Sesisiajara Jesus e sesarap soi pa ¹ Janama Pilatus sua, avori diemias siniotue sendora Jesus. ² Tentara pa sia setanu makota pesi (topi raja) nanapi wai veve sina, avori setonae Jesus tiaruvi. Manaupa janama setonae siesuni nanapi sasu veve sianggono. ³ Avori sendama soie setojo; "Tabe so Raja Yehudi pa nau", avori janama sebasari. ⁴ Manau na jana pa Pilatus suvi riwanea e kievo so kaiwasa pai, e diojo, ite mesajo! Isuviri maso mia, ave amamo menduina toapa isamuai sasara pesa nana-l va. ⁵ Apa Jesus suvi, amana setonae tiaruva makota vianu nana wai veve sina, e sesasuni nana sasu baba juba veve sianggono nina. Avori Pilatus kievo so siae diojo, mesajo siniotu pai jana! ⁶ Imam baba pa sia tutir siniotu viarama pa sia sesajori pa, setumie setojo; "Pia na aitabat pai, pia na aitabat pai!" Apa Pilatus kievo so siae diojo, Menggori matau mepai na aitabat pai, aso ja ma isamuai sasara pesa nanai va pana. e ⁷ Kaiwasa Yehudi pa senduar e setojo; "ariri amane hukum agama nei mamo, siemuai hukuman voru pai, aso diasan riwani ve Allah atu nina pana. ⁸ Pilatus diediawa senggavo tojana pa, mietai veito. ⁹ Apa sua riwanea apui so andiraro vekutu kavo pai, e senggor Jesus apui, avori Pilatus dutan Jesus, e diojo, vueva na topina? Vape Jesus dinggavo va. ¹⁰ Apa Pilatus kievo riwanea e diojo, kuembarai kuevo tutir jaue? Auma muemone, ja ma isamuai hak so ikavo rera au pa, e hak so pua nana aitabat pa! ¹¹ Apa Jesus ruar soi e diojo, 'Masi Sien Allah diono hak jani maso au va mamo, sa suemuai hak vekutu kavo so Ja pa va, apavo siniotu vevovo Ja so au pai ma, nie tatar pai bieba rawai nanapi au". ¹² Pilatus diediawa kavo nine pa, dio siesera ve Jesus tieisu vurusua, amana kaiwasa Yehudi pa sia, setananar e setojo; Tuani, buojo buonae tieisu vurusua mamo, Tuani au ma sa vue maneta tutir kaisar pai val Aso siniotu verusasana riwanea e veve Raja pai ma, dio siesera marova tutir Kaisar pail ¹³ Pilatus diediawa kavo nine pa, kior Jesus ari so vorira wae, dionae miesol nana kursi pengadilan vekutu kavo pai nanapi uta vesanomi na Dui Rovuki nana kavo Ibrani mamo, Gabata. ¹⁴ Raria jani ma vare diam surae muandu raria pai, nanapi aja raria Paskah pai varami. Apavo Pilatus kievo so kaiwasa pai e diojo, mene Raja pai nine! Amana kaiwasa pai ¹⁵ Dumi e diojo: "Memunil Memunil Metavakiri na aitabat pail Apa Pilatus duta ea e diojo: apavo ja jevakira mene Raja nei e?" amana Imam baba pa sia senduare setojo; 'amane Raja pai andi Kaiser pai miesari, ¹⁶ Apa Pilatus siwa Jesus so sia, ave sepai na aitabat pai. Apa senggor Jesus, e senda.

