Pasal 10
1
Rasul surae muandua pa sia. (Nanapi Markus 6:7-13, e Lukas 6:12-16 pai kota)
1. Raria pesi pa Jesus siauruir nie murit surae muandua pa sia e, sendama so I. Avori diono paya so sia, ave amamo setitatavar wainunu vekariria pasi e setona panaam so pota saserai vura, e siniotu vene tarai manindiu pa sia.
2
Rasul surae muandua pa sia sesanomi pasi nine; retena pa, Simon sesau kota ve Petrus pai e, tutir neta katu pai Andrias, avori Yakobus tutir neta katu pai Yohanes, Sebedeus atu pa sandu na.
3
Avori Pilipus e Bartolomeos, tutir Tomas e Matius, siniotu veruir pajak pai, tutir Yakobus, Alfeus atu pai, e Tadeus;
4
Vipuia pa Simon Patriot e Yudas Iskariot, vevovo Jesus pai.
Jesus diemias nie Rasul surae muandua pa sia.pa. (Nanapi Markus 67-13 e Lukas 91-6 pai kota)
5
Manau pa janama Jesus diemias nie murit surae muandua pa sia, e ditopa ariri kavo so sia toapa nine; "Menda so kaiwasa Yehudi va pa sia sene uta pasi vape moja.
6
Vape menda soapa kaiwasa Israel pa sia, atapu soapa siniotu vetenam nana ria vera sara pa sia.
7
Metopa so sia toapa, Sien Allah dio vie Prenta ariri Raja to manau.'
8
Metonae vepota pa sepanaam; metonae vevoru pa sia setenam. Metonae vepota pado pa sia sepanaam, e metatavar wainunu vekariria pasi. Mesamuai pi ninesi saridioi vea to manau. Apavo, metonasi saridioi kota.
9
Menggor pipi mas va, pipi perak va, pivai pipi tembaga va.
10
Menggor rota pisia kota va, sasu ve muanandiru nana mene rara pai vape moja, sapatu, pivai aitato va. Aso siniotu venanaripi pai ma, nari siemua vait.
11
Meto menda so Kota pesi, pivai aniose pesa mamo, mesasera pa siniotu vesanemi vesie veve trima mia pesi. Memasoi tutir i, veito membavu riwanea,
12
Mesua na anio pesi mamo, menggavo toapa; "Amasaue Sien vie berkat mia".
13
Masi siniotu venana anio jasia, sembe trima mia mamo, mene tabe pai viata maso sia. Mae, sembe trima mia va mamo, mesarap sovera mene tabe jasi.
14
Masi anio pesi, pivat Kota pesi, senggambarai sembe trima mia, pivai senggambarai setadiawa mia, amamo membavu uta jana, e mendora upis kakopa venana mendaimi va pasi.
15
Itopa so mia, raria dunia nei kieriria wa mamo, kaiwasa venana Kota Sodom tutir Gomora pa sia, diadi so sesamuai ampon nanapi Sien Allah pa. Mae kaiwasa venana Kota vekambarai mia pa sia ma, sa sesamuai ampon nanapi Sien Allah va."
Kariria nari verama wai (Mrk. 13:9-13; Luk. 21:12-17)
16
"Mesanemipaya, yemias mia ne, ariri domba verasesiorana wona rei vemas pasi pa. Metarama to vesie mo, ariri korou pai, e mesanemi pa sitindi mo ariri aya kapura pai.
17
Mesanemipai to vesie, aso nari setapur miae sembe urus mia nana agama pai nie ruir vekutu kavo pai. Nari sendora mia nana anio ari pasi.
18
Nari senggor mia so aropo Pemerinta tutir raja pa sia, aso menda usara Ya pana. Arnamo ima ria nina so metitopanusara Ya so sia pa, e maso kaiwasa veruin Sien Allah varami pa sia.
19
Vape seto senggor mia sembe urus mia mamo, mesanemisasera mia nana kavo nari menggavora vape moja, pivai nari menggavo toane pa vape moja. Aso kavo vitopi nari menggavora pa mamo, nari vetopanaririasi maso mia nanapi diam jani kota.
20
Aso vekavo nanapi diam jani ma, mia va, vape Yai venana rora pai Nie Wainunu pai andi kievo nanapi mia pa.
