Pasal 15
Yahudi pa sene buai tawawari pasi. (Nanapi Markus 7:1-13 pai kota)
1
Raria pesi pa, siniotu Parisi pa esia tutir veve baba na Torat pa esia, senda na Yerusalern ma so Jesus. Setatuani e setojo;
2
"Aso vitopi nomu murit pa sia sendawain tatapumi pa sia sene buai tawawari pasi pa? Setapi mamo, senduasa sembarami pasi papo va, ariri atoran pasi".
3
Amana Jesus kievo so sia e diojo: "E aso vitopi mia kota mendawain Sien Allah nie Prenta pasi, e menda ariri metapumi pa sene buai tawawari pasi vea pa?
4
Aso Sien Allah dioja e diojo, "Tuetuan tamamui siniamui sandu, e teini piorasa tamani siniani sandu mamo, siemuai hukuman voru.
5
Vape mia ma metotaniau e metojo; masi esi kievo so nie baba pa sia e diojo; pipi yo jona so jai-mai mandu pasi, jonasi ve pi som so Sien Allah to manau pa.
6
Apavo siniotu jani sa tietuana nie baba pasi ariria ea va. Apavo metapumi pa sene buai tawawari pasi, sirer Sien Allah nie Kavo pai.
7
Siniotu matau viojo veve sren vedia mia' tindi vesiri ariri nabi Yesayai nie kavo arer kievora e ter mia pai toapa,
8
Sien Allah kievo toapa nine: Kaiwasa nini ma siom Ya nana sore vea, vape sesanemi raro wasi ma sive kasau Yau.
9
Sesom Ya saridioï vea, Aso aniau setopana pasi ma, atoran siniotu sina vea e buomasi ine atoran sina.'"
Pi vio madidi maso siniotu pasi pa. (Nanapi Markus 7:14-23 pal kota)
10
Avori Jesus siau kaiwasa pai e kievo so sia e diojo, "Metadiawa, ave amamo menduina!"
11
Pi vesua nana siniotu sore pasi ma, siomadidi maso siniotu pasi va; vape pi vesuvi na siniotu sore pasi, siomadidi maso siniotu pasi pa.''
12
Janama Jesus nie murit pa sia sendama senggavo so i e setojo; "Avo ruina kavo kuevora vedia ono sane kasiouwi so kaiwasa Parisi wa sia pa to manaue ?
13
Apa Jesus kievore diojo, "Pi tatana Yai vena rora wai tiana va pasi ma, nari sipokapuna.
14
Menggavo usara siniotu Parisi ja sia va. Siama siniotu baba veremi kaber pa siana; e siniotu veremi kaber pası siedidin vera veremi kaber mamo, nari sandu vurae sutau susa kamberei."
15
Apa Petrus kievo so Jesus e diajo, "Ite tuopan ariri kavo sora-tarawa jani maso ama!"
16
Amana Jesus kieva so i e diojo: "Apavo miaja menduin ariri kavo ne varanie?
17
Mia ma menganggau pi vesua na sore pai, viar avav so sanewai pai e janama suvie kie nana kambai pai pae?
18
Mae pi vesuvi na sore pai ma, vieva nanapi sane raro wai; e andi diomadidi so siniotu pasi pa.
19
Aso nanapi saneraro wal, siuvir sanepaya vekariria, vevediajarae vemun siniotu, venanari kavo, venanari kariria, viamanana pi, viawi tituwa, vekavor siniotu.
20
Pi vetoapa jasi, asi sivediajara e siniotu pa siomadidi pa, mae verois vevarami vae, viapi tutir vara veve rariai pasi pa ma piva.''
Vavi Kanaan pai nie sanetiar pai. (Nanapi Markus 7.24-30 pai kota)
21
Manau pa janama Jesus suvi nanapi uta jana e ria so uta vederiasi Kota Tirus tutir Sidon pasi.
22
Apa vavi Kanaan pesi, nanapi uta jana, riama so Jesus e siau so i e diojo, "Dauti Atu pa nau, ka sanepai yau! Ine atuma vavi wai, pi sararidioi pa sira savui. E dimbe diadi va".
