Pasal 14

1 Nanapi rabua Herodes vie Raja nana Galilea pa, diediawa Jesus vie sano pa. 2 Apa Herodes kievo so nie veve baba pasia e diojo: "Yohanes viono Kambu Sren paina, andi tienam riwanea ne: Apa joma siemuai paya so dinanari pi tandor pa."
Yohanes viono Kambu Sren pai nie voru pai. (Namapi Markus 6:14-29, e Lukas 9:7-9 puikota)
3 Aso papo pa Herodes diemias e setapur Yohanes e setaviti e senggovari na bui pai. Herodes nienari towana pa ma, aso joma sane kariria matau neta katu Pilipus vinie pai, Herodias pana. 4 Apavo Yohanes kievo tonine so Herodes e diojo: "Sa ruaut Herodias va". 5 Apavo tindi mo mamo, Herodes dio mun Yohanes, vape mietai kaiwasa pai, aso kaiwasa pai ruin toapa, Yohanes ma nabi nina pana. 6 Nanapi raria Herodes nienari nie pesta raria diadi pai pa, Herodias atu vavi pai, ria miejai tarian nana kaiwasa vesorum pa sia sendaromi po pasi. Apa nie majai tarian pasi siono sanevesieni vesiri, maso Herodes, 7 Veito Herodes d ierer tutir sawora soi toapa, pi vito vea, siau mamo, nari diono so I. 8 Apavo, siniani (Herodias) dieniauwi to manau pavo, atu vavi pai kievo so Herodes e diojo; "Isau Yohanes viono Kambu Sren pai ru pai, vetini nanapi baki pesi e diono maso yau nanapi diam nini kota". 9 Herodes diediawa vavinggatu nei nie sau ne pa, sane raro pa ve susa vesiri, vape aso siawora to manaue kaiwasa vesorum pai vura diediawa pavo, vie prenta e senanari ariri vavinggatu pai nie sau pa. 10 Apa diemias e senda so bui pai e sepera tuwa Yohanes ru pai. 11 Janama Yohanes ru pai setini nana baki pai e senggori apui setonia so vavinggatu pai. Avori vavinggatu pai kioria so siniani. 12 Janama Yohanes nie murit pa sia, senda senggor Yohanes nie tarai vevoru pai e sepiri na papi pai. Avori senda setopa veruana kavo ne so Jesus.
Jesus dieum kaiwasa siaran rim pa sia pa. (Narupi Markus 6:30-44 Lukas 9:10-17, Yohanes 61-4 pai kota)
13 Yesus diediawa kavo pa to manau pa, (so Yohanes vioru pa) apa sia so wa pa e suvi vurusu uta jana e ria so uta veseya pesa. Vape kaiwasa pai diediawa i pa, sesuvi vurusu sene anio pasi e senda usara Jesus, nanapi ria vera na dorei. 14 Jesus viar na wa pa mana. Siejo kaiwasa pai pa, sanepai sia. Apa dionae kaiwasa vepota pa sepanaam. 15 Ravinena pa mana, nie murit pa senda ma so i, e senggavo so i e setojo, "Ravinena to manau e uta vetaitu pina. Vesie pa buemias kaiwasa nei e vievu, ave amamo sembori pi setan nana Desa pasi." 17 16 Amana Jesus kievo so sia e diojo, "Senda vape moja, mia metaum sia". 17. Amana Jesus nie murit pa sia senggavo soi e setojo, "Amane roti ne rim e dia ne muandu vea". 18 Apa Jesus diojo; "Menggosi ma" 19 Janama diemias kaiwasa pai e, miesoi nana samue pa. Manau pa kior roti rima pasi tutir dia muandua pa sandu, avori siejo sasana so rora wa e siau berkat nanapi Sien Allah. Manau pa piosasavu roti pasi nana vara pasi e dionasi so nie murit pa sia, ave sembov si so kaiwasa pai. 20 Sia vura setapi veito semosir. Manau pa Jesus nie murit pa sia, senduir pisia tamua pasi, apa bade pa suaraemuandu sionu. 21 Siniotu viapi na diam yasia sepau pa nari mua veiveae sembe siaran rim, mae vavi e atuma e, siama aya viator sia varami.
Jesus riasasani nana kambu vavo pa pa. (Nanapi Markus 645 52 e Yahya 6:15-21 pai kota)
22 Manau na yana pa Jesus diemias nie murit pa sia e sesa so wa pai e sembo papo avaru so ruru pai rawesi wa, mae diemias karwasa pai e vievu. 23 Kaiwasa pai vievu to manau pa yanama Jesus miesari diauta ayai so suovavo pesa e dio vie nadi, Idirua pa Jesus miesari nana uta yana. 24 Mae Jesus nie murit pa sia ma, sembo nana wa pai arau so ruru pai rabua pa to manau. Avori wana pesi sio sun sia. Apa bata pasi sibaba pavo, sike wa pai a sikei ma. 25 Deriasi sasa vava pa mana, Jesus ria nana kambu vavo pa maso sia pa. 26 Nie murit pa sia sesajo ria nana kambu vavo pa maso sia pa, setandor e sematai veito setananar e setojo; "Wori nina". 27 Amana Jesus kievo so siae diojo: "Metandor va, Ya nine. Menatai vape moja.'' 28 Apa Petrusi kievo so Jesus e dioyo; "Jesus, au na ve vata mo mamo, buemias e irasasana ya nana kambu vavo ne matu so Au." 29 Apa Jesus kievo soi e dioyo, "Rua vei ma". Ineri Petrusi viar na wa pai. 30 Amana Petrus siejo wana pai sio to bieba veya nana ruru pai pavo, mietai e dio dimarutua. Apa dienanar e diojo; "Sie panau sanepai yau, (aso imarutu pe), 31 Apa sawawarae Jesus dieka asoi e tiepu tawani e dinggavo so i e diojo; *Petrus, Petrus, auya sanetiar mo varami. Buotopi sane tura Ya pa? 32 Janama susayai so wa pai e wana pai dimarina. 33 Apa Jesus nie murit pa sia, setatuan e sesom i, e setojo; "Vata mo e Sien, Au ma Allah Atu ni Au!"
Jesus dion panaam so kaiwasa vepota venanapi uta Genasaret pa sia pa. (Nanapi Markus 6:53-56 pai kota)
34 Sendavaru so ruru pai rawesi wa pa, sesirieu nana Kota Genasaret. 35 Apavo kaiwasa venana uta ja sia, sesajo riruin Jesus, apa setopa e masiepar usara uta pasi vura, nana kota jani. Avori senggor kaiwasa 36 vepota pasia so Jesus. E sesau so Jesus, ave amamo setaka buasa nie sasu juba pai sope pa vea. Apa kaiwasa vieka buasa pa sia sepanaam vura.