Pasal 12

Sembuvu mani vesairara pai so Jesus, nana aniose Betania pa

1 Raria rimesiri ea nana aja Raria baba Paskah pai varami pa, Jesus ria so aniose Betania, nana uta dionae Lazarus siobatai nana voru pai pa. 2 Apa sepir pisia soi e Martai ni nunupi. Avori Lazarus tutir wasa verama pa esia semasol e setapi tutir Jesus, 3 avori Mariai kior mani narwastu vesairara vian to tariai vesiri pesi ma. Janama siovuvu mani pai na Jesus ae pasi, avori kiruranasi nana rurandau pasi. Anio raro pai sieirara vura, aso mani vesairara pai. 4 Vape Judas Iskariot, murit vera usara Jesus pa sia esinina. Andi vepuie viovl pa, kievore diojo; 5 Aso vitopi mani vesairara jani viova tutir pipi perak pa utin toru, ave pipi jası siona so siniotu vevaro pi pasia va pa? 6 Yudas kievo towana pama aso sanepai siniotu vevaro pi pasia pana va, vape aso diemanana pi pana. Aso esa mamo kior pipi manana, nanapi sene doi kas rut pai pana 7 Amana Jesus kievore diojo: "ave ria nienari ariria, ave vekavo sanepaya so raria vepir Ja na papi pai pa. 8 Aso siniotu vevaro pi pa siama, asiaja tutir mia tawana, vape Ja ma sa Ina tutir mia tawana va".

