1
Raria pesi pa, siniotu Parisi pesi sano pa Nikodemus, siniotu veve baba na agama Yehudi pa esi nina.
2
Diru pesi pa riama so Jesus e kievo so I, e diojo; 'Guru, amanduin toapa, Sien Allah andi diemias Au, aso siniotu pesi ma sa nienari pitandor vetoapa Nuenari nesi va, masi Sien Allah tutir I va mamo.''
3
Jesus ruar soi, e diojo; "Itopa so au, esi diavi riwana va amamo sa vie kaiwasa na Sien Allah Nie Kerajaan pai va.
4
Amana Nikodemus kievo so Jesus e diojo; 'Masari, siniotu pesi bieba to manau vori diavi riwa nea pa, nari o-toane'.
5
Jesus kievo riwanea e diojo: "Ine kavo ne ve vata mo, toapa, esi diavi riwana nana kambu pai tutir Sien Allah Nie Wainunu pai va mamo, siniotu jani kasa vie kaiwasa so Sien Allah na Nie Kerajaan pai va.
6
Siniotu pasi nanapi rurawa tarai nei mamo, baba pasi siavini Vape nanapi rurawa Wainunu pai mamo, Sien Allah Nie Wainunu pai andi diavini".
7
Tuendor vape moja, aso ikavore jojo: "Mia vura metavi riwan mia pino.
8
Aso wana pai ma, sio so topina pa, ariri nie majar, e tatadiawa bu-sore pa. Vape tanduin mojara riana topina ma pa, e ria so topina pa. Toapana kota, maso siniotu Sien Nie Wainunu pai diavi riwana pasia.'
9
Apa Nikodemus duta ea e diojo; apavo kavo vedia nari vediadi toane'.
10
Jesus ruar soi e diojo; "auma vue guru na Israel, avori tuetar kavo ninesi pa.
11
Itopa so au ve vatamo toapa ama topa pi vitosi amanduinasi pa, e amambe saksi so pi vitosi ama sajosi pa, vape membe trima kavo pasi va.
12
Itopanusara kavo vevava na dunia nei pasi maso mia, vape mesanetiar va; avori nari kavo ikavora maso mia nanapi vava venana rora wai pasi pa, nari mesanemitiarasi toane?
13
Aja siniotu pesi siajai so rorawa va, vape veviar mesu so dunia nei, andi Siniotu Atu ne Jau.
14
ariri Musai piosasana korou venanari na tembaga pai nana aitato pesi, na mapar rubua pai pa. toapana kota, siniotu atu ne Yau, nari seposasana Yau e jevakir,
15
ave amamo siniotu vesanemitiari pasia vura, sesamuai tenam vatamo vevata to woroi pai pe.
16
aso Sien Allah sanepai siniotu pasi na dunia nei pa, joma diona atu siria pai pa, ave amamo teini sanetiar-l pa, siemuai kariria pai vape moja, vape siemuai tenam vatamo vevata to woroi pai.
17
aso Sien Allah dienatu Atu pai pa, ave amamo vie hukum dunia nei va, vape ave amamo vesamuai slamat pai.
18
Siniotu vesanemitiar-I pasi ma, sa sisamuai hukuman va, vape siniotu vesanemitiar va pasia ma, Sien Allah vie hukum sia to manau aso sesanemitiar Allah Atu siria pai va pana".
19
E hukuman pai nine: 'Sasaar pai riama so dunia nei to manau, vape siniotu pasi sisanemi vesie kumuar pai nanapi sasaar pai, aso sene vava pasi sikariria pana.
20
Siniotu venanari kariria pai ma, miedidi sasaar pai, e kiembarai riama so sasaar pai, ave nie kariria pasi, siveruana vape moja.
21
Vape, siniotu venanari ariri Sien Allah Nie sanevesie pai ma riama so sasaar pai ave, veruana toapa, pi vitosi nienarisi pa, simasi tutir Sien Allah nie sane vesie pai.