21
Nari siniotu pa sivov vera matau sine neta pai, ave amamo semuni. E nari vava toa pana kota, maso tama pai tutir atu pai. Atuma pasi nari sio varirwi tutir tama pai tutir sisiniami, e sembovo sandu ve amamo semun sandu.
22
Nari kaiwasa vura miedidi mia aso menda usara Ya pavo. Vape teini kierakuai ra so manau wa mamo, nan siemuai vesie pai
23
Seto semutatir mia nana Kota pesi mamo, membavu so Kota pesi vesies. Itopa so mia, aja menda ariri Kota venana Israel nesi vura varami e, Siniotu Atu ne Irama to manau.
24
Murit pesi sa bieba rawai nanapi nie Guru pai va e sa womi pesi bieba rawai nanapi nie tuan pai va
25
Murit pesi miesi tutir nie Guru pai mamo, manau, e womi pesi miesi tutir nie tuan pai mamo, manau. Mananir vene anio raro pai ri, sesawi ve bilis, avori toane tutir nie anio raro pa. I ma nari sesau sia nanapi wasa vinggariria rawai ea".
Memataita paini Sien Allah. (Nanapi Lukas 12. 2-7 pal kota)
26
Mematai siniotu pasi vape moja. Pi vetau tawana pasi, nari simasivu, e pi vianiawa pasi, nari siveruana.
27
Vitoni itopani maso mia nanapi vekumuar pa mamo, metopana riwani nanapi vesasaar. E pi vesamumuia susa mene taradiau pasi ma, metuminasi to baba.
28
Mematai siniotu nari vemun tarai pai e, vepa so vemun wainunu va pa sia vape moja. Vape memataita pa Sien Allah, vepaya so vemun tarai pai tutir wainunu pai, nanapi adia naraka pai.
29
Aya sisumi pasi sembovasi mamo, muandu so pipi ropia siri to. Toa sarididioi e, Tamamu venana rora wai, miajar toa va mamo, sa esi tiau mesu so kakopa ne va.
30
Rurandau venana rumu vediasi sietor to manau vura.
31
Apavo, mematai vape moja! Aso miama membe harga rawai aya sisumi pasi."
Veruara Yesus nanapi aropo siniotu pa. (Nana Lukas 12:8-9 pai kota)
32
"Teini ruara Yau nanapi aropo siniotu mamo, Ya kota nari Iruari na Yai venana rora pai, aropopa.
33
Vape teini pioras Yau nanapi aropo siniotu, toapa i ma riausara Ya va, amamo Ya kota, nari Iporasi nanapi Yai venana rora pai aropo pa.''
Yesus riama tutir vemari va, vape riama tutir mamuna. (Nana Lukas 12:51-53; e 14:26-27 pai kota)
34
Memamo ma metojo Ikor vemari maso dunia nei pe? Ikor vemari va, vape
35
Ikor mamuna, Irama ne vediajara e atuma mua pai dio variriwi tutir tamani, e atuma vavi pai diovaririwi tutir siniani, e vavindewa pai diovaririwi tutir nioni vavi pai.
36
E nari variriwi pimasa pai ma, nana pa anioraro pai matauni.
37
Siniotu vesanemipal vetamami, pival vesiniami rawai nana Ya pai ma, sa diadi riausara Ya va. Toapana kota siniotu vesanemipai vene aturna mua, pivai atuma vavi rawai na Ya pa sia.
38
E siniotu vekambarai vesariouwa vene aitabat e vindausara Ya pa sia, diadi so sendausara Ya pa va
39
Teini dieriori nie tenam pai, amamo nari nie tenam pai niai; mae teini nie tenam pai niai, aso kiorusara Ya pa, amamo nari siemuai nie tenam pai."
Nanarie vesie pai, siemual vait vesie pai kota. (Nanapi Markus 9:41 pai kota)
40
Teini vie trima mia, amamo vie trima Yau. E teini vie trima Ya mamo, vie trima Yai viamias Ya pai.
41
Teini vie trima Nabi aso Nabi nina pa, armamo nari siemuai vait ariri Nabi. E teini vie trima siniotu viate pesi, aso diete pana, amamo nari siemuai vait ariri siniotu viate.
42
Teini diono kambu viunu, kambu veriewas vea, maso siniotu vekariria nine sia esi, aso riausara Ya pana mamo, siniotu jani nari siemuai nie wait pai."