Pasal 2
Vavindiriau venana aniose Kana pai
1
Kara Galilea, e Jesus siniani andia na wana.
2
Jesus tutir Nie murit pa sia, sesamuai undangan kota so pesta jani. raria muandu, avori senanari pesta vavindiriau na kota Kana na uta.
3
Apavo anggur pa sikai to manau, apa Jesus siniani kievo soi e diojo; "Sene anggur pa sikai".
4
amana Jesus kievo so i e diojo; "Mai, buemias Ya va, nie diam pai miesi varami so iveruana Ya pa'.
5
apa Jesus siniani kievo so veve pelayan na pesta pa sia e diojo; 'nari menanari ariri kavo vitoni tiopani matu so mia pa.''
6
apavo kabesu vevereri pa rimesiri, asia na jana. Ave setisara kambu (aso ariri atoran Yehudi pai mamo, tamu pasi sirois sivarami e siremi, avori siapi).
7
Apa Jesus kievo so pelayan pa sia, e diojo; mesara kambu susa kabesu nesi. Apa sesarasi to sionu.
8
Avori Jesus kievo so sia e diojo; "Janama menggor kambu katu esa so veve ru so pesta pai", apa senggor kambu pa so veve ru na pesta pai.
9
Janama dunu tato kambu veriwae veve anggur pai. (Vape ruin mojara anggur pai ria na topina, mae pelayan vesara kambu pa semesari sia senduina).
10
Avori kievo soi e diojo; "ariri mo mamo, viono anggur viate mo pai papo, ave tamu pa setunu to sene soresisua pa simanau mo, avori anggur biasa pai pui.''
11
Jani ma pitandor retena Jesus nienari paina, nienari na aniose Kana, na uta Galilea. Nana pi tandor jani, veruana Nie paya pai, apa nie murid pa sesanemitiar-l.
12
Manau na jana pa Jesus suvi e ria so aniose Kapernaum, tutir sinianie, tutir neta katue-neta vava e, tutir nie murit pa sia, senana wana rariapa esasi.
Jesus suapui so Anio Allah pai pa (Mat. 21:12-13; Mrk. 11:15-17; Luk. 19:45-46)
13
Yehudi pa sene raria baba Paska pai dieriasi ato pa Jesus ria so Yerusalem.
14
Na Anio Allah pai, na Yerusalem pa, siemuai siniotu vevova sapie, dombae aya kapurae, siniotu veriwa pipi pa esia semasoi na jana.
15
Jesus nienari airora pesi nanapi wai, avori ditatavara binatan pasi vura, domba veito sapi, nanapi Anio Allah pai raro pa. Meja semasoie sendiwa pipi nana pasi tiawa bariasi, veito sene pipi pasi sitaririaran.
16
Apa Kievo so vevova aya kapura pasia, metariaunasi vurusu nine, metono Yai Nie Anio pai ve uta viavayan pi vape moja!''
17
Apa Nie murit pa sia sesanemi pai aso surat repo pai ayat verotu toapa nine: *Sie panau, isanemipai so nomu anio pai mamo, masi adia ni dia titituwa sane raro ne pa". e setojo; 'ite
18
Apavo Yehudi pa sene veve baba pa sia, sepaduar Jesus, nuenari pitandor pesi, ave veruana so ama, toapa vue hak so nuenari toapa nine pa".
19
Apa Jesus ruar so siae diojo: "Mendura Anio nei, e nanapi raria toru, nari ivauni riwanea.''
20
Amana senggavo e setojo: Sien Nie Anio nei viauna pa taun siniotu muandue rimesiri, avori buotojo nari vuauni riwanea nana raria toru vea pa.
21
Vape Sien Nie Anio Jesus kievo na nei ma, matauni nie tarai pai na.
22
Apavo vepui Jesus siobatai nanapi voru pai to manau, janama nie murit pa sia sesanemipaya, toapa kavo nine a kievo nanapa Jesus siejo riruin siniotu pasi.
23
Nana rabua Jesus andia na Yerusalem pa, nana raria baba Paskah pai pa, kaiwasa pau sesanemitiari, aso pitandor nienari pasi.
24
Vape Jesus matauni ma sanetiar sia va, aso siejo riruin kaiwasa vura pavo.
25
Perlu so esi kievo ariri kavo so I, nanapi siniotu pa sine vava pasi va. Aso I ma ruina pivitosi sinana siniotu pa sisanemi raro pasi pa.