Vene kavo siri ave vemun Lazarus pa
9 Kaiwasa Yehudi pa sepau setadiawa Jesus niana aniose Betania, apa senda so wana. Senda so wana pa aso Jesus vea va, vape ave sesajo Lazarus, Jesus dionae vesobata na voru pai. 10 Apa joma Imam baba pa sia seto semun Lazarus kota. 11 aso andi viediajarae kaiwasa Yehudi pa sepau sembavur siae, sesanemitiar Jesus pa.
Jesus suapui so Kota Yerusalem tutir rara vermarawas (Mat. 21:1-11; Mrk. 11:1-11; Luk. 19:28-40)
12 Kausapa pa kaiwasa borai sendama, ave sesom raria Paskah pai, apavo setadiawa Jesus andia nana nie rara pai tara Kota Jerusalem pa 13 Apa senggor palem rau pasi, ave setasiesasie Jesus ria sasani nanasi, avori sesodiajae setojo: "Sanandika pai so Sien Allah. Berkat masoi, verama nanapi Sien sano pai. Berkat maso Raja Israel pai!" 14 Jesus siemuai keledai atu vavoru pesi, e miesoi sasani nana, apa imasi tutira vevui nana Surat Repo pai pa, toapa; 15 "Muetai vape moja, karavi Jerusalem panau, suejo nomu Raja pai riama pa, miesoi sasani nana Keledai atu vavoru nina!" 16 Rabua janama, Jesus nie murit pa sia, aja senduin ariri kavo ninesi varani. Vape ineri Jesus siemuai nie masasoija vetariai pai nanapi nie voru pai to manau pa, janama sesanemipai asoa, toapa pi kaiwasa nienari soi pasi, sivui nana Surat Repo pai to manau.
Orang Banyak Berbicara tentang Yesus
17 Kaiwasa veruire vesajo Jesus siau Lazarus suvi nana kubir paie siobatai nana voru pai pasia, sembe saksi so kavo nine, 18 apa joma kaiwasa vepau pa sia senda so Jesus pa. aso setadiawa mana andi nienari pi tandor jani. 19 Apa siniotu Parisi pa sia senggavo vavera na matau siae setojo; 'ite mesajo, dunia vetutira, sendausari!'
Siniotu Yunani pa esia, sesasera Jesus pa
20 Nanapi kaiwasa vera so Jerusalem, ave veve ari nana raria Baba Paskah pai, apa siniotu Yunani pa esia kota. 21 Sendama so Pilipus e setojo; 'Manetai, diadi mamo, amasanemi vesie ama samuai Jesus' Pilipus ma vieva na aniose Betsaida, na uta Galilea. 22 Apa Pilipus ria tiopa kavone so Andarias, e janama sunda sutopa so Jesus. 23 Apa Jesus kievo so sandue diojo; "Raria pai miesi to manau so Siniotu Atu pai sia ajai so Nie masasoja vetariai pai pa". 24 Ine kavo ne ma vevatamo, toapa, gandum mor pai tiana na kakopa wae vioru va, amamo nari vie mor siri vea. Vape gandum mor pai vioru, amamo nari suvir gandum buo pa pau. 25 Siniotu vesanemipai riwa vene tenam pai, nari nie tenam pai niai. Vape siniotu vesanemipai riwana vene tenam na dunia nei va pai, ima dionanari nie tenam pai so tenam viaroi pai. 26 Teini dionanusara Ja pa mamo, ria usara Jau, ave amamo vionanusara Ja pai andia tutir Jau na uta topi Inana pa. Siniotu vionanusara Ja pai ma nari Jai tietuani".
Jesus kievo na Nie voru pai pa
27 Sane rarone kariria, vitopi nari Ikavorane? Nari Ikavoe jojo; "Jai, buonave Itaisu vurusu na raria nini?" Piva, aso joma vava vekariria nini pa, Irama pa. 28 Jai, buonave sanomu pai siemuai sanandik verawai pai. Apa viadiawa raopui pesi na rora wa, kievore diojo; "Jona sanandika verawai to manau, e nari jona sanandika verawai pai riwanea". 29 Kaiwasa venana jasia setadiawa raopui pai. Apa senggavore setojo; 'kuruja nina!" vape esia kota senggavore setojo; 'Piva, Malaekat ni kievo ma soi!'' 30 Avori Jesus kievo so siae diojo: "Raopui viadiawa jani ma riotu maso Ja va, vape riotu maso mia". 31 Nine ma raria pai miesi maso dunia nei, so sepir ariri vait pai masoi pana, nine ma paya venana dunia nei nari senggei tara vorira wa pana. 32 Mae Ja mamo, seposasana Jau vurusu dunia nei to manau mamo, nari Isarap kaiwasa vura, maso Jau. 33 Jesus kievo towana pa ma, ave tiopa veruana nari vioru pa pana. 34 Apa kaiwasa pai kievo soi e diojo; ariri amane Buku Hukum pai mamo, Raja Vekor Slamat pai ma, nari tienam to woroi-woroi. Avori kuevore buojo Siniotu Atu ne Ja ma nari seposasana Jaue tariai na dunia nei vavo ne pa? Siniotu Atu pai ma tei nina mo? 35 Apa Jesus kievo so siae diojo, Sasaar pai nari nia sesiorana mia saira vea, apavo menda nana sasaar pai andia rami pa, ave amamo kumuar pai buas mia vape moja. Siniotu vera na kumuar pai raro pai ma, ruin mojara ria toapa. 36 Mesanemitiar sasaar pai, nanapi sasaar pai andia niana mia rami pa, ave amamo membe atuma sasaar, Jesus kievo tojana to manau pa, suvi aniwara wurusu sia, e kiembarai vieruani so sia.
Yehudi pasia sesanemitiar va pa
37 Jesus nienari pi tandor pa pau e sesajosi to manau, vape sesanemitiar-l va. 38 Apa imasi nabi Yesaya kievo pa, toapa: "Sie panau, avo nari teini sanetiar kavo ama topana nei? Nomu paya pai, nari vieruana so teina?" 39 Apa joma sesanemitiar va pa, aso Yesayal kievo kota toapa, Sien Allah kievore diojo; 40 "Jonae sendemi pa sikaber, e sendumi pa sikarakuai, ave amamo sendeni pa sisajo vape moja, e sene sanepaya pa situp. Ave amamo sesovera ea so Jau ea vape moja, aso jona e sepanaam pe 41 Yesayai kievo toapajana pa ma, aso siejo Jesus nie verawai pai to manau pana, apa kievo nana Ipa. 42 Toa saridioie, veve baba nana Yehudi pa sepau sesanemitiar Jesus. Vape sembe barani so senduar to masivu pa va, aso sematai siniotu Parisi pa sia semu vedior sia so Anio Ari pai pe. 43 Sesanemi vesie sesamuai sanandika nanapi siniotu pa, mae Sie pai ma piva.
Jesus nie kavo pai nari vie Hakim pa
44 Avori Jesus dumi e diojo; "siniotu vesanemitiar Ja pai, i ma sanetiar Ja pana va, vape sanetiar I, viamias Ja pai pana. 45 E siniotu vesajo Ja pai, i ma siejor I, viamias Ja pai. 46 Irama so dunia nei ariri sasaar, ave amamo kaiwasa vesanemitiar Ja pasia, senana vekumuar pai vape moja. 47 Siniotu viadiawa Ine aniau pai, vape vekorusara va pai, Ja ma sa Ive hukumi va, aso Iramane ave Ive hukum dunia nei va, vape ave dunia nei siemual slamat. 48 Siniotu vetawa irara Jaue vekambarai viadiawa Ine kavo pai pa sia, veve hakim soi pai andia to manau. Kavo Ikavora pai, andi nari vie hakimi nana raria dunia nei kieriria pa. 49 Aso Ikavo nanapi matau Ine sane vesie va, Jai viamias Ja pai, andi diono prenta so Jau, nana vitopi Ikavorae, Itopana pa. 50 E, Iruina toapa Nie prenta pai ma dion tenam vatamo viaroi pai. Apavo Ikavorasi ariri pi vitosi Jai dieniawasi maso Ja pa".