5 Apavo, metawairara soresisu dunla venangganat mia ora pasi, vetoapa: venanari kavo, tenam vekarirlae, soresisu a vekaririae, mamotare, tutir sanekariria pi to rawal. Aso sanekariria pi rawal pai ma miesi vaveri ariri vesom karuar pa. 6 Pi vetoapa yasi vura, asi sivediara Sien Allah nie kasiou pai maso siniotu vekorusara va pasia pa. 7 Mia kota, papo pa ma menda nanapi sanekariria vetoapa yasi, nana rabua aya metenam nanasi pa. 8 Vape nine ma, mengge pi vetoapa ninesi vurusu mia, pi vetoapa: kasisioue, variriwie, madidi siniatue.Mesoremi pasi sisuvir kavo niniayae, pivai kavo veve rariai vape moja. Metawi vavera mia va, aso tenam tawa pai tutir nie vava pasi, asi metavinasi to manau pa.
9 Metawi vavera mia va, aso tenam tawa pai tutir nie vava pasi, asi metavinasi to manau pa. 10 Nine ma, mesamuai tenam vevavoru pal to manau. Mia ma siniotu vevavoru, Sien Allah venanari mia pal, dionae membavoru tawana vea, ariri matauni nie vava pa. Ave amamo, mendunin Sien Allah to tindiya pe. 11 A vediayarae powasa siniotu pa nal pa. Powasa siniotu Yehudi tutir Yehudi vae, siniotu veve sunat tutir sunat vae, sinai pa; powasa siniotu vera ve wasae, weruin buai vae, womi tutir womi va pa, nai pa. Aso Kristus ma, nanapi vura. Kristus vie siri tutir sia vura. 12 Sien Allah nie kaiwasa ni mia. Sien Allah sanepai mia, e diri miae nie atapu mia. Apajoma, ave amamo metoisara sanepayae, metonaate, menggavo tawar va, menggavo wawotu va, mesun mesanemiraro pasi nanapi kariria vetera mia pasi. 13 Membesabar mia vavera, e membe ampun mia vavera, masi mepir kasiou nanapi mesanemiraro pasi vavera mamo. Sien sanevesle vie ampon mia, apavo mia kota membe ampon mia vavera. 14 E verawal mo pa, mesanemipai vavera mia, aso sanepaya palni pioruir mia vura to vesie pa. 15 Menggutu kavo pesasi mamo, mepir aririasi nanapi saneraro vemari Kristus diono nana mesanemi raro pasi. Aso Sien Allah siau mla, ave menduire membe tarai siri, ave amamo metenam nanapi Kristus nie dame pal. Isau ve membe trima kasih. 16 Isau ve Kristus nie pianiau vekor berkat pasi, sisun mesanemi raro pasi, e sive berkat viondewari maso mia. Isau ve metaniau mia vavera, metono kavo sane paya viate, maso mia vavera. Mendoi ranu mazmur tutir ranu som, tutir rano rohani; mendol so Sien Allah tutir trima kasih nanapi mesanem raro pasi. 17 Pi vitosi menanarisi pa, pival menggavorasi pa, amamo menanarisie menggavorasi nanapi Sien Yesus sano pa. E isau ve membe trima kasih so Sien Allah Tama pal, so pi vitopi Yesus nienari maso mia pa.