Pasal 11
Lazarus nie voru pai
1
. Siniotu pesi sano pa Lazarus, niana aniose Betesda tutir raruo vavi pa sandu. Mariai tutir Martai.
2
Mariai ma joma vavi vevuvu mani vesairara pai nana Jesus ae pasie, ki ruranasi nanapi matauni rurandau pasi pa. Raria pesi pa Lazarus piota,
3
apa raruo vavi pa suranatu kavo aso Jesus, e surojo: 'Sie panau, amundaruomi sanepaya pai, piota.
4
Jesus diediawa kavo arer ne pa, kievore diojo: "Pota jani ma sa viediajara voru va. Vape nine ma ave Sien Allah siemuai som sanandikia pai, ave amamo Allah Atu pai kota, siemuai sanandika pai.
5
Jesus sanepai Martai Mariai sandu tutir Lazarus.
6
Apavo Jesus siemuai arer pa to manau, so Lazarus piota pa. Vape dio paparo e miesoi raria muandu ea nana uta niana pa,
7
Manau pa janama kievo so nie murit pa sia e diojo: "Mendama tasovera ea so Yudea."
8
Amana nie murit pa setojo; "Guru, katuerine vori Yehudi pa sia seto seso Au nana rovuki pa. Avori buojo tasovera ea so wana pa?"
9
Apa Jesus kievo so siae diojo: Jokama raria siri mamo diam surae muandu mana? Apavo siniotu vera na sasaar raria pai ma sa siediaira va, aso siejo sasaar dunia nei pana.
10
Vape siniotu vera na kumuar diru pai ma, nari siediaira, aso sasaar pesi nianai va pana
11
Apavo Jesus kievo toapa jana. Janama kievo riwanea e diojo; "Tane maneta pa Lazarus, diena to manau, vape nari Ira ve Ivauni".
12
..
13
Jesus kievo ne ma toapa, Lazarus vioru to manau. Vape semamo ma setojo Jesus kievo ne ma, aso Lazarus diena ve vata pana.
14
Apa joma Jesus tiopa sivu so sia toapa: "Lazarus vioru to manau
15
Vape sanene vesie vesiri, aso Inana wana va pa, aso vesie rawai maso mia. ave amamo mesanemitiar pe. Janama mendama, ave tanda so Lazarus".
16
Avori Thomas sesauwa we Didimus pai, kievo so nie maneta verausara Jesus pa sia, e diojo; "Mendama ve tanda, ave tamboru tutiri!."
17
Jesus riama so uta pa mana, Lazarus ma sembe kubir-i rania at to manau.
18
. Aniose Betania ma deriasi kota Yerusalem, vekasau pa vare kilometer toru. Kaiwasa Yehudi pa sepau sendama.
19
Ave setono kavo vemanasi so Martai-Mariai sandu, aso sundaruomi pai vioru pa
20
Apavo Martai diediawa Jesus riama pa, suvie ria vediori, e Mariai ma miesoi na anio wa.
21
Apa Martai kievo so Jesus e diojo; "Sie panau, nuana nine na raria jani reto, raruo pai sa vioru va".
22
Toa saridioje iruin toapa, nine kota, Sien Allah nari diono pi vitopi suau nanai pa.
23
Apa Jesus kievo so Martai e diojo, "Raruomui nari tienam ea."
24
Martai diojo; Iruin Lazarus nari tienam riwanea pa, nana raria vevoru pa sia sesobata sia nana raria dunia nei kieriria pa.
25
Apa Jesus kievo so Martai e diojo; "Ja jono tenam pai e Ivaun vevoru pa sia pa. Siniotu vesanemitiar Ja pai ma, vioru to manau wo, nari tienam.
26
E siniotu vetename vesanemitiar Ja pa sia, sa semboru va veito woroi-woroi. Sanetiar kavo nine ne?''
27
Apa Martai ruar e diojo; "Sie panau, isanemitiar, Au ma Allah Atu, Raja viono slamat nari vera mesu so dunia nei pai andi Au".
Jesus siai pa
28
. Martai kievo tonine to manau mana, ria siau neta Mariai e siemumui soi e diojo; 'Gurui nia wana, e dutanau".
29
Mariai diediawa pa, sawawarae siobatai e ria so Jesus.
30
Rabua jana ma Jesus andia sua so aniose pa varami. Andia niana uta Martai siemuai nana pa.
31
Siniotu Yehudi viono kavo vemanasi so Mariai na aniowa pa sia, sesajo Mariai blatai sawawarae suvi pa, sendausari, aso setojo nai dio ria so kubir wale siai pana.
32
Mariai ria so uta Jesus niana pa, e siejori pa, Mariai disanaebu pasi nana Jesus aropo pae kievore diojo: "Sie panau, raria jani nuana nine mo reto, raruo pai sa vioru va.''
