Pasal 22

Kavo soratarawa nanapi pesta vavindiriau pai (Lukas 14.15-24)

1 Jesus kievo so kaiwasa pai nanapi kavo soratarawa ea, 2 kievore dioyo, "Sien Allah nie Kerajaan pai nie vava pa masi ariri kavo soratarawa nini; "Raja pesi nienari pesta vavindiriau so atu pai. 3 Apa Raja pai diemias nie womi pa sia senda setariau kaiwasa vie undan to manau so pesta pa sia. Vape kaiwasa vie undan pa sia senggambarai sendama so pesta pai. 4 Apa Raja pai diemias nie womi pa esia vesiei ea. Kievo so siae dioyo, 'Metopa so kaiwasa veve undan to manau pa sia. Pisia pesta pai miesi to manau. Ine sapi pasi tutir sapi atu viatate mo pasi, sikutu to manau. Pi vurae simasi. Menda vei ma so pesta ririau nei.' 5 Amana kaiwasa veve undana pa sia, setimbe paduri va. Senda so matau setone nanaripi pasi-esi vera so romi pa, esia ma setonda so sene nanaripis 6 E sia kota ma setaputawana Raja pai nie womi pasia, avori setadiau sia e semun sia to semboru. 7 Raja pai diediawa kavo nine pa, kiesiou vesiri. Apa diemias nie tentara pa sia ve amamo semun siniotu vemun nie womi pa sia, e setinggair sene kota pai. 8 Manau pa janama siau nie womi pa sia, e kievo so siae dioyo. Pesta ririau pai miesi tomanau, vape kaiwasa veve undana pa sia setimbe paduri va. 9 Nine ma menda so ria baba wasi, e mesau kaiwasa e sepau ma so pesta vavindiriau nei. 10 Apa woni pa senda. Senda so ria baba wasi, avori senduir kaiwasa sesamuai pa sia vura, siniotu veruin to siniotu venganggau. Apa andiraro vavindiriau pai dionu so tamu pai. 11 Janama Raja pai sua ave siesir tamu pa sia. Amana siejo samuai siniatu pesi na pesta pai, siesuni nana sasu pesta va. 12 Apa Raja pai dutan siniotu paie diojo; "Manetai, buo su mapui so nine vari suesun au nanapi sasu pesta va pa?' Amana siniotu pai dinggavo kavo pesa va. 13 Avori Rajapai kievo so nie womi pa sia e diojo, 'Metavit siniotu nei ae pasi tutir vara pasi, e menggei ari so vorira vekumar wa. Ave siale diemuaus na wana'. 14 Janama Jesus kievo toapa nine, 'Sesau pa sepau, vape setiria pa katu vea.''

