1
Siniotu Parisi pa sia setadiawa toapa, siniotu Jesus sioiva na Kambu Sren e verausari pa sia, sepau rawai nanapi verausara Yohanes pa sia,
2
(Arorae Jesus matauni ma sioiv siniotu va, vape Nie murit verausari pa sia vea)
3
Jesus ruina siniotu Parisi ne sia so setadiawa kavone to manau pa, suvie ria vurusu Yudea e sioverai so uta Galilea.
4
Nanapi nie rara nei pa, riatuwa uta Samaria,
5
apa Jesus riama so Kota pesi na uta Samaria, Kota pai sano pa Sikhar, vekasau va nanapi kakopa papo pae Yakopi diona so atu Yusupi pai.
6
Apavo nanapi uta jana mamo, Yakop nie parigi pai niana pana. Apavo Jesus ria to mierior veja, apa miesoi nana parigi pai dere pa.
7
Raria janima vare diam surae muandu raria pa, e Jesus nie murit pa sia senda so Kota wai to manau, ave sembori pisia,
8
worabua va mana vavi Samaria pesi riama dutu kambu, apa Jesus kievo soi e diojo; "Isaue buon kambu pesae junu,
9
amana vavi Samaria pai kievo so-l e diojo; "Tuani Au ma siniotu Yehudi ni Au, mae yama vavi Samaria ni yau, avori tuani buosau kambu viunu na ya pa. (aso siniotu Yehudi pa sia ma semadidi siniotu Samaria pa sia pana).
10
Apa Jesus kievo so vavi Samaria pai e diojo; "Masi ruin ariri pi Sien Allah diona, e siniotu teini siau e dunu na au ne mamo, nari au suau e bunu nanai, amamo nari dion kambu vetenam pai so au."
11
Vavi pai kievo e diojo; "Vape Tuani Au ma vuero pi vitutuva, e parigi nei vie raro vesiri, avori nai suemuai kambu vetenam pai na topina?
12
amatapumi pai Jakop, andi diono parigi nini so ama. Matauni kota kior kambu diunu nana nine, toapana kota maso nie atuma pa sia, tutir nie pi aum pasi. Apavo Tuani muemo ma buojo au bueba rawai na Jakopie?"
13
Jesus kievo e diojo; "Siniotu viunu kambu nini, nari rao parai ea,
14
vape siniotu viunu kambu nari jona pai mamo, rao pa sa parai ea va to woroi- woroi, aso kambu nari jona pai, e tiepapiara e suvi, diona tenam vata mo vevata to woroi pai soi."
15
Vavi pai kievo e diojo; "Tuani buon kambu jani so jau, ave amamo raone parai ea vape moja, e ave amamo isovera ea maso nine e ikor kambu ea va.
16
Jesus kievo soi e diojo; "Rua suau sawamui e mundama so nine".
17
Amana vavi pai ruar e diojo; "Ja ma ivaro sawa", amana Jesus kievore diojo; *Kuevo vedia ma ima vata,
18
aso ririau ve rim to manau e rabua nine vetenam tutir au vediai ma sawamui nina vae.''
19
Vavi pai kievo e diojo: 'Janama iruin toapa, Tuani Au ma Nabi ni Au,
20
amatapumi pai siom Sien Allah, na suo vavo nini, vape Tuani nomu kaiwasa pai diojo, Yerusalem mesari a tasom Sien Allah nana pa."
21
Jesus kievo soi e diojo; "Vatamo, raria pesi mamo, nari kaiwasa siom Jai, nanapi suo vavo nini ea va, e nanapi Yerusalem va,
22
Siniotu Samaria pa mia ma mesom pi menduin va, mae Yehudine ama ma, ama som pi vitoni amanduini pa, aso slamat pai riama nana pa siniotu Yehudi.
23
Vape raria pai nari riama, e riama to manau, toapa nanapi paya na Sien Nie Wainunu pai e kaiwasa nari siom Jai, ariri Sie vata, ariri Jai Nie sane vesie pai.
24
Aso Sien Allah ma Wainunu nina, e nanapi paya nana Sien Allah Nie Wainunu pai pino, kaiwasa siom Jai to tindiya pe."
25
Vavi Samaria pai kievo so Jesus ea e diojo; "Iruin Raja viono Slamat (tatap ve Kristus pai) nari riama pa. Riama mamo, nari tiopa ariri pi vura maso tata".
26
Apa Jesus kievo soi e dioja; "Andi Ya mana; Ya ikavavo tutir au ne mana."
27
Worabua va mana Nie murit pasia sesovera, setandor vesiri so Jesus kievavo tutir vavi pai pa. Vape sia esi pia so duta vavi pai e diojo; 'Vavi, piesanae?' Pivai esi duta Jesus e diojo; 'Aso vitopi kuevavo tutir vavi paipa',
28
Janama vavi pai vievu nie kabesu pai na janae, diepaia so Kota e tiopa so kaiwasa pai na wana e diojo;
29
"Mendama mesajo siniotu vetopa veruana ine sasara borai inanari pasi vura, so jau. Joka ma Raja vekor Slamat paina pe?"
30
Apa kaiwasa pai suvi na Kota pai e senda so Jesus.
31
Mae Nie murit pasia, setuva Jesus, ave diapi, apa setojo; "Guru, janama buapi".
32
Amana Jesus ruar so siae diojo; "Ine pisia pasine, mia ma menduinasi va".
33
Apavo Nie murit pasia setuta vaveri sia; "Nari esia senggor pisia soi te?"
34
Janama Jesus kievo so siae diojo; "Ine pisia pasi ma, Ira ariri viamias Ya pai Nie majar e Inanari ariri nanaripi siwa maso Ya pasi".
35
Menggavore metojo; "Sembai at ea mamo, viema pi romi pai pana, vape Itopa so mia, mesajoraso romi venanggunai to manaue vio viema pana,
36
kaiwasa viema pasia seto sesamuai sene vait pai to manau, e sesoruir tarai pai, so tenam vatamo viaworoi pai, amamo siniotu vetetapa pi mor pai, tutir siniotu viena pai, susanemi vesasie vura".
37
Kavo sosiau nine ma tindia kota. Esi pai tiana e esi pai diema.
38
Jemias mia e menda metema nana romi mataun menanari va. Siniotu vevesiei senanaripi na wana to manau, e mesamuai untung nanapi sene nanaripi pai.''
39
Kaiwasa Samaria venana Kota jasia, sepau vesiri sesanemitiar Jesus, aso vavi pai kievo e diojo; 'tiopan ariri pi inanari to manau pasi vura.
40
Jana ma siniotu Samaria pasia, senda sesamuai Jesus pa, sesau soi, ave amamo miesoi tutir sia. Apa Jesus miesoi na jana raria muandu.
41
Apa sepau rawai ea, sesanemitiar Jesus, aso Nie Kavo aniau matau tiopana so sia pasi.
42
Senggavo so vavi paie setojo; "Amasanemitiari ne ma, aso kavo kuevora so ama pasina va, vape aso matau ama tadiawi to manaue, amanduin toapa, I ma vata moe vekor Slamat so dunia paina.