Pasal 13

Kavo sora tarawa nanapi siniotu vetetapa pi mor pai (Nanapi Markus 4:1-9 Lukas 24 par kotal)

1 Nanapi raria jani kota, Jesus suvi nana anio pai e ria so ruru pai dere pa e miesoi na jana. 2 Apa kaiwasa pa sepau sesorum wawarir Jesus, apavo Jesus ria sia e dievoi na wa pai, mae kaiwasa vesorum pa sia setosa na sasi dere pa. 3 Avori Jesus dieniau sia nana kavo pa pau, tiopanasi nanapi kavo sora tarawa. Apavo Jesus kievo toapa nine e diojo. Siniotu viono romi pesi, ria tiotapa pi mor pai. 4 Tietapa pi mor pai pa, esasi sitawa na ria pai. Apa aya pasi sirama sian pi mor pasi to sikai. 5 Esasi kota sitawa na uta veve rovuki, veve kakopa mo va. Apavo pi mor pasi sawawarae sitipu, aso kakopa pai mienis pa na. 6 Vape wor pai sia to manau mana, tuba pa simaninu e simasa, aso war pasi siravav so dou wa va pa na. 7 Pi mor pa esasi kota sitawa nana samue veve waisina pasi. Apavo samue veve waisina pasi sisop tup asi veito sivoru. 8 Vape pi mor pa esasi kota, sitawa na kakopa viate, apavo sive buo, esasi ma sine pau pa rawai nanapi utin siri, esasi ma sine pau pa rawai nanapi soniotu toru, e esasi kota ma sine pau pa rawal nanapi siniotu siri e sura". 9 Jesus tiopa kavo sora tarawa pai to manau pa, kievore diojo. "Teini vie taradiau mamo, diediawa".