Parisi pa sia sesotour Jesus nanapi vevait pajak pa. (Markus 12:13-17, Lukas 30:30-3-60 )
15 Avori Parisi pa sia senduir sia e senggavo ariri kavo vitosi nari senggavorasi ave amamo setitapur Jesus pa. 16 Apa setamias sene siniotu verausar sia pa sia, tutir siniotu verausar Herodes pa esia, e senda so Jesus. Setutan Jesus e setoyo, "Guru, amanduin toapa, Au ma siniotu vetindia ni Au. Bueniau e tuopa sasaar to tindi vesiri, nanapi Sien Allah nie sane vesie pai maso siniotu pasi pa, e bitator kavo va, na teina vea. Aso Au ma biri siniotu va pana. 17 Apavo ite tuopan ariri kavo ne so ama; Ariri tane atoran agama nei mamo, diadi tambait pajak so Kaisar pai te pivaie?'' 18 Amana Jesus ruin sene sanepaya vekariria jasi pavo, kievo so sia e diojo, "Siniotu viona ve siniotu vesanemitiar vedia mia; Aso vitopi meto mesotour Ya pa? 19 Ite metoisara pipi metimbait pajak pa esi so Yau!" Apa setona pipi perak vebera pesi so l. 20 Janama Jesus dutan sia e dioyo, "Gambar siniotu nes, tutir sano venana nei ma teina? 21 Amana setoyo, "Kaisar paina". Apa Jesus kievo so sia e dioyo, tojana pavo, pi vitopi Kaisar pai nieu pa, metona so Kaisar pai, e pi vitopi Sien Allah nieu pa, metona so Sien Allah". 22 Siniotu pa setadiawa Jesus kievo tonine pa, senggavousara veito.
Apa janama senda vurusu Jesus. Sobata nanapi voru pai. (Markus 12:18-27, Lukas 20.27-40)
23 Nanapi raria jani kota e siniotu Saduki pa esia, sendama so Jesus, Siniotu ya sia ma setone aniau pai toapa, siniotu vevoru pasi ma sa sisobatasi ea va Apa vo setutani e 24 setoyo, "Guru, Musai dieniau toapa nine: Mua pesi vionu, e siemual atuma va, amamo neta katu pai va neta vava pai, naut nie inar pai, ave amamo viediajara usapui maso siniotu vevoru to manau pai. 25 Apavo mambe baba pesia na nine, sembe rimemuandu, Baba pai iriau, avori vioru e siemuai atuma va. Apa inar pai riaut neta katu pai. 26 Vepui neta katu pai vioru ea, e siemuai atuma va. Kavo ne masi vaveri kota maso neta veve torua pai raaso veve rimemuandua pai. 27 Karupui pa vavi pai matauni vioru kota. 28 Jo, apavo nanapi raria vevoru wa sia sesobata sia riwanea mamo, nari tei vinie ni vavi nei? Aso mambe baba rimemuandua pa sia, sendauti vura pavo." 29 Apa Jesus kievo so siae dioyo, "Metatar vesiri, aso aja menduin Surat Repo pai tutir Sien Allah nie paya pai va pana. 30 Aso raria vevoru pa sesobata sia riwanea pa mano, sa sendiriau ea va, vape setenam ariri Malaikat venana rora pa sia. 31 Aja metap Sien Allah kievo nanapi vevoru pa sia nari sesobata sia riwanea pa varamie? Sien Allah kievore dioyo, 32 Ya ma, Abrahami nie Sie, Isaki nie Sie, Yakopi nie Sie pa yana mana? I ma Sie maso kaiwasa vevoru va, vape Sie so kaiwasa vetenam". 33 Kaiwasa pa i diediawa Jesus kievone pa, senggavousara veito, aso nie kavo aniau pasi.
Prenta vebaba mo pai. Markus 12:28-34 Lukas 10:25-28)
34 Siniotu Parisi pa sia, setadiawa mana Jesus kievo so siniotu Saduki pa sia to setinggavo va pa, setonduir. 35 Avori veve baba na Torat pa sia esi nina, duta e disotour Jesus e dioyo, 36 "Guru, prenta toni sieru nanapi atoran Agama nei?'' 37 Apa Jesus kievo so i e dioyo, 'Sanepai Allah nomu Sie pai, nanapi saneraro vetutira, e nanapi nomu wainunu pai vura, e nanapi nomu pande pai vura. 38 Jani ma prenta vebaba e werawai mo paina. E prenta veve muandu pai, miesi kota, toapa: "Sanepai siniotu vevesiei, ariri sanepal vera matau nomu tarai pai pa. 39 E prenta veve muandu pai, miesi kota, toapa: "Sanepai siniotu vevesiei, ariri sanepal vera matau nomu tarai pai pa. 40 Atoran Agama Musai diona pasi vura, tutir nabi pa sene aniau pasi vura, sive umaja nanapa prenta nine sandu."
Kristus ma Dauti nie Sie pai na. (Markus 12:35-37 Lutes 2041-44)
41 Siniotu Parisi pa sia ja senduir na jana rami e, Jesus dutan sia e dioyo. 42 "Metone sanepaya pa sitoane maso Raja vekor Slamat pai? Vieva nanapi usapui tonina?" Amana senduar e setoyo, "Nanapi usapui Daut." 43 Apa Jesus duta ea, "Tojana mamo, aso vitopi Wainunu Sren pai vieruana so Dautie, diap Raja vekor Slamat pai ve, Sie pa? Aso Dauti kievore dioyo. 44 Sien kievo so ine Sie pal e dioyo, muesoi nana vara vatane, veito yonae, viomarova tutir au pa sia, setatuan so au.'? 45 Apavo masi Dauti diap Raja vekor Slamat pai ve, Sie', avori vieva nanapi Dauti nie usapui pa nari toane?" 46 Apa esi dinduara Jesus nie Kavo pa ea va. E nanapi raria jani, esi mias e dutan piesa nana Jesus ea va.