33
Jesus siejo Mariai siai pa e kaiwasa Yehudi vera usara Mariai pa sia kota sesai pa, Jesus sane pa kariria e siai sane raro.
34
Apa Jesus dutan sia e diojo, Mepiri na papi pai na topina? apa senduare setojo: "Sie panau ruama suejo. Apa Jesus siai.
35
apa kaiwasa Yehudi pa senggavore setojo;
36
Ite mesajo, sanepai Lazarus veja.
37
Vape esi pa senggavore setojo, "dionae veremi kaber pa sesajo, avori diona ve Lazarus vioru vape moja vae?"
Lazarus tienam riwa nea pa
38
Jesus sane pa kariria riwanea, avori ria so papi pai. Papi pai ma suep nina, avori sesuori nana rovuki pimasa nina.
39
Jesus kievore diojo: "Metawa irara rovuki pai vurusua, amana Mariai, siniotu vevoru pai raruo vavi pai, ruar e diojo: "Vape Sie panau, viata raria at to manau!"
40
Apa Jesus kievo so Mariai e diojo; "Jokama Itopa so au to manau mana? Sanetiar mamo, nari suejo Sien Allah so Nie paya pai bieba pa?"
41
Janama senggadiduir rovuki pai, avori Jesus siejo sasana ajai so rorawa, e kievore diojo; "Yai, trima kasi, aso buediawa Ya to manau pa.
42
Iruin buediawa Ya tawana pa, vape Ikavo tonine pa ma, ave kaiwasa venana nine sia, ave amamo sesanemitiar toapa Au buemias Yau.
43
Jesus kievo tojana to manau mana, dumi to baba vesirie diojo: "Lazarus, suvi mari!"
44
Apa siniotu vevoru to manau pai suvi. Vara pasi tutir ae pasija sitavana tutir sis vitavana wominggo pasi, e re pasi sitavuna nana sis vitavuna wominggo pa siremipasi. Jesus kievo so siniotu viosa na jasia, e diojo: "Metita sis vitavanı pasi, ave amamo ria to vesie pe".
Ruir vesanemi siri ve vemun Jesus pai (Mat. 26:1-5; Mrk. 14:1-2; Luk. 22:1-2)
45
Kaiwasa Yehudi verama vetira Mariai pa sia, sesanemitiar Jesus, aso sesajo subata pi Jesus nienari pasi pana.
46
Vape sia esia, senda so Parisi pa sia, e setopa pi Jesus nienari to manau pai.
47
Apa joma Parisi pa sia tutir Imam baba pa sia, setono ruir tutir agama Yehudi pa sene ruir baba vekutu kavo pai, senggavo e setojo; "nari tananari toane? Aso siniotu nei nienari pi tandor pa pau.
48
Tato tatituwi tonine vea, amamo nari kaiwasa pau sanetiari. E toa mamo, veve baba nana Pemerintah Roma wa sia, sendama sendojara tata e sendura anio Sie nei.''
49
Apa sia esinina, sano pa Kayafas, veve Imam baba nanapi taun jani. Kievo e diojo: "Menganggau,
50
e menduin vesie maso mia pa va. Aso siniotu pa siri vioru so tane kaiwasa pa, vesie nanapi tane kaiwasa nei vurae siemuai kariria pai pa.
51
Ariri mo mamo, Kayapas kievo pa ma, nanapi matauni nie sane paya va, vape ariri Imam baba nana taun jani e pir arer toapa, Jesus nari vioru maso kaiwasa Yehudi pai.
52
E maso kaiwasa Yehudi pai vea va, vape ave amamo vesoruira Sien Allah atu vemasasiepar pa sia e sembe siri.
53
Nanapi raria janie veve Baba na Yehudi pa sia senduir e sesanemi siri, ave semun Jesus.
54
Apavo Jesus vieruani nana kalwasa re vepau ea va, nana kaiwasa Yehudi pa sia. Vievu vurusu Yudea, e ria so kota vesanomi na Efraim, deriasi mapar rubua pai, niana jana tutir nie murit pa sia.
55
Nana rabua jana, deriasi Yehudi pa sene Raria Baba Paskah pai to manau. Kaiwasa pai piau ria nanapi Desa pasi e senda so Yerusalem to manau, ave amamo senanari ariri sembe sren sene tarai pasi papo, nanapi aja sesua so raria Baba pai pa.
56
Sesasera Jesus, e sesoruir sia nana anio Sie pai pa, senggavo vavera na matau sia, setojo, "Buone sanepaya pai toane?" esa mamo nari riama so Raria Baba nei va".
57
Senggavo tojana pa ma, aso Imam baba pa sia tutir Parisi pa sia, sesuvir prenta toapa, teini ruin Jesus niana topina pa, amamo tiopa ave amamo setapuri.