Aso vitopi Jesus kievo nanapi kavo sora tarawa pa. (Nanapi Markın 4 10 12 e Lukas 9-10 pai kota)
10 Manau pa janama Jesus nie murit pa sia sendama setutani e setojo, "Guru, aso vitopi kuevo so kaiwasa pai mamo, kuevo nanapi kavo sora tarawa pa? 11 Amana Jesus kievo so siae diojo, Aso mia ma mesamuai aniau to manau so menduin ariri Sien Allah nie vava vianiwa pai pa, mae sia ma piva. 12 Aso siniotu vesamuai to manau pai ma, nari viono soi to pau rawai ea, e ima nari riewai. Mae siniotu vesamuai piesa va pai, katu venana i pa, nari kor vurusu i. 13 Apa joma ikavo so kaiwasa vepau mamo, ikavo nanapi kavo sora tarawa pa, aso sesajo, vape buomasi siniotu vesajo va; setadiawa, vape buomasi siniotu viadiawa va e veruin va. 14 Toapa jana ve imasi tutir nabi Yesaya nie arer pa, toapa, Sien Allah kievore diojo.' 15 Nari metadiawa vape sa menduin va; Nari metaduata vape sa mesajo va. Aso siniotu nine sia, sesanemi raro nesi situp to manau, sene taradiau nesi sipoya e sendemi nesi sitakumu to manau. Ave amamo sendemi nesi sisajo vape moja, sene taradiau nesi siediawa vape moja, sene sanepaya nesi siruin vape moja, e sesovera so Ya vape moja, aso jonae sepanaam pe.' 16 Avori Jesus kievo so nie murit pa sia e diojo, "Vape mia ma vesie tawal, aso mendemi pa sisayo e mene taradiau pasi siediawa pa. 17 Aso itopa do mia, nabi pa sepau, e siniotu vesanemitiar Sien Allah pa sia, sesoremisisu sesajo pi rabua nine mesajora ne, vape setisajo samuai va. Sesoremisisu setadiawa pi rabua nine metadiawa ne, vape setitadiawa samuai va.''
Jesus tiopa veruana kavo soratarawa nanapi siniotu vetetapa pi mor pai, nie tarai pai. (Nanapi Markus 4:13-20, e Lukas 8-11-15 pai kota)
18 Jesus kievore diojo, "Metadiawa kavo soratarawa nanapi siniotu vetetapa pi mor pai, nie tarai pai toapa nine. 19 Pi mor vetau nanapi ria pai, i ma vieva ariri siniotu viadiawa Sien Allah nie Kavo pai tutir nie Kerajaan pai, vape senganggawi. Janama Bilis pai riama diewara kavo vetetapa nana sesanemiraro pasi. 20 Pi mor vetawa nana uta veve rovuki pai i ma miesi ariri siniotu viadiawa Sien nie kavo pai pa sia, e sembe trima i tutir sane vesasie. 21 Vape Kavo pai vie war nana sesanemi raro pasi va, apa vo sivata mana worol va. Apavo setera susa, pivai kariria pesa, aso Sien nie kavo pai pa, amamo setisisui sia. 22 Mae pi mor vetawa nana samue veve waisina pasi, i ma miesi ariri siniotu viadiawa Sien nie Kavo pai pa sia, vape aso sesanemi sasera sia so sene tenam pai, e sesanemi vei so rar dunia pai. Apavo Sien Allah nie Kavo pai kiepatawana nana sesanemi raro pasi, apavo vie buo va. 23 E pi mor vetawa nana kakopa viate pai ma, miesi arii siniotu viadiawa Sien nie Kavo Vesie pai e vesanemi pai usara to vesie pa sia. Siama sembe buo to pau, esia ma sembe buo to rawai na utin siri, esia ma rawal na siniotu toru, e esia ma rawai na siniotu sin e sura. Kavo soratarwa nanapi didiwai vetipu sesiorana padi pai. 24 Jesus kievo nanapi kavo sora tarawa pesi ea, maso kaiwasa pai e diojo, "Sien Allah nie Kerajaan pai ma, vieva ariri kavo soratarawa nini, Siniotu vio romi pesi, tiotapa padi mor pai nana nie romi pai 25 Diru pesi ninama, kaivasa pai diena vura, apavo siniotu sumbe marova pai, diondama tietapa didiwai mor pai sesiorana padi mor pat e dionda. 26 Janama padi pai tipu to manau e vie arawa mana, didiwai pai kota vieruana. 27 Avori vene romi pai, nie siniotu venanaripi usari pa sia, senda ma so vene romi pai e setojo, Tuani yokama tuana pi mor viate nina nana nomu romi wai mana? Toane vori didiwai pai tipu nana wana kota pa? 28 Amana Tuan vene romi pai kievore diojo, "Siniotu vio viono marova tutir ya pai nienan pi wana. Apavo siniotu venanaripi usari pa sia, setutani e setojo, Tuani, sanevesie amanda amapati didiwai pai e?' 29 Amana Tuan vene romi pai diojo, Moja, aso mepati didiwai pai mamo, nari padi pai kota tiepati. 30 Apapvo didiwai pai ria viata e tipu tutir padi pai veito raria diema pai. Nari itopa so siniotu viema pa sia, toapa, Mesoruir didiwai pai papori, e memborasi e sive bora, avori menggair si. Manau voi janama, mesoruir padi pai e mepir nanari na gudan pai."'''
Kavo soratarawa nanapi sesawi mor pai, (Naragi Markus 4-30-32, e Lukas 13-18-19 par kota)
31 Jesus tiopan kavo soratarawa pesi ea maso kaiwasa pai e diojo, Sien Allah nie Kerjaan pai vieva ariri kavo soratarawa nini: "Siniotu pesi kior sesawi mor pesi, e tianami nana nie romi pai 32 Sesawi mor pai ma, pi mor vemadia mo paina. Vape tipu to manau mamo, mieriewa rawai rau esi pasi vura. Vie ravo, apavo aya pasi sirama siono karai nanapi arawa pasi."
Kavo soratarawa nanapi mur pai. (Ninapi Lukas 13:20-21 pa kuta)

33 Jesus tiopanusara kavo soratarawa vevesiel pesi ea maso kaiwasa pai topa nine. Sien Allah nie Kerajaan pai ma, vieva ariri mur, e vavi pesi kiori a tietiovari tutir terigu pa kilo siniotu muandu, veitoro siasan e sia".

Aso vitopi Jesus kievo nanapi kavo soratarawa pa (Narapi Markas 4:33-34 puikota)

34 Vura e Jesus tiopanasi maso kaiwasa pai nanapi kavo soratarawa. 35 Toapa janave masi tutir nabi pai kievo pa, toapa, "Ikavo maso sia, nanapi kavo soratarawa; nari itopanusara pi vianiwara nanapi dunia nei retena vieva pa".

Kavo soratarawa nana didiwai vetipu sesiorana padi pai, nie tarai pai.

