Pasal 18
Teini bieba rawai pa. (Markus 9:33-37; Luas 9:46-48)
1
Nanapi rabua jana, Jesus nie murit pa senda ma so I, e setutani e setoyo: Nanapi Sien Allah nie kaiwasa pai mamo, nari teini bieba rawai.
2
Apa Jesus siau atuma katu pesi, e dionie diosa na sene kasau rabua pa.
3
Avori kievo so sia e dioyo: "Itopa so mia, vata mo, mendiwa mia e membava ariri atuma katu, amamo nari membe kaiwasa so Sien Allah.
4
Mae teini tiawani na dou, e vieva ariri atuma katu nini, amamo nanapi Sien Allah nie kaiwasa pai mamo, andi nari bieba rawai.
5
E teini vie trima atuma katu vetoapa nini, nanapi sanone, amamo ima vie trima Ya pana".
Pi vevediayarae siniotu pa sinanari tatar pa. (Markus 9:42-48, Lukas 17:1-2)
6
Teini viediayara e siniotu vemadia nine sia esi sanetiar Yau ea va marmo, vesie pa rovuki pimasa pesi kiesie nana rao pa e, kiea na rawana vekarija wa.
7
Dunia nei dinggariria vesiri so pi vevediayarae siniotu sive tatar pa. Pi vetoapa jasi ma, nari asia tawana, vape kawai so siniotu vevediayara pai.
8
Masi varamu pai, pivai aemu pai dionae vue tatar mamo, tuara tuwi e kuei. Aso vesie rawai pa, tuenam tutir Sien Allah nana vara rawesie ae rawesi vea pa, nanapi sengge au susa adia naraka tutir varamu pa sandue aemu pa sandu vura pa.
9
E Remu pai viediayarae nuenari tatar mamo, kuewarie kuei. Aso vesie rawai pa, tuenam tutir Sien Allah nanapi re rawa siri pa, nanapi sengge au susa adia naraka tutir remu pa sandu vura pa."
10
Mesanemipaya, mesisiayara siniotu vemadia nine sia esi vape moja. Aso sene Malaekat pa asiaya tawana na Yai venana rora wai aro po wa.
11
[Aso Siniotu Atu ne Yau, irama ve amamo jono slamat maso siniotu vera sara pasi!]
Kavo sora tarawa nanapi domba venai pai. (Lukas 15-3-77 10.)
12
Avo metosanemipai toane? Masi siniotu pesi nie domba pa utin siri, avori domba jasi siri niai, amamo nari vene pai diotoane? I ma nari vievur domba siniotu at e vemandiu surae rimeata pasi nana wi vavo pa e, ria e siesera siri venai pai.
13
E, masi siemuai sovera domba venai pai mamo - Itopa so mia - nari sane pa vesie rawai so domba siri jani, nanapi siniotu ate vemandiu suare rimeat esi venai va pasi.
14
Toapa jana kota, Tamamu venana rora wai, kiembarai siniotu vemadia vetoapa nine sia esi siemuai kariria."
Nemetapi siesara so au mamo (Luk. 17:3)
15
Masi nemetapi vie sasara so au mamo, rua so i e tuopa veruana nie sasara pai. Nuenari tutir asisi vea, nanapi matau mandu vavera, Kior usara nomu kavo pasi mamo, i ma kuor sovera nemetapi pana.
16
Mae piva mamo, kuor siniotu pa siri va muandu ea. Aso vevui nanapi surat pai toapa: "Diadi mamo saksi pa muandu va toru, ave amamo setopa veruana siniotu jani nie sasara pa.
17
Mae kiembarai diediawa siniotu ja sia sene kavo sanepaya pasi mamo, metopa veruana kavo jana so jemaat pai. E vipuia pa, masi kiembarai diediawa jemaat pai nie kavo sanepaya pasi, amamo metatori ve siniotu verae veruir pajak, e siniotu veruin mojara Sien Allah nina.
18
Itopa so mia toapa, pi vitopi memu vediora na dunia nei pa, vemu vedior nana rora wa kota. Mae pi vitopi metator ve tindia na dunia nei pa, nari viator ve tindia kota na rora wa.
19
E itopa so miakota toapa, nanapi mia esandu na dunia nei susanemi siri so pi vito vea, e sumbe nadi soa, amamo nadi jani ma, Yai venana rora wai diediawi.
20
Aso topi siniotu pa sumbe muandu, pivai toru, senduir so sano ne, amamo Ya ya inana sene kasau rabua pa".
Kavo soratarawa nanapi viono ampon so siniotu vevesiei pa
21
Avori Petrusi riama so Jesus e dutanie dioyo, Sie panau, masi ine maneta pesi nienari sasara so yau, amamo nari ive ampon i ve kali toi? Veito kali rimemuandu te?
22
Amana Jesus kievo so i e dioyo; "Pivai, ve kali rimemuandu va, vape ve kali siniotu toru e sura, kali rimemuandu.
23
Aso Sien Allah nie Kerajaan pai ma nie vava pa ariri kavo soratarawa nini: "Raja pesi nina, dio dietor ariri nie womi venanaripi so I pa sia, sene niaki pasi.
24
Janama dio siejosi pavo, senggor womi venanaripi so i pa sia esi, ma soi, vie niaki doi pa siaran-siaran,
25
E pia so viait bariwasi pa va. Apavo Raja pai diernias, ve amamo sembova woni pai tutir vinie atu sia, tutir sene pi saserai pa vura, ave vimbait nie niaki pasi.
26
Amana womi pai disanaebu pa sie, siom na Raja pai aropo pa e siau so i e dioyo: Tuani, ka buenota katu ri, ine niaki pasi, nari ivaitsi vura rami.
27
Apa Raja pai sanepai, e rura nie niaki pasi vura e sinai.
28
Janama womi nei suvie ria, amana ria samuai nie maneta pesi, womi pa esi nina kota, vie niaki soi utin toi vea. Apa tiepu tawani e rut kotara rao pa, e kievo so i e diojo, "Vuait nomu niaki pasi vura".
29
Amana nie maneta pai disanaebu pasi e siau so i e dioyo, manetai ka buenota katuri, nari ivaitsi vura rami.'
30
Amana womi pai kiembarai. Apa kiori e kiovari na bui pai, ave amamo viait nie niaki pasi mo.
31
Janama womi esi pa sia sesajo, apavo sesanemi pa sikariria veja! Apa senda setopa so Raja pai.
32
Apa Raja pai siau womi vetatar nei a kievo so i e dioyo, womi vetatar ne au, nomu niaki pasi vura, irurasie sinai to manau, aso suau so ya pana.
33
Avori, buotopi sanepai nemetapi ariri isanemipai au to manau pa va pa?'
34
Apa Raja pai kiesiou veito. Dionae senggovara womí vetatar pai susa bui pai, veito viait nie niaki pasi vura mo'.
35
Janama Jesus kievo riwanea e dioyo, toapana kota Yai venana rora wai, nari nienari toapana kota maso mia vura, masi membe ampon mene neta pesi, nanapi sane raro vetutira va mamo."