mamo, menanari ariri vetindia pesa va, e mendawain atoran pasi.
Yesus dierera hukuman maso veve baba na Torat pa sia tutir Parisi pa sia pa. (Fukus 11:47-51)
29
Kawai so veve baba na Torat ne mia, e Parisi ne mia! Siniotu veve sren vivu ne mia! Menanari papi viatate so nabi pa sia e memarandina siniotu vene tenam viate pa sia sene rovuki metaur nanapi sene sanevavo pasi.
30
E menggavore metoyo, 'Masi amatenam nana rabua metapumi vepo pa sia pa, areto sa ama tutir siae ama mun nabi pa sia va
31
Apavo matau mia metopa sasaar toapa, membe usapui nanapi siniotu vemun nabi pa sia.
32
Toapa jana pavo, menanari ariri tatar metapumi pa sia senanari to manau pasi
33
Metatar, e usapui nanapi siniotu vetatar ni mia! Avo nari diadi metaisu vurusu hukuman venana adia naraka wai toane?
34
Metadiawa to vesie mo; nari jenatu nabi pesia maso mia, tutir siniotu veve pande, e guru pesia; vape nari memun esia, e esia ma nari mepa sia nana aitabat. Esia ma nari mendoratati sia nanapi anio ari pasi, e metusar sia nana kota pesi a so kota vevesiei pesi.
35
Apavo, nari mesamuai hukum, aso siniotu vevaro sasara memun pa sia, retena nana pa vemun Habel vevaro sasara pai, veitoro Sakaria, Berekia atu memun nanapi Anio Allah pai tutir wavu som pai sune kasau rabua pai.
36
Itopa so mia; kaiwasa rabua nine mia, nari mesariowa pi ninesi vura!"
37
'Yerusalem, Yerusalem! Nabi pa sia mun sia. E Sien Allah nie amias pa sia, suo sia nanapi rovuki veita semboru. Ve toi ato ma yo isoruir kaiwasa venana au pa sia, ariri kokori sinia pai so tievun ruir atu pasi nanapi vara samber pasi pa, vape menggambarai.
38
Apavo, sa Sien Allah tutir mia ea va.
39
Eitopa so au, nanapi rabua nine, sa sueyo Yau ea va, veitoro kuevore buayo, Berkat pai maso i, vera ma nanapi Sien sano pai."'