36 Manau pa janama Jesus vievu vurusu kaiwasa pai, e suapui so anio pesi. Avori nie murit pa sendama so i, e setojo, "Ite tuopa veruana kavo soratarawa nanapi, didiwai vetipu sesiorana padi pai nie tarai pai maso ama". 37 Apa Jesus kievore diajo, Siniotu vetetapa pi Siniotu Atu ne Yau. mor pai, andi 38 Romi pai ma dunia nei andina. Pi mor viate pai ma, kaiwasa vesu nanapi Sien Allah nie Kerajaan pai to manau pa siana. Didiwai pai ma, kaiwasa verausara Bilis pa siana. 39 Siniotu vetana didiwai pai ma, Bilis pai na. Raria dunia nei kieriria pa. E kaiwasa viena pai ma, Malaekat pa sia na. 40 Apavo, ariri didiwai pai tiam ruira e kiair nana adia pai pa, toapana kota nana raria dunia nei kieriria pa. 41 Siniatu Atu ne Yau, nari Yemias ine Malaikat pa sia, e senduir siniatu vevediajara e kaiwasa nienari tatar pa sia, sesiorana ine kaiwasa pai, tutir siniotu esi venanari kariria pa sia vura. 42 Nari sengge sia vura susa adia tarai veveviar pai; nari sesai e setamuaus nana wana. 43 Mae kaiwasa venanari ariri Sien Allah nie sane vesie pai pa si ma, nari setisanggapara arini wor pai, nanapi setamami pai, Sien Allah, nie dunia vavoru pai. Apavo, membe taradiau mamo, metadiawi".
Kavo soratarawa nanapi rar vetup nana kakopa raro pai.
44 "Sien Allah nie Kerajaan pai ma nie vava pa ariri kavo soratarawa nini Setup rar pesi nana kakopa wa, apa siniotu pesi siemuat apa tupi riwanea na kakopa wa. Avori sane pa vesie pa, ria viova nie pivepau pa vura, janama sioverai e viori kakopa pai".
Kavo soratarawa nanapi mutiara viate rawai pai

45 Sien Allah nie Kerajaan pai nie vava pa ariri kavo soratarawa nini: Siniotu vera e vevova pi pesi, siesera mutiara veve harga to rawai pasi. 46 Apa siemuai mutiara viate rawai mo pesi, apa sawawara e ria viova nie pivepau pasi vura, janama viori mutiara siri jani."
Kavo soratarawa nanapi sera pai
47 Sien Allah nie Kerajaan pai ma, vieva ariri sera senggea e viavoi na dorau. Apavo sier dia saserai vura. 48 Sera pai dionu to manau pa, siniotu vemun sera pa sia, sesarap sera pai arei so sasi dere pa. Avori semasoi e setiri dia pasi; dia viate pasi sesubat si susa kabesu, e vekariria pasi ma senggeasi. 49 Toapa jana kota, nanapi raria dunia nei kieriria pa mamo, Malaikat pa sia, sendama sepowasa siniotu vetatar pa sia vurusu siniotu venanari ariri Sien Allah nie sane vesie pai pa sia 50 Janama siniotu vetatar pa sia ma, sengge sia susa adia tarai veveviar pai. Nari sesai e setoran sederemi nana wana.
Pivavoru tutir pi tawa,
51 Yesus dutan sia e diojo; "Menduinasi vura to? Apa senduar e setojo; "Maite, amanduinasi ato 52 Avori Jesus kievo so sia e diojo; Apa joma veve baba nana torat pesi vie murit so Ya to manau mamo, i ma vieva ariri tuan vene anio e vesuvir pi vavoru e pi tawa, nanapi nie andiraro dipir rar pai".
Kaiwasa Nazaret pa sia setoi irara Jesus pa(Nanapi Markus 6:1-6, e Lukas 4:16-30 pai kota)

53 Jesus tiopanusara kavo soratarawa nine si vura to manau pa, suvi nanapi uta jana. 54 e siovera so matau nie aniose pa. Niana wana pa ria e dieniau kaiwasa pai na anio ari pasi, apa kaiwasa viadiawa pa sia, senggavo usara vesiri. Senggavore setojo, "Siniotu nei diosamuai pande vetoapa nini nana topina. E siemuai paya na topina so dinanari pi tandor pa. 55 Jokama tukang kayu atu nina mana? Jokama siniani ni Mariai e neta katu pa sia, Yakobus e Yusupi e Simoni e Yudasi e, sia mana? 56 Jokama raruo vavi pa siaja na nine kota mana? Pi wasi vura ma diosamuaisi na topina?'' 57 Apa kaiwasa pai vura, setoi irara Jesus. Apa Jesus kievo so sia e diojo, "Nabi pasi, nana uta vura setatuani, mae nanapi matauni nie uta pivai nie aniose raro ma piva. 58 Apavo Jesus nienari pi tandor pesasie pau nanapi uta jana va, aso sesanemitiar va pana.