Pasal 2
1
Isanemivesie menduina jombeito isun yau aso mia, tutir kaiwasa venana Laodekia pasia, e kaiwasa aya vesayo riruin yamo varami pasia.
2
Pi jasi vurama inanarisi ave amamo sesanemi raro pa sipaya e setisanemipai sia vavera, ave amamo senggarakual e sembe siri. Ave amamo senduin ariri ve vata mo, ave sesamuai sanetiar vionu. Toapa jana ave amamo senduina Sien Allah nie vava vianiawa pai vevatamo, andi Kristus matauni.
3
Kristus ni plosivu vava saserai aya tanduin varami, nanapi Sien Allah, nie paya papo e vianiwa pasi Itopan kavo nine so mla, ave amamo esi diawi vavera mia tutir kavo sore kambu maso mia vape moja. pa.
4
Aso Ima Ive kasau mia saridiol, vape menduin toapa, yaya ina sesiorana mia.
5
E sanevesie vesiri, aso isayo mesanemi sirie menggarakuai nanapi sanetiar pai maso Kristus pa.
Tenam vetindia pai
6
Ine maneta pa mia, membetrima Kristus Yesus ve Sie to manau. Apavo metenam e membe siri tutir
7
e membe. war nana pa I. Membauna mene tenam pasie, Kristus vie pi sasiara so mia. Mene sanetiar pasi, ave sipaya bibura so Kristus, ariri pi vitosi sieniawa maso mia to manau pa. E mesanemi raro pasi sionu tutir vetopana trima kasih.
8
Mesanemipaya to vesie, aso esia setoto sepot mia nanapi pande siniotu veve guna va pesasie, menda sasara pe. Pande siniotu vetoapa yasi ma, sirama nanapi Kristus va, vape sirama nanapi siniotu sine senepaya vea e nanapi walnunu vekariria vevava nana paya dunia pal.
9
Aso Sien Allah nie vava pai vura, siasai nanapi Kristus, nana nie rurawa siniotu pa.
10
E aso tenam veve siri tutir Kristus pai pa, joma viono tenam vetutira maso mia pa. Aso Kristus, andi vie ru maso wainunu saserai vesamuai payae veve prenta pasi.
11
Aso veve siri tutir Kristus pa joma membe sunat to manau pa, nanapi sunat siniotu sinanari va, vape nanapi sunat Kristus nienarie, vepariri mla vurusu paya nanapi rurawa veve tatar pai.
12
Aso nana rabua mesamuai kambu Sren pa ma, mesu so kubir pai tutir Kristus pana; e nanapi Kambu Sren yani kota, metenam riwanea tutir Kristus, aso mesanemitiar Sien Allah nie paya vionae Kristus tienam riwanea nanapi voru pai pa
13
Papo pa ma, aririmo mamo mene tenam wainunu pasi sivoru to manau, aso membe tatar pa, avori metimbe sunat va. Vape nine ma Sien Allah dionae metenam riwanea tutir Kristus. Sien Allah vie ampon tane tatar pasi vura to manau,
14
e suara eta surat niaki so tata nana kavo viomarabati pasi. Aso surat yani pia nana aitabat pai pa, Sien Allah ki rurana kavo vimbe karak tata pasi vura.
15
Nanapi aitabat pai pa, Kristus dionae, wainunu saserai veve prenta e vesamuai paya pasi, simarui va ato. Sisamual atavar ariri womi, e veruana baara, nanapi rabua Kristus vie untun vurusuasi pa.
Tutir Kristus nanapi voru pale nanapi tenam pal pa
16
Apavo metituwae kaiwasa sepir sasara maso mia, nanapi pi metan to pi metunu, pivai nanapi agama pal nie raria baba pasi, pivai anunu so sembal vavoru, pivai aso raria Sabat pasi vape moja.
17
Yasi vura ma, siveruana pi nari vera ea ma na raria dopui, vape piyasi vura siveruana nanapa Kristus.
18
Metituwae kalwasa viombe siniotu venganggaue vesom Malaekat pasia, sepir sasara maso mla vape moja. Siniotu yasia ma sesanandik sia tutir sene sanepaya dunia pasie, senggavo tawar nana pi sesayora atapua pasi.
19
Veito sendutawan Kristus, veve ru pai ea va. Adidina nanapi Kristus pai viediayarae tarai pai vura, ploruirae vie siri nanapi sina pasi e sisiwara ariri Sien Allah nie sanevesie pai pa.
20
Miama memboru tutir Kristus to manau, e metaisu vurusu wainunu vekariria nanapi paya dunia pasi. Avori, aso vitopi setenam ariri siniotu aya venana dunia nei rawa nie rami pa ? Aso vitopi metatuan so atoran vetoapa ninesi pa?
21
"Sa mendut kakusara nine va", "sa menggari tuta wana va", "sa mene tarai pasi sikikiai nini va.
22
Atoran yasi vura ma, sitera pi tambe pake to manau mana sive guna ea va. Pijasi ma atorane, pi aniau siniotu sinanari sina vea.
23
Vata, tasayo mamo Ima simarawas vesiri, siojo ave amamo, kaiwasa siom Malaekate, setariori sene taral pasie senauri ple; vape pijasi vura ma, sa sitawairara siniotu pasi sine soresisua pasi va.