23
Vape Jesus dinduar kavo pesa so vavi pai va. Apavo nie murit pa sia sendama so i e setojo, "Buemias vavi nei e vievu. Ria e siewau usara tata nana tanggarumi nesi vea pa.''
24
Apa Jesus kievo so vavi pai e diojo, "Isamuai amias ma soa pa, kaiwasa Israel nei vea, atapu maso vera sasara pa sia".
25
Amana vavi pai riama disan aebu pasi nanapi Yesus aropo pa, e kievore diojo, "Tuani ka sanepai yaul"
26
Apa Jesus kievo so i e diojo, "Atuma pa sene pisia pasi ma, sa tanggosi tanggeasi a so wona pasi va."
27
Amana vavi pai kievo so Jesus e diojo; "Tuani ka ima vata, vape wona pasi kota sian pisia moma vetawa nanapi nie tuan pai, nie meja pai pasi".
28
Apa Jesus kievo so vavi pai e diojo, "Vata, vavi pa nau nomu sanetiar pai bieba vesiri! Pi vitopi suauwa pa, vediadi ariri vea so au". Apa nanapi diam jani kota e, vavi Kanaan pai atu vavi pai pienaam.
Jesus dion panaam maso kaiwasa pai pa
29
Manau pa Jesus suvi nanapi uta jana e ria rebasa ruru Galilea dere pa. Avori siayai so suovavo pesa e miesoi nana jana.
30
Apa kaiwasa pa senda so l, e senggor siniotu vera ae kapau, e veremi kaber e, veraemi marera e, vesoremi mumuya e, kaiwasa vepota esi pa sia. Sepir sia e sembata na Jesus aropo pa, avori Jesus dionae sepanaam.
31
Apa kaiwasa vena ja sia, senggavo usara vesiri, aso sesajo vesoremí mumuja pa sia senggavore, vera e kapau pa senda to tindia e, veraemi marera pa senda to paya e, veremi kaber pa sesayo to vesie. Apa sesom sanandika kaiwasa Israel pa sene Sie pai
Jesus dieum kaiwasa siaran ata pa sia pa Nanapi (Markus 8:1-10 pai kota)
32
Avori Jesus siau nie murit pa sia e kievo so sia e diojo, "Isanemipal kaiwasa nei. Senda usara Ya raria toru to manau e, nine ma sembaro pisia ato Ikambarai Yemias sia e sembavu tutir sane vavisi, aso nari sendemi pa sisapuer na ria rabua wa".
33
Apa nie murit pa setutani e setojo; "Avori tasamual pisia maso kawasa boral nini toane, nanapi uta vetaitu nine?"
34
Apavo Jesus dutan sia e diojo; "Mae roti pa to asija na mia?" Amana murit pa setojo; "Rimemuandu e dia katu pa esasil"
35
Apa Jesus diemias kaiwasa pai e miesoi na kakopa wa. Avori kior roti rimemuandua pasi tutir dia pasi, avori siau berkat nanapi Sien Allah. Manau pa janama piotatepu roti pasi tutir dia pasi, nanapi vara pasi, avori dionasi so nie murit pa sia. E sembov si usara kalwasa pai.
36
Avori kior roti rimemuandua pasi tutir dia pasi, avori siau berkat nanapi Sien Allah. Manau pa janama piotatepu roti pasi tutir dia pasi, nanapi vara pasi, avori dionasi so nie murit pa sia. E sembov si usara kalwasa pai.
37
Apa kaiwasa pai vura, setapi veito semosir. Manau pa janama Jesus nie murit pa sia senduir pisia tamua pasi, apa bakul rimernuandu sionu.
38
Kaiwasa viapi na diarn ja sia, sepau pa mua veivea e sembe siaran at, vavi e atuma e siama aja viator sia vararni.
39
Manau pa janama Jesus diemias kaiwasa pale vievu. Mae miesari sia so wa pesa e, vio so uta Magadan.