Pasal 21

Jesus sua so Kota Yerusalem ariri Raja pa. (Markus 11:1-11) Lukas 19:28-40 Yohanes 12-12-19)

1 Jesus tutir nie murit pa sia, senda sederiasi Kota Yerusalem pa, senda ma so aniose Betfage nanapi suovavo Saitun. Apa Jesus diemias nie murit pa esandu e sunda papo. 2 Diemias sandu e dioyo, "Munda papo apo so aniose vena dopo jana. Ava nari musamuai keledai pesi, andia senggasiesi e diosa tutir atu pai. Amamo mundeku wai pai e munggor sandu maso Yau. 3 Mae samuai esi duta mamo, mutopa so i, e muroyo, "Jesus siauwi", amamo nari siniotu jani sawawara e diona e munagori." 4 Kavo nine ma toa pana, ave amamo masi tutir vitopi nabi pai kievora pa, toapa, 5 "Metopa so kaiwasa venana Yerusalem pa sia, mene Raja paini riama so mia pa. I ma sienandiki va, e sia nana keledai nina, keledai atu vavoru nina." 6 Janama Jesus nie murit pa sandu sunanari ariri pi vitopi Jesus dierera so sandu pa. 7 Sunggor keledai pai tutir atu pai a so Jesus. Janama sesasiara keledai atu pai karu pa nana sene sasu juba pasi. Avori Jesus siayai miesoi nana keledai pai karu pa. 8 Kaiwasa borai venana ja sia. Sesiepara sene sasu jubah pasi nana ria pai, mae esia ma setaratu ai arawa pasi e setasies piriau pasi (ave Jesus riasasani nanasi). 9 Avori kaiwasa verausara Jesus pa sia vura, ve papo e ve pui e sesodiaya e setoyo; "Sanandika pai so Dauti Atu panau: Riama tutir vesie, Sien Allah vie berkat verama nanapi Sien sanopai. Sanandika pai so Sien Allah vetariai mo pai 10 Janama Jesus suapui so Kota Yerusalem pa, kaiwasa venana pa sia vura, setandor to baba vesiri. Apa setuta e setoyo, "Avo tei nina?" 11 Amana kaiwasa verausara Jesus pa setoyo, "Nabi nina, Jesus, na aniose Nasaret, nana uta Galilea."

