Pasal 13

Jesus riois rurana Nie murit pa sendaemi pasipa

1 Raria pa siri ea mamo, Raria baba Paskah pai pana, Jesus ruin to manau. toapa raria pai miesi to manau so vievur dunia nei e slovera so Tamani pa. Sanepai Nie kaiwasa venana dunia nei, e sanepai sia veito vemanau pa. 2 Jesus tutir Nie murit pasia setapi so idirua pa, apavo bilis pai sua nana Yudas, Simon Iskariot atu pai sane raro pa to manau, ave amamo viov Jesus. 3 Jesus ruin toapa, Tamani diono paya pai vura so-l to manau. Ruin kota toapa, riama nanapi Sien Allah, e nari siovera ea so Sien Allah. 4 Apa joma siobataie tita Nie sasu baba juba pai e riapauwa handuk pai nana kasire pa. 5 Manau pa janama siar kambu pai susa bokor pai, avori riois rurana nie murit pa sendaemi pasi, manau pa janama ki rurana sendaemi pasi nana sis riapawa na kasire pai. 6 Kior maso Simon Petrus, apa kievo e diojo; "Sie panau, avo buo ruois ae nesie?" 7 Jesus ruar soi e diojo; "Ninema sa ruin ariri pi Inanari ne varami, vape nari ruina rami". 8 Apa Petrus kievo so Jesus e diajo; "Sie panau, moja. Sie panau ima moja vesiri, sa ruois ae nesi va". Amana Jesus ruar soi e diojo; "Irois aemu pasi va mamo, sa vue siri tutir Ya va". 9 Apa Petrus kievo so Jesus e diojo: "Tojana mamo, Sie panau, ae nesi vea va, vape vara nesi tutir ru nei kota!" 10 Amana Jesus kievo soi e diojo; Siniotu vesoi to manau pai ma viero rariai, apavo sa sioi rurani ea va, mae ae pasi vea. Mia vura ma membaro rariai to manau. Vape mia vura ea va". 11 Jesus ma ruin to manau, so teini nari viovi pa, apa joma kievo e diojo: "Mia vurama membaro rariai, vape mia vura ea va" 12 Jesus riois rurana sendaemi pasi to manau pa, janama siesuni riwanea nana Nie sasu baba juba pai e miesoi ea. Avori kievo so siae diojo; janama menduin ariri pi vitoni erine inanari maso mia pa to manaue? 13 Mesau Jau ve guru e Sie. Ima toa pana. 14 Masi Ive guru e Ive Sie so mia, e Irois rurana mendaemi pasi, amamo mia kota mendois rurana mendaemi pasi vavera. 15 Jono vava nini so mia, ave amamo mia kota menanari ariri pi vitopi Inanari maso mia to manau pa. womi pesi ma sa bieba rawai na nie tuan pai va, 16 Itopa so mia ve vatamo, pivai amias pesi ma sa bieba rawai na viamiasi pai va. 17 Menduin pininesi vura mamo, vesie vesiri maso mia, aso menanari aririasi pa. 18 Vitopi Ikavorane mamo, ima tera mia vura va. Iruin teisia Jiri sia to manau pa. Vape vitopi vui nana Surat Repo pai to manau pa, nari vediadi, toapa: Siniotu viapi tutir Ja pai, nari dion amuna tutir Jau". 19 Kavone ma Itopana maso mia vesiri, nanapi aja vediadi varami pa, ave amamo nari vediadi mamo mesanemitiar toapa; "andi Jau". 20 Itopa so mia, vata moe teini vie tirima Ine amias pai mamo, ima vie tirima Ja pana. E teini vie tirima Ja mamo, ima vie tirima viamias Ja pai pana.

Jesus pir arer so kariria nari veter-I pai pa (Mat. 26:20-25; Mrk. 14:17-21; Luk. 22:21-23)
21 Jesus kievo toapa jana to manau pa, sane pa kariria vesiri, avori kievore diojo: "Itopa so mia ve vatamo, nanapi mia esi nari viovo Jau". 22 Apa Nie murit pa sia setandor vesiri, e setaduat vaveri sia, aso senduin mojara teini Jesus kievo nanai wa. 23 Murit Jesus sanepaya pai, andi miesoi siwara Jesus, 24 apavo Simon Petrus kievo soi, ave andi dutan Jesus, aso teini kievo nanai wa, 25 apa nie murit vemasoi siwari pai, dutanie diojo: Sie panau teina mo? 26 Jesus ruar sai e diojo; siniotu teini isuan roti pai susa mok pai e isiwi soi pa, amamo andina. Janama Jesus kior roti pa dovaru siri, e suani susa mok pai avori dioni so Yudas, Simon Iskariot atu pai. 27 Yudas vie tririma roti pai to manau pa, bilis pai sua na sane raro pa. janama Jesus kievo soi e diojo: "Pi vitopi buo nuenari pa mamo, nuenari saira". 28 Vemasoi e viapi nana jasia, esi dinduin kavo ne va, aso vitopi Jesus kievo tojana so Yudas pa. 29 Esia semamoma setojo Jesus diernias Yudas, ave viori piesa so sene pesta pai, ite diono pipi so siniotu vevaro pi pasia te, aso Yudas andi rut sene doi kas pai pana. 30 Yudas vie tirima roti pai to manau pa, suvie ria. E idirua to manau.
Prenta vavoru
31 Yudas ria to manau pa, Jesus kievo e diojo; Janama Siniotu Atu pai siemuai som sanandika vetariai pai pana, e Sien Allah siemuai som sanandika vetariai pai nana pa I. 32 Masi Sien Allah siemuai som sanandika vetariai pai nana pa 1, amamo I kota, nari siemuai som sanandika vetariai pai, nanapi Sien Allah matauni. E nari Sien Allah diono som sanandika vetariai pai masoi tutir sawawara. 33 Ine atuma pa mia, sa Imasoi tutir mia to woroi ea va. Nari mesasera Jau, vape ariri Itopa so Yehudi pa sene veve baba pa sia pa, toapana kota Itopana maso mia; uta Ira soa wa, ima sa mendama soa va.' 34 Jono prenta vavoru pesi maso mia, toapa: "Mesanemipai vaveri mia, ariri Isanemipai mia pa, toa pana kota, mesanemipai vaveri mia". 35 Masi mesanemipai mia vavera mamo, nari kaiwasa vura ruina toapa; "Mia ma Ine murit pa miana".
Jesus dierer papo toapa: nari Petrus pioras Jesus
36 Petrus dutan Jesus e diojo; "Sie panau, avo buo rua topina?" Jesus ruar soi e diojo; "Uta topi Ira soapa, sa rua soa varami, vape nari rua usara Jau, vepuiya". 37 Petrus dutan ea, e diojo: "Sien, aso vitopi diadi so ira usara Au vesiri va pa? isanemi vesie ivoru so Sie panau". 38 Jesus ruar so Petrus e diojo; "Vata moe, sane vesie vuoru so Jaue? Itopa so au; "Aja kokori pa sisau varamie, nari kuevo poras Ja ve toru, e buojo: "au ma riruin Ja va".