Pasal 14
Jesus ma ria vinda so Tamani pai.na
1
Jesus kievo so sia e diojo; "Mesanemi sasera mia vape moja, mesanemitiar Sien Allah, e mesanemitiar Ja kota.
2
Nanapi Jai Nie anio wai ma, uta masasoja pai piau. Apavo Ira soa, ave jono ariri uta so mia. Toa va reto sa itopa so mia va.
3
Ira, ave jono ariri uta so mia to manau pa, nari Isovera ea ma ave Ikor mia, ave uta topi Inana pa, mia kota menana jana.
4
E uta topi Ira soa pa, menduin ria pai".
5
Apa Tomas kievo so Jesus e diojo; "Sie panau, amanduin mojara uta topi rua soa pa, avori nari amanduin ria pai toane?"
6
Amana Jesus kievo soi e diojo: "Ria pai e vetindia pai e tenam pai, andi Jau. Esi ria nanapi Ja va mamo, sa riama so Jai va.
7
Masi mesajo riruin Ja mamo, ariri mesajo riruin Jai kota pa. Nine ma mesajo riruin to manau e mesajori to manau."
8
Apa Pilipus kievo so Jesus e diojo; "Sie panau, buoisara Tama pai so ama, ave amamo amasanemi pa siete pe".
9
Amana Jesus kievo soi e diojo; "Ina tutir mia to woroi vesiri, e aja suejo riruin Ja varami ea pa, Pilipus! Siniotu vesajo Ja to manau pai ma, siejo Jai to manau, avori kuevo e buojo; Buoisara Tama pai so ama pa.
10
Pilipus! Aja sanetiar Ive siri tutir Jai, e Jai vie siri tutir Ja pa varamie? Kavo vitosi Ikavorasi maso Au pa, ima Ikavorasi nana matau Ja va, vape Jai veve siri tutir Ja pai andi nienari pi ninesi vura pa.
11
Sanetiar Jau, toapa Ive siri tutir Jai, e Jai vie siri tutir Jau. Mae piva mamo, sanetiar aso pi inanari to manau pasi.
12
Itopa so au, vata moe, teini sanetiar Ja pa, amamo nari nienari pi Inanari to manau pasi, e nari nienari pi vebaba rawai pa esasi ea. Aso Ira so Jai.
13
E pi vito vea mesau nana sano ne pa, nari Jona maso mia, ave Jai siemuai sanandika pai nanapi Atu pai.
14
Pi vito vea, mesau nanapi sanone mamo, nari Jonasi.
Jesus tiopa veruana Wainunu Sren pai nari riana so nie murit pa sia pa
15
Masi mesanemipai Ja mamo, nari menda ariri Ine prenta pasi
16
Nari Isau so Jai, e nari diono siniotu vevesiei viadidin mia pesi, e andi nari tutir mia to woroi-woroi.
17
I-ma Sien Allah nie Wainunu pai na, andi nari vieruana Sien Allah nie vetindia pal. Dunia nei sa vie tirimai va, aso dunia nei siejori va e siejo riruini va. Vape mia ma mesajo riruini, aso nia tutir mia, e nari vie siri tutir mia pana.
18
Mia ma sa Ivavu mia e memesari ve atuma awata va, nari Isovera ea maso mia.
19
Worabua va so dunia nei sa siejo Ja riwanea pa va, vape miama nari mesajo Jau. E aso Itenam pavo, nari mia kota metenam.
20
Raria pai miesi mamo, nari menduin toapa, Ive siri tutir Jai, e membe siri tutir Jau, e Ivesiri tutir mia.
21
Siniatu veve tirima Ine prenta pa sie, venanari ariria pai, andi sanepai Ja pa. Jai nari sanepai siniotu vesanemipai Ja pai. Ja kota nari Isanemipal siniotu jani, e iveruana Ja soi".
22
Apavo Yudas Yudas Iskariot ma piva, dutan Jesus e diojo: Sie panau, aso vitopi buo vueruana Au so ama e vueruana Au so dunia nei va pa?
23
Jesus ruar soi e diojo; Siniotu vesanemipai Ja pai ma, nari kior usara Ine kavo aniau pasi. E nari Jai sanepai, nari Jai amundama soi, e amu masoi tutiri.
24
Siniotu vesanemipai Ja va pai, sa kior usara Ine kavo aniau pasi va. Kavo aniau metadiawa jasi sira nanapi Jai via mias Ja pai
25
Pi jasi vura, Itopanasi maso mia, nanapi aja Ina tutir mia ne.
26
Vape Sien Allah Nie Wainunu, nari Jai diemias nanapi sanone maso mia pai, andi nari dieniau mia nana pi vura, e ditono sanepaya maso mia nana pi kavo Itopana maso mia pasi vura.
27
Vemari e vemanasi pai Ipiri maso mia Matau Ine vemari e vemanasi pai andi Joni maso mia. Jona maso mia pai ma, miesi tutira dunia nei diono maso mia pai va. Metamuaus e metanasisiau e mematai vape moja.
28
Metadiawa ikavo pa to manau, nari Ira, vape nari Isovera ea maso mia, mesanernipai Ya mamo, nari mesanemi pa siete, aso Ira so Yai pa, aso Yai ma bieba rawai nanapi Yau.
29
Itopanasi maso mia vesiri, nanapi aja sive diadi vura varami pa, ave sive diadi mamo, mesanenitiar pe.
30
Ikavo e pau tutir mia ea va, aso raria pai miesi to manau so, paya na dunia pai riama ato, vape sa vur Ja va.
31
Toa saridioie nari sive diadi vura ave amamo dunia nei ruina toapa Isanernipai Jai, e Inanari ariri pi Jai vie prenta maso Ja pasi. Ineri mendama ve tanda vurusu nine.