Jesus suapui so Anio Allah pai pa (Mars 11:15-19 19:45 48. Yolmes 2.13- 22)
12 Janama Jesus suapui so Anio Allah pai, e dietawar kaiwasa vevovo pi nana pa sia. Tiawa bari meja veriwa pipi nana pasi, e bangko sembovo aya kapura nana pai. 13 Avori kievo so kaiwasa pai e dioyo, "Nanapi Surat Repo pai pa vevui toapa, Sien Allah kievore dioyo, "Ine Anio pai nari setap i ve Anio vimbe nadi. Vape metoni ve karai so viemanana pi pa sia". 14 Avori senggor kaiwasa veremi kaber e veraemi marera e pi pa sia maso Jesus nana Anio Allah pai, e Jesus diona e sepanaam. 15 Vape imam baba pa sia tutir veve baba nana Torat pa sia, senggasiou, aso sesayo pi tandor Jesus nienari pasi pana. E senggasiou kota so setadiawa atuma katu pa sia sesodiaya nana Anio Allah pai e setoyo, "Vesie pai maso Raja Dauti Atu panau". 16 Apa senggavo so Jesus e setoyo, "Buediawa atuma katu wasia kavo senggavora wae? Amana Jesus ruar so sia e dioyo, "I yediawa, Vape metap nanapi Surat Repo pai nie ayat verotu toapa ninei varami pe? Toapa, atuma katu pa sia tutir atuma katu mo viunu susu pa sia, Au bueniau sia ve amamo sesom sanandik Allah. 17 Manau na jana pa, Jesus ria vurusu sia e suvi na Kota pai e ria so aniose Betania e diena na wana.
Jesus siawora vediora ara ravo pai pa. (Markus 11:12-14, Lukas 20-24)
18 Kausapa pa sapa mo pa, nanapi Jesus nie rara vesovera so Jerusalem pai pa, vievisi 19 Apa siejo ara ravo pesi, diosa na ria dere pa. Apa ria dieriasi ara ravo pai, vape sieyo samuai buo pesi va, e rau pa si vea. Apa Jesus kievo so ara ravo pai e dioyo, "Sa bimbe buo ea va". Jesus kievo tonine pa, ara ravo pai dimasa. 20 Jesus nie murit pa sesayo subata pitandor nini pa, senggavo usara veito. Apa setuta e setoyo, toane vori ara ravo pai miasa tandor vura pa? 21 Amana Jesus kievo so sia e dioyo, Itopa so mia, mesanemitiar Ya ve vata mo, e mesanemi tura va, amamo nari menanari pi vitopi inanari to manau maso ara ravo nei pa. E jana mesari vea va, vape nari menggavo so suovavo nini (Saitun) e metoyo, "Tuesiasa e tuepira arau so rawana wa", amamo nari ariria. 22 Mesanemitiar mamo, mesau pi vitopina vea, nana mene nadi pasi mamo, nari mesamuaisi".
Viutan Yesus so nie paya pai pa. (Markus 11:27-33, Lukas 20:1-8)
23 Janama Jesus sioverai a so Anio Allah pai, avori sua e dieniau na jana. Andia dieniau rami e, imam baba pa sia tutir veve baba na Yehudi pa sia, sendama so le setoyo, "Tutir paya vitoni binanari pi nine si? Teini diono paya jani so Au?" 24 Apa Jesus kievo so sia e dioyo, "Ya kota yo yuta mia. E menduara ine kavo ne mamo, nari itopa so mia, tutir paya na teina vori jinanari pi ninesi pa. 25 Yohanes sioiv siniotu nanapi tei nie paya? Nanapi Sie pai te, nanapi siniotue? Apavo imam baba pa sia tutir veve baba na Yehudi pa sia, senggavo nanapi matau sia vavera e setoyo, "Masi tanggavore tatoyo, Tutir paya nanapi Sien Allah, amamo nari dioyo, tojana mamo aso vitopi mesanemitiar i va pa?" 26 Vape masi tanggavore tatoyo, tutir paya nanapi siniotu, amamo tamatai kaiwasa nei, aso sia vura senduin toapa, Yohanes ma nabi nina. Apa senduar e setoyo, "Amanduin va". Apa Jesus kievo so siae dioyo, 27 "Tojana pavo Ya kota sa itopa so mia va, nanapi tei nie paya ni yinanari pi ninesi vura pa.''
Kavo soratarawa nanapi siniotu pesi tutir atumua pa sandu
28 Avori Jesus dinggavora e dioyo, "Siniotu pa siri, nie atuma mua pa sumbe muandu. Siniotu nei ria so atuma baba pai e kievo soi e dioyo, "Komo raria nini ma rua nanaripi na romi anggur wai". 29 Amana atuma pai dioyo, 'Ikambarai' amana vepui, sane sovera ea, e ria so romi anggur pai. 30 .Avori tamani ria ea so atu madia pai e kievo so i toapana kota. Apa atu madia pai dioyo, "Jai, vesie pa na". Amana ria va. 31 Apavo metone sanepaya pa sitoane? Nanapi atuma muandua ne sandu pa, teini nienari ariri tamani nie sane vesie pai? Amana imam baba pa sia tutir veve baba na Yehudi pa sia, senduar e setoyo. "Atuma baba pai". Apa Yesus kievo so sia e dioyo, "Itopa so mia, siniotu verae veruir pajak pa sia tutir vavi verae venanari kavo sararidioi pa sia, asia nari sembe kaiwasa maso Sien Allah papo, vurusu mia. 32 Aso Yohanes viono Kambu Sren pai, riama e dioisara tenam Sien Allah sanevesiena pai maso mia, vape menggambarai mesanemitiar nie kavo aniau pasi; mae kaiwasa verae veruir pajak pa sia, tutir vavi verae venanari kavo sararidioi pa sia sesanemitiar i, apavo mesajosi vura to manaue, vape mendiwa mene sanepaya pasi kota va, e menggambarai mesanemitiar i".
Kavo soratarawa nanapi siniotu venanaripi na romi anggur pa sia. (Markus 12:1-12, Lukas 20:9-19)
33 Avorí Jesus kievore dioyo, "Metadiawa kavo soratarawa pa nini riwanea. "Tuan vene kakopa pa esi, tiana romi anggur pesi. Apa rut war wawariri e sieriai kamberei so uta vinggusara anggur pai pa; avori nienari dora vemasoi e visajo vediora pai, na romi pai raro pa. Manau pa janama vie siewa romi anggur pai maso siniotu venanaripi nana pa sia, e ria so uta vevesiei. 34 Janama raria sendosu anggur buo pai miesi, apa Tuan vene kakopa pai, diemias nie womi pa sia e sendaso siniotu venanaripi nana romi pa sia, ave amamo senggor nie anggur sendu wasa e vevata so i tomanau pai. 35 Amana siniotu venanaripi nana romi pa sia, setapu womi pa sia esi ma sendorai, esi pa sia ma semun sia to semboru, e esia ma sesotatir sia na rovuki. 36 Apa Tuan vene kakopa pai, diemias nie womi pa esia ea, sepau rawal nanapi retena pa sia. Vape senanari maso sia toa kota. 37 Vepui pa Tuan vene kakopa pai, diemias mataun atu pai. Sanepai na sane raro pa toapa, 'Matau ine atuma pai na pavo, nari setatuan i.' 38 Vape ineri siniotu venanaripi na romi pa sia, sesayo Tuan vene kakopa pai atu pai pa, senggavo vavera sosia e setoyo, Jo, ara pai nine, vene pisia umaja paina. Mendama ve tamuni, ave tasamuai nie pi umaja nesi.' 39 Apa setaputawan atuma pai e senggei so vorira wa e semuni to vioru. 40 Janama Jesus duta, Jo, apavo vene romi anggur pai sioverai mamo, nari nienari vito maso siniotu venanari romi pa sia? 41 Apa senduar soi e setoyo, "Nari mun siniotu venganggau warira jasia e semboru, e vie sewa romi anggur pai so siniotu vevesiei nari vesovera kakopa pai nie pi tatana pai maso i, ariri sine raria pai." 42 Avori Jesus kievo so sia e dioyo, "Aja metap kavo vevui na Surat Repo pai warami pe? Kavo viojo, "Rovuki tukang venanari anio pa senggea pai vie rovuki retena vesasiara na anio pai sama bu pa. Nine ma Sien pi nienari pina; vesie pa rawai'? 43 Janama Jesus kievo e diayo, "Apavo mesanemipaya, wasa viator ve Sien Allah nie kaiwasa pai, nari sikor vura, vurusu mia e siona so kaiwasa nari venanari ariri Sien Allah nie Prenta pa, sia esi. 44 E teini tiawa e viata sasana nana rovuki jani mamo, nari piere, e teini rovuki jani via patatai mamo, nari pietata." 45 Imam baba pa sia tutir siniotu Parisi pa sia, setadiawa Jesus nie kavo soratarawa jasi, apa senduin toapa Jesus kievo wa ma isa sia. 46 Apa sesasera ria, ave amamo setapur i. Vape sematai kaiwasa pai, aso kaiwasa pai ruin toapa Jesus ma nabi nina pana.