Jesus pia na aitabat pai pa

¹⁷ Jesus suvi na wana pa, matau sieriowa nie aitabat pai raso uta vesanomi na: "Uta siniotu ru", nana kavo Ibrani mamo, Golgota. ¹⁸ ave sepai na aitabat pai na wana. Sepai na aitabat pai tutir siniotu pa sumbe muandu kota; esi pai na rawa sara pa, e esi pai na rawa vata pa, e Jesus niana rabua. ¹⁹ E, Pilatus diemiase sembui kavo pesa e setavakira nana Jesus nie aitabat pai rawa vavo pa, e rotu toapa nine: "Jesus Siniotu Nazaret pai, Raja Yehudi paina". ²⁰ Yehudi pa sepau setap kavo vevui ne, aso uta setavakir Yesus nana pa vekasau na kota pai va. Kavo ne vui na kavo Ibrani e, kavo Latin, e kavo Yunani. ²¹ Imam baba pa sia, sesau so Pilatus, ave amamo vui e diojo, Raja Yehudi pai nine vape moja, vape vui e diojo, Siniotu nini kievo e diojo, Raja Yehudi pa ja nine. ²² amana Pilatus ruar so sia e diojo, vitopi ivui to manau pa, vata pana to. ²³ Tentara pa setavakira Jesus to manau pa, senggor nie sasu pasi senduwasa sasu pasi ve at, ave siri-siri siemuai. Senggor nie sasu baba juba pai, Sasu baba juba pai ma, diawar va, sesuni nana vavo wa ravav so dou wa. ²⁴ Tentara pa senggavo vavera na sia e setojo, sasu baba juba nei ma, tanggutui vape moja, vesie pa tandut onde soi, ave amamo veruana teini nari siemuai pa. ²⁵ Jesus siniani tutir siniani neta katu pai, Maria Keliopas vinie pai e Maria Magdalenai asiaja setosa siwara Jesus na Nie aitabat pai. ²⁶ Apavo Jesus siejo siniani tutir nie murit sanepaya pai diosa siwari pa, kievo so siniani e diojo: "Mai, nomu aturna pai andi jana, ²⁷ Janama Jesus kievo ea so Nie murit pai e diojo: "Siniamui andı jana". Apa na rabua jana kota e murit pai vie tirima Jesus siniani e miesoi tutiri na nie anio pai.

Jesus Nie voru pai,

²⁸ Jesus ruin to manau toapa ninerna vurae simasi to manau, e ave vitosi sivui nanapi surat Repo pai pa, simasi ariria, apa kievo e diojo; "Raone parai", ²⁹ Apavo mok vesara anggur vesiasa pesi dionue tur na jana apa sesuan bunga karang pai nana anggur vesiasa pai, avori setisa suruvi na ai hisop arawa pai, e sesiwi ajai so Jesus sore pa. ³⁰ Jesus dunu anggur vesiasa pai to manau pa, kievo e diojo: "Manau pana". Janama kiasir ru pa e vioru.

Setisa Jesus pa

³¹ Veve Baba nana Yehudi pa sia, senggambarai wominggo sepa na aitabat pesi dievakir na aitabat pai veitoro raria Sabat pai va, avori raria Sabat pai ma, raria baba atapua nina. Aso raria Yesus pia nana aitabat pai pa ma, tiera nana raria Sabat pai varami pa, Yehudi pa sia sesau so Pilatus ave amamo sendora kasira siniotu sepa nana aitabat pa sendaemi-sina pasi e sembiar wominggo pasi vurusu aitabat pasi. ³² Apa tentara pa senda sendora kasira siniotu muandu sepa nana aitabat tutir Jesus pa sundaemi pasi. ³³ Janama sendama so Jesus, e sesajo mana vioru to manau, apavo sendora kasira ae pasi va. ³⁴ Mae tentara pa esi ni disani nana sanai-nioi pai na kasire pa, apa veria pai tutir kambu pai susuvi. ³⁵ Siniotu matau vesajo vava jani, andi tiopana vava jani ave mia kota mesanemitiar, e nie kavo ne ma ve vata, e ruin toapa vata. ³⁶ Kavo ne toapa jana, ave amamo imasi ariri vevui nanapi surat Repo pai pa, toapa: "Nie sina pasi ma sa esi diotu va. ³⁷ Vevui na Surat Repo pai kota, toapa: "Nari sesasiri, siniotu setisa to manau pai.''

Sepir Jesus nanapi papi pai pa.

³⁸ Manau na jana pa, Yusup nana aniose Arimatea ria siau so Pilatus, ave amamo senggor Jesus nie tarai vevoru pai.Yusupi ma siniotu verausara Jesus pa esinina, vape dienaniwa, aso mietai veve baba na agama Yehudi pa sia pana. Apa Pilatus miajar soi, apa janama ria kior Jesus Nie tarai vevoru pai. ³⁹ Nikodemus papopae verama so Jesus na diru pai, ria kota usara Yusupi. Nikodemus kior mani vesairara-mur tutir gaharu, siruir e pau pa vare kilo siniotu sirie verawai sura. ⁴⁰ Janama sunggor Jesus nie tarai vevoru pai e sutavani nanapi sis kapan sis vitavana wominggo tutir mani vesairara pasi, ariri Yehudi pa setone buai pa. ⁴¹ Nana uta setavakir Jesus nana pa, asiwar romi vemasasoi e vekor tavai nana pesi, nana romi nini, senanari papi vavoru pesi nana. Papi jani ma, aja sepir wominggo pesi nana warami. ⁴² Aso papi jani dieriasi pavo, avori raria Sabat pai seto setindai pana, apa sepir Jesus na papi